അറിയപ്പെടാത്ത മാവേലിമാർ [അർജ്ജുൻ ദേവ്] 181

ഡയനിങ് റൂമിന്റെ മൂലയിലുള്ള വാഷ്ബേസനിൽ കൈയും കഴുകി റൂമിലേയ്ക്ക് നടക്കാനൊരുങ്ങിയപ്പോൾ അച്ഛന്റെ ചോദ്യം അമ്മയൊരിക്കൽ കൂടിയോർമ്മിപ്പിച്ചു…….!!

“””എന്റമ്മേ…!! ഇത്രേന്നാളുമെന്റെ ഇഷ്ടത്തിനായാണോ ഞാഞ്ചീവിച്ചേ…??  അല്ലല്ലോ… അപ്പൊപ്പിന്നെ യിതുമാത്രമെന്തിനാ എന്റനുവാദഞ്ചോദിയ്ക്കുന്നേ…??  നിങ്ങളന്നെ തീരുമാനിച്ചോളൂ….!!”””

അവർക്കെന്തിനുമുള്ള അനുവാദം കൊടുത്തുകൊണ്ട് മുറിയിലേയ്ക്ക് നടക്കുമ്പോൾ ഞാൻ തിരിഞ്ഞു നോക്കിയിരുന്നില്ല……!!

എന്റെ വാക്കുകളിലെ അനുവാദമവർ തിരിച്ചറിഞ്ഞതിനാലാവണം പിന്നീടങ്ങോട്ടെന്റെ മുന്നിൽ പലപല പെൺകുട്ടികളുടെയും ഫോട്ടോകൾ നിരന്നു…. ഏതു മുഖം വെച്ചു നീട്ടുന്ന പുഞ്ചിരിയാണ് ത്യജിയ്ക്കേണ്ടതെന്നറിയാതെ വന്നപ്പോൾ കുട്ടിയെ തിരഞ്ഞെടുക്കാനുള്ള പൂർണ്ണാനുവാദവും അവർക്കു തന്നെ നല്കി ഞാനെഴുന്നേറ്റു……!!

അങ്ങനെ ജീവിതത്തോട് തോന്നിത്തുടങ്ങിയ വിരക്തിയെയും കെട്ടിപ്പുണർന്നു കിടന്ന ഒരു രാത്രി അനീഷിന്റെ ഫോൺ വന്നു……

“””മ്മ്മ്…!! പറേടാ…!!”””

ഫോണെടുത്ത് ഓരൊഴുക്കൻ മട്ടിൽ പറഞ്ഞു കൊണ്ടു ഞാൻ മലർന്നു കിടന്നു…

“””അളിയാ… നീയിപ്പോളെവിടെ…?? വീട്ടിലാണോ…??”””

“””മ്മ്മ്…!! എന്തേ…??”””

“””അളിയാ… ഞാനൊരു കാര്യമ്പറഞ്ഞാ നീ ദേഷ്യപ്പെടരുത്…!!”””

“””നീയെന്താന്നു വെച്ചാ പറെ…!!”””

“””അത്… അതളിയാ വേറൊന്നുമല്ല…. ഞാനന്നു പറഞ്ഞില്ലേ… ഒരു ഐറ്റം…!! അവള്… അവള് സെറ്റായെടാ…!! വിളിച്ചപ്പോളിന്നു രാത്രി ചെല്ലാമ്പറഞ്ഞു….!!”””

അവനിതിൽ പരമില്ലാത്ത സന്തോഷത്തോടെയത് പറയുമ്പോഴും എനിക്ക് കാര്യം പൂർണ്ണമായും മനസ്സിലായിരുന്നില്ല…..

“””നിന്നെ വിളിച്ചെങ്കി നീ പോണം…. അതിന്… അതിനു നീയെന്തിനാ എന്നോടു പറയുന്നേ…??”””

“””അതു വെറൊന്നുമല്ലളിയാ… എന്തായാലുമോണോക്കെ വരേല്ലേ…  നിനക്കുമ്മേണ്ടേയൊരു ചേഞ്ചൊക്കെ… അതുകൊണ്ട് വിളിച്ചതാ…!!”””

അവൻ മടിച്ചു മടിച്ചു പറഞ്ഞു നിർത്തിയപ്പോൾ വായിൽ വന്ന തെറിയും വിളിച്ച് ഞാൻ ഫോൺ കട്ട് ചെയ്തു…….!!

പക്ഷേ അവന്റെ വിളിയിൽ നാലാമത്തെ പ്രാവശ്യവും ഫോൺ ചിലയ്ക്കാൻ തുടങ്ങിയപ്പോൾ മനസ്സൊന്നു ചഞ്ചലപ്പെട്ടു……!!

ആരെയുമുണർത്താതെ വീട്ടിന് പുറത്തു കടക്കുമ്പോൾ  ബൈക്കുമായി അവനുമെത്തി… അന്നുവരെ പണത്തിനോ കാമത്തിനോ പ്രേമത്തിനോ വേണ്ടി ഒരിക്കലും ആഗ്രഹിച്ചിട്ടില്ലാത്ത പെൺശരീരത്തിന് വിലപറയാൻ ഞാനും അറിയാതെ അവനൊപ്പം നീങ്ങി…….!!