അറിയപ്പെടാത്ത മാവേലിമാർ [അർജ്ജുൻ ദേവ്] 181

ഇതുകണ്ടോ…. മുപ്പതു രൂപയുണ്ടെന്റെ കയ്യില്…. ഇത്രേങ്കാലം… ഇത്രേങ്കാലം  കുടുംബത്തിനു വേണ്ടി കഷ്ടപ്പെട്ടേന്റവസാന സമ്പാദ്യം…..!! തല്ക്കാലമെനിക്കിതുമതി…. എല്ലാരും തിരുവോണമുണ്ണുമ്പോ എനിക്കുമിവൾക്കു മൊരുമിച്ചിരുന്നുണ്ണാൻ…. ഞങ്ങടെ അവസാനത്തെയോണ സദ്യയുണ്ണാൻ ഇതു മതിയെനിക്ക്…!!”””

ഒറ്റശ്വാസത്തിൽ നെഞ്ചിനുള്ളിലാളിക്കത്തിയ നെരിപ്പോടു മുഴുവൻ വലിച്ചു പുറന്തള്ളിയ ശേഷം കണ്ണുകൾ തുടച്ചു കൊണ്ട് ഞാനവളെയും ചേർത്തു പിടിച്ചുകൊണ്ട് തിരിഞ്ഞു നടന്നു……!!

“””വാടീ പെണ്ണേ… ഒരിറ്റ് വെഷം വാങ്ങാനൊള്ള കാശൊക്കെ എന്റെ കയ്യിലുമൊണ്ടടീ… ഒരോണസദ്യ നമ്മക്കുമുണ്ണാടീ…!!”””

അരക്കെട്ടിൽ കൈചുറ്റി അവളുടെ കണ്ണിൽ നോക്കി വല്ലാത്തൊരു ചിരിയോടെ പറയുമ്പോഴും ഇന്നോളം കൈവിട്ടില്ലാത്ത നിശ്ചയദാർഢ്യം അപ്പോഴുമെന്റെ കണ്ണുകളിൽ തിളങ്ങിയിരുന്നിരിക്കണം…….!!

“””നിക്ക്….!!”””

പിന്നിൽ നിന്നും വീണ്ടുമയാളുടെ സ്വരമുയർന്നതും ഞാനൊരിയ്ക്കൽ കൂടി തിരിഞ്ഞു നോക്കി…..

അയാൾ ഞങ്ങളെ മാറിമാറി നോക്കിയ ശേഷം ജൂബയുടെ  പോക്കറ്റിൽ നിന്നൊരു ചെക്ക് ലീഫെടുത്ത് മുന്നിലെ ടീപ്പോയുടെ പുറത്തേയ്ക്ക് വെച്ചു…. അപ്പോഴയാളുടെ മുഖത്തൊരു പുഞ്ചിരി വിടർന്നതും ഞാൻ കണ്ടു…….!!

“””ഇതില് തനിക്കെത്രയാന്നു വെച്ചാലെഴുതിയെടുത്തോ….. ബ്ലാങ്ക് ചെക്കാ….!!”””

കേട്ടതു വിശ്വസിയ്ക്കാൻ കഴിയതെ ഞാൻ ദേവുവിനെ നോക്കുമ്പോൾ അവളുടെ അവസ്ഥയും മറിച്ചൊന്നായിരുന്നില്ല….!!

“””ഇന്നേവരെ ഒരുത്തനും അഞ്ചുപൈസാ ഞാൻ വെറുതേ കൊടുത്തിട്ടില്ല… ഇനിയൊട്ടു കൊടുക്കാനും പോണില്ല… അതോണ്ട് തന്നെയാ നാട്ടുകാരെന്നെ ബ്ലെയിഡ് തമ്പിയെന്നു വിളിയ്‌ക്കുന്നേ….!! എന്നാ… തനിക്ക്….  തനിക്കു വേണ്ടത് താനെഴുതിയെടുത്തോ…. അതെത്രയാന്നു വെച്ചാലും….!!”””

അയാളുടെ മുഖത്തപ്പോൾ തെളിഞ്ഞ വികടമായ ചിരിയെ ഞാനൊരു പകപ്പോടെ നോക്കി….. എന്നിട്ടവളെയും…. അവളപ്പോൾ  വേണ്ടായെന്ന അർഥത്തിൽ എന്റെ കൈയ്യിൽ ചുറ്റിപ്പിടിച്ചു……!!

“””പേടിക്കേണ്ടടോ… എനിക്കു തന്റെ പെണ്ണിനെയൊന്നുമ്മേണ്ട….!!”””

അയാളുടെ സ്വരം വീണ്ടുമെന്നെയുലച്ചെങ്കിലും ഞാൻ നിശ്ശബ്ദനും നിശ്ചലനുമായിത്തന്നെയാണ് നിലകൊണ്ടത്….

“””ഈ നാട്ടിലൊരുത്തനും ഞാഞ്ചുമ്മാ പൈസ കൊടുത്തിട്ടില്ല…. എന്താന്നുവെച്ചാൽ… ഇതൊന്നും അവന്റെയൊന്നും തന്തയുണ്ടാക്കി വെച്ച കാശല്ല അത്രതന്നെ….!! എന്റെ കാശ് ഞാൻ ചിലപ്പോ കുടിച്ചുകളയും… കളിച്ചു കളയും… പെണ്ണുപിടിച്ചു കളയും… അതെന്റെയിഷ്ടവാ….!! അതിനീ നാട്ടുകാരെന്നെ പെണ്ണുപിടിയാന്നും പിശുക്കാന്നും ബ്ലെയ്ഡെന്നുമൊക്കെ വിളിച്ചാൽ… അതീ തമ്പിക്ക് പുല്ലാ….!! ഞാൻ കൊടുക്കുന്ന തീറ്റേം വാങ്ങി നക്കീട്ട് എനിക്കെതിരെ നിന്നു കൊരക്കുന്ന പട്ടീടെ വിലയേ ഞാനതിന് കൊടുത്തിട്ടൊള്ളു…..!!”””

ഞാനതിനൊന്നും മറുപടി പറയാതെ നോക്കി നിൽക്കുമ്പോൾ അയാൾ തുടർന്നു……..