അറിയപ്പെടാത്ത മാവേലിമാർ [അർജ്ജുൻ ദേവ്] 178

“””ഏട്ടായീ…  ഏട്ടായി കരുതണപോലെ… ന്നെ… ന്നെ രാജീവേട്ടനല്ലാതെ….  ഇതുവരെയാരും… “”

പറയാൻ തുടങ്ങിയത് മുഴുവിയ്ക്കാതെ പിന്നീടാ വായിൽ നിന്നും വന്നത് മുള കീറുന്നതുപോലെയൊരു ശബ്ദമായിരുന്നു…..!!

നാട്ടുകാര് പറയുമ്പോലെ അവളൊരു പിഴച്ച  പെണ്ണാണെന്ന് കരുതിയാണ് ഞാനവളെ അകറ്റി നിർത്തുന്നതെന്ന തോന്നലിൽ ചങ്കുരുകി കരഞ്ഞയവളെ,
വേഗത്തിൽ കട്ടിലിൽ നിന്നുമിറങ്ങി ചേർത്തു പിടിച്ചപ്പോഴും അവളിൽ നിന്നുമുതിർന്ന അലയൊലികളടങ്ങിയിരുന്നില്ല….!! എന്റെ നഗ്നമായ നെഞ്ചിലെ രോമങ്ങളെ കണ്ണീരിനാൽ കുതിർക്കുമ്പോഴും അവളുടെ മുതുകിൽ തലോടിക്കൊണ്ടിരുന്ന വലതു കൈയെ വിശ്രമിയ്ക്കുവാൻ ഞാനനുവദിച്ചില്ല……!!

“””എനിക്കറിയാമേട്ടായിയെന്നെ എങ്ങനാ കണ്ടേക്കുന്നേന്ന്…. അതിനേട്ടായിയെ കുറ്റമ്പറഞ്ഞിട്ടു കാര്യോമില്ല…. കാരണം തെറ്റെന്റെയല്ലേ….,, രാജീവേട്ടൻ മരിച്ചേപ്പിന്നെ ഞാനൊരുപാടിടത്തൊക്കെ ജോലി നോക്കിയതാ….!! പക്ഷേ… ഓരോരുത്തരുടേക്കെ നോട്ടോം സംസാരോന്നും സയിയ്ക്കാതായപ്പോ യെല്ലാം നിർത്തീതാ….!! അവസാനം നിയ്ക്കക്കള്ളിയില്ലാതെ വന്നപ്പഴാ ഞാൻ…. ഞാൻ….!!”””

അവൾ വീണ്ടും ഏങ്ങലടിച്ചു കൊണ്ടെന്റെ നെഞ്ചിലേയ്ക്കു മുഖം പൂഴ്ത്തിയപ്പോൾ അവളുടെ വാക്കുകളെ ഭർത്താവിന്റെ മുന്നിൽ ചെയ്തുപോയ തെറ്റ് ഏറ്റു പറയാൻ ശ്രെമിയ്‌ക്കുന്ന ഭാര്യയുടെ വാക്കുകളായാണ് പ്രതീതമായത്…..!! അന്നാരാത്രിയിൽ അവളെ ആശ്വസിപ്പിച്ചുകൊണ്ടെന്നോട് ചേർത്തു കിടത്തുമ്പോൾ ഇതുവരെയറിഞ്ഞിട്ടില്ലാത്തതു പോലൊരു സുരക്ഷിതത്വം അവളുടെ മുഖത്തുണ്ടായിരുന്നു…..!!

ഞാനടുത്ത ദിവസം രാവിലെ തന്നെയവളോട് യാത്രപറഞ്ഞിറങ്ങി….  അനീഷായിരുന്നു എന്റെ അടുത്ത ലക്ഷ്യം….!! എന്നാലവിടെയും ദൈവമെന്നെ കൈവിടുകയായിരുന്നു…..!!

അവന്റെ വീടിന്റെ ഗേറ്റുകടന്ന് ചെന്ന എന്നെ എതിരേറ്റത്  അവന്റെ ഭാര്യയവനോട് പറഞ്ഞ വാക്കുകളായിരുന്നു…. ഇനിയൊരിക്കലും ഹരിയോടൊപ്പം വലിയ ചങ്ങാത്തത്തിനൊന്നും പോണ്ടെന്നും വഴിപിഴച്ചവളോടൊപ്പം ജീവിയ്ക്കുന്നവന്റെ കൂട്ടുകാരനാണെന്റെ ഭർത്താവെന്ന് പറയാൻ അവൾക്ക്  നാണക്കേടാണെന്നും…..!!.

കാര്യങ്ങളുടെ കിടപ്പൊക്കെ ഏകദേശം വ്യക്തമായതോടെ പിന്നൊരു നിമിഷമവിടെ നിൽക്കാൻ തോന്നിയില്ല…. അവരെന്നെ കാണുംമുന്നേ അറിയാതെയുതിർന്നുവീണ കണ്ണീരും പുറംകൈകൊണ്ടു തുടച്ചുകൊണ്ട് കൊടുത്ത പണം പോലും തിരികെ ചോദിയ്ക്കാതെ തിരിച്ചിറങ്ങി……!!

വിയർത്തു കുതിർന്ന് തിരികെ വീട്ടിലെത്തുമ്പോൾ എന്നെയും കാത്ത് ഉമ്മറപ്പടിയിൽ ദേവുയിരിപ്പുണ്ടായിരുന്നു…..!! അവളോടെന്തു പറയണമെന്നൊരൂഹവുമില്ലാതെ ഞാനടുത്തേയ്ക്കു ചെന്നു…..!!

“””പൈസ കിട്ടിയോയേട്ടായീ…??”””

ഞാനടുത്തെത്തിയപ്പോൾ  പടിയ്ക്കലെഴുന്നേറ്റു കൊണ്ടവൾ തിരക്കി…. കിട്ടിയെന്നോ ഇല്ലെന്നോ പറഞ്ഞില്ല…. അവളെയും മറികടന്നുള്ളിലേയ്ക്കു കയറിയപ്പോളൊരു നെടുവീർപ്പ് മാത്രമിട്ടു…….!!

“””ഏട്ടായീ….!!”””

വിചാരിച്ചതു പോലൊന്നും നടന്നില്ലെന്നെന്റെ മുഖഭാവത്തിൽ നിന്നും ബോധ്യമായതോടെ അവൾ വിളിച്ചു കൊണ്ട് പിന്നാലെ വന്നു…..

“””ഏട്ടായീ… ഞാനൊരു കാര്യമ്പറഞ്ഞാ ദേഷ്യപ്പെടോ…??”””

കട്ടിലിലിരുന്ന എന്നോട് ചേർന്നു നിന്നുകൊണ്ടവൾ ചോദിച്ചു….

“””മ്മ്മ്…??”””