അറിയപ്പെടാത്ത മാവേലിമാർ [അർജ്ജുൻ ദേവ്] 178

“””ഒരക്ഷരം….  ഒരൊറ്റയക്ഷരം നീയിനി മിണ്ടിയാൽ കൊന്നുകളയുഞ്ഞാൻ…!! എന്നാലും…  എന്നാലുന്നിനക്കെങ്ങനെ തോന്നിയെടീ….??  ദേവൂ… നീ… നീ വേറൊരുത്തന് കിടന്നു കൊടുക്കാതിരിയ്ക്കാനല്ലേടീ ഞാൻ…  ഞാനീ കഷ്ടപ്പെട്ടതൊക്കെ…!! വീട്ടുകാരേം നാട്ടുകാരേം വെറുപ്പിച്ച് നിന്നേങ്കൂട്ടിയിറങ്ങുമ്പോൾ….  ഞാൻ… ഞാനൊരിയ്ക്കലുമെന്നെ പറ്റിയോർത്തിട്ടില്ല….  ഓർത്തതു മുഴുവൻ നിന്നെ പറ്റിയാ… നിന്നപ്പറ്റി മാത്രം…!! എന്നിട്ട്… എന്നിട്ട് നീ… പണത്തിന് വേണ്ടി…!! ഛേ…!!”””

ചങ്കു പിടഞ്ഞു കൊണ്ടുള്ളയെന്റെ വാക്കുകളുടെ തീയിൽ അവളുടെ കണ്ണുകളിൽ നിന്നും വെള്ളമുരുകിയൊലിച്ചു…

“””ഏട്ടായീ… ഞാൻ… ഞാങ്കാരണമല്ലേ ഏട്ടായിക്കീ ഗതി വന്നേ… അപ്പോ… അപ്പൊയെന്റെയീ പുഴുത്ത ശരീരം കൊണ്ടിങ്ങനേലുമൊരുപകാരം ഏട്ടായിയ്ക്കുണ്ടായിക്കോട്ടേന്നു കരുതീട്ടാ ഞാൻ….!!”””

മാപ്പപേക്ഷിയ്ക്കാനെന്നോണം കരഞ്ഞുകൊണ്ടെന്റെ രണ്ടുകൈകളും കൂട്ടിപ്പിടിയ്ക്കാനൊരുങ്ങിയ അവളെ പിന്നിലേയ്ക്കു തള്ളിയെറിഞ്ഞു കൊണ്ട് ഞാൻ തിരിഞ്ഞു നടന്നതും അവളലമുറയിട്ടു കൊണ്ടെന്റെ പിന്നാലെയോടി വന്നു……!!

“””ഒന്നു നിന്നേ….!!”””

പിന്നിൽ നിന്നുമുള്ള തമ്പിയുടെ സ്വരമുയർന്നതും എന്റെ ചുവടുകൾ നിലച്ചു…. അറിയാതെയൊന്നു കഴുത്തു ചെരിച്ചയെന്റെ മുന്നിലേയ്ക്ക് അയാൾ പാഞ്ഞു വന്നു…. അതിനിടയിൽ മറ്റൊന്നും വകവെയ്ക്കാതെ ദേവുയെന്നോട് ചൊതുങ്ങിയിരുന്നു……!!

“””എന്താ…?? എന്താ നീയൊക്കെയെന്നെ കുറിച്ചു കരുതിയിരിയ്ക്കുന്നേ…?? വെറുതെയെന്നെയങ്ങ് പൊട്ടനാക്കാന്നോ…??”””

അയാൾ വാക്കുകൾ മുറിച്ചപ്പോളെന്റെ കണ്ണുകൾ ദേവുവിലേയ്ക്ക് നീണ്ടു….. എന്നോട് ചേർന്നു നിന്ന് തല താഴ്ത്തിയെന്തോ വലിയ പാതകം ചെയ്തമട്ടിൽ അവളപ്പോഴും നിന്നേങ്ങലടിയ്ക്കുന്നുണ്ടായിരുന്നു…..!!

“””ആദ്യമിവള്  വരുന്നൂ… എന്തിനും സമ്മതോന്നു പറയുന്നു….  ഇപ്പ നീ വന്നിട്ട് വാക്കു മാറുന്നു….  എന്താ…  എന്താ നിന്റേക്കുദ്ദേശം…?? ഇനി നിനക്കു കാശ് വേണ്ടങ്കിന്തന്നെയും ഇവളും കെട്ട്യോനും തരാനുള്ള കാശു പിന്നാരു തരും….?? അതും കൂടെ പറഞ്ഞിട്ട് പോയാ മതി….!!”””

“””അതും ഞാന്തന്നെ തരും….!!”””

അയാളുടെ മുഖത്തു തറപ്പിച്ചു നോക്കി പറയുമ്പോൾ എവിടുന്നെടുത്തുകൊടുക്കുമെന്ന് ഒരൂഹവുമുണ്ടായിരുന്നില്ല…….!!

“””ടാ കൊച്ചനേ… ഒന്നു നിന്നേ….!!”””

അവളെയും കൂട്ടി തിരിഞ്ഞു നടക്കുമ്പോൾ തമ്പിയുടെ സ്വരം പിന്നിൽ നിന്നുമുയർന്നു…….!!

“””ഞാനിവൾക്ക് കൊടുക്കാന്നേറ്റ പണത്തിന്റെ പകുതി പോലും വേണ്ടിവളെക്കാൾ നല്ല പെണ്ണുങ്ങളെയെനിക്ക് കിട്ടാൻ…!! എന്നിട്ടും ഞാൻ
സമ്മതിച്ചതിവളുടെ കണ്ണീര് കണ്ടിട്ടാ…. ഇവള് കരഞ്ഞെന്റെ കാലു പിടിച്ചിട്ടാ….!! എന്നിട്ടിപ്പോ… ഇപ്പോ നീയിവളേം വിളിച്ചോണ്ട് പോവുവാണല്ലോ… എങ്ങനെ…  എങ്ങനെയാ നീയിവളെ പോറ്റാമ്പോണേ…?? പറേടാ…  എങ്ങനെയാ പോറ്റാമ്പോണേന്ന്….??”””

അയാളുടെ ശബ്ദമൊന്നുകൂടിയുറച്ചപ്പോൾ ഞാനൊരിയ്ക്കൽ കൂടി ദേവുവിനെ നോക്കി…. ഞാൻ പറയുന്നതെന്തും സമ്മതമെന്ന മട്ടിൽ നിന്നയവളെ രൂക്ഷമായി നോക്കിക്കൊണ്ട് പോക്കറ്റിൽ നിന്നും ഞാനാകെയുണ്ടായിരുന്ന മുപ്പതു രൂപയെടുത്ത് അയാൾക്കു നേരേ കാട്ടി……!!

“””ഞാനിവടെ… ഇവടെ വന്നു നിങ്ങട മുന്നിപ്പണത്തിനിരന്നത് വേറൊരു വഴിയും മുന്നിക്കാണാത്തതോണ്ടെന്നത് സത്യാ…!! പക്ഷേ…. പക്ഷേയെന്നു കരുതിയെന്റ പെണ്ണിനെ നിങ്ങട മുന്നിലിട്ടിട്ടെനിക്കൊന്നുമ്മേണ്ട…!! അങ്ങനെയെന്റെ പെണ്ണിന്റെ മാനം വിറ്റ പണങ്കൊണ്ടെനിക്കൊന്നും നേടേമ്മേണ്ട…..!!