അറിയപ്പെടാത്ത മാവേലിമാർ [അർജ്ജുൻ ദേവ്] 181

“””പിന്നേട്ടായി കൂടെ വന്നാലേ പൈസ തരുള്ളൂന്നാ പറഞ്ഞേക്കണേ…!!”””

കട്ടിലിൽ നിന്നെഴുന്നേറ്റു നിന്ന് ഷേർട്ടഴിയ്ക്കുമ്പോൾ അവളെന്നെയോർമ്മിപ്പിയ്ക്കും പോലെ പറഞ്ഞു…. അതൊന്നു മൂളിക്കൊണ്ട് സമ്മതിയ്ക്കുമ്പോൾ നഷ്ടപ്പെട്ടതെല്ലാമോരോന്നായി തിരികെ കിട്ടുന്ന പോലൊരു പ്രതീതിയാണ് മനസ്സിലുളവായത്…..!!

അങ്ങനെ കൂടുതലൊന്നു മാലോചിയ്ക്കാതെയാണ് ഇന്നു രാവിലെ ദേവുവിനൊപ്പം തമ്പിയുടെ വീട്ടിലേയ്ക്കിറങ്ങിയത്….

അവളോടൊപ്പം അയാളുടെ മണിമാളികയിലേയ്ക്ക് ചെന്നു കയറുമ്പോൾ മനസ്സ് വല്ലാതെ കലുഷിതമായിരുന്നു…. അറുത്ത കൈയ്ക്ക് ഉപ്പുപുരട്ടാത്ത രാജശേഖരൻ തമ്പി കാശുതരുമെന്ന് വലിയ ഉറപ്പൊന്നുമില്ലായിരുന്നെങ്കിലും ദേവു…. അവളുടെ വാക്കുകൾ നൽകിയ വിശ്വാസമൊന്നുകൊണ്ടു മാത്രമാണ് ഇങ്ങോട്ടേയ്ക്കിറങ്ങി പുറപ്പെട്ടത്….!!

“””സാർ….!! തമ്പി സാർ…!!”””

തുറന്നിട്ടിരുന്ന മുൻവാതിലിലൂടെ ധൈര്യസമേതം അകത്തേയ്ക്കു കടന്ന ദേവു ഉറക്കെ വിളിച്ചപ്പോൾ വിളി കാത്തിരുന്നത് പോലെ തമ്പി മുകളിലെ നിലയിൽ നിന്നും പടവുകളിറങ്ങി…  ചന്ദനനിറത്തിലുള്ള ജൂബയും കസവുമുണ്ടും ധരിച്ചിരുന്ന അയാൾ ജൂബയുടെ സ്ലീവൊന്ന് മുകളിലേയ്ക്കുയർത്തി വാച്ചിലേയ്ക്കു നോക്കി സമയമൊന്നു തിട്ടപ്പെടുത്തി….

“””ആഹ്…!! നീയോ…?? ഓ… ഞാനിന്നാണല്ലേ ഇവനേങ്കൂട്ടി വരാമ്പറഞ്ഞത്…??”””

അയാൾ ദേവുവിനെയൊന്നു തുറിച്ചു നോക്കിക്കൊണ്ട് ചോദിച്ചതും അവൾ നിലത്തേയ്ക്കു നോക്കിക്കൊണ്ട് തന്നെ തലകുലുക്കി… അതേയെന്നർത്ഥത്തിൽ……!!

“””എടോ… പണന്തരാന്ന് ഞാൻ സമ്മതിച്ചത് കാര്യമാ….  പക്ഷേ അതിനു കുറച്ചു നിബന്ധനകളൊക്കെയുണ്ട്…  പറഞ്ഞോ യിവള്…??”””

“””മ്മ്മ്…!!”””

അയാളുടെ ചോദ്യത്തിനുള്ള മറുപടി ഞാനൊരു മൂളലിലൊതുക്കി…..!!

“””ഓഹോ… പറഞ്ഞോ…??  നിന്നോടൊന്നുമ്പറയരുതെന്നും പറഞ്ഞെന്റെ കാലു പിടിച്ചേച്ച് നീ തന്നെയെല്ലാമ്പറഞ്ഞോ…?? ആ… എന്തായാലുമത് നന്നായി….!!”””

അയാൾ ദേവുവിനെ നോക്കിയൊരു ദീർഘനിശ്വാസത്തോടെ അങ്ങനെ പറഞ്ഞതും ഒന്നും വ്യക്തമാകാതെ ഞാൻ ദേവുവിന്റെ മുഖത്തേയ്ക്കു നോക്കി…. അവളുടെ മുഖത്തപ്പോളുണ്ടായ ഞെട്ടലിന്റെ കാരണമെനിയ്ക്കജ്ഞാതമായി തന്നെ നിലകൊണ്ടു……!!

“””എന്താ ഒന്നുമ്പറഞ്ഞില്ലേ….??”””

എന്റെ മുഖത്തെ സംശയഭാവവും അവളുടെ പരിഭ്രമവും മാറിമാറി നോക്കിയയാൾ ചോദിച്ചു….

“””നീ പണന്തിരിച്ചടയ്‌ക്കുന്ന വരെയെനിയ്ക്ക് കിടന്നു തരാമെന്നുള്ള വാക്കിന്റെ പുറത്താടോ ഞാനിവൾക്ക് പണം കൊടുക്കാന്നേറ്റേ….!!”””

അവളെ വല്ലാത്തൊരു ഭാവത്തോടെ നോക്കിയിട്ട് എന്റെ നേരേ മുഖം തിരിയ്ക്കുമ്പോൾ സകല നിയന്ത്രണവും വിട്ടവസ്ഥയിലായിരുന്നു ഞാൻ……!!

“””എന്താടോ…?? എന്താടോ താമ്പറഞ്ഞേ…?? എന്റെ… എന്റെ പെണ്ണിനെ താൻ…!!”””

നിലവിട്ട ഞാനയാൾക്കു നേരേ കയ്യുയർത്തിയപ്പോൾ ദേവു ഞങ്ങടെയിടയിലേയ്ക്ക് വീണു…

“””ഏട്ടായീ… പ്ലീസേട്ടായീ…!!”””

അവൾ രണ്ടുകൈകളും കൊണ്ടെന്റെ ഇടതുകൈയിൽ പിടിച്ചു പിന്നിലേയ്ക്കു മാറ്റാൻ ശ്രെമിച്ചപ്പോൾ ഞാനവളുടെ കൈതട്ടി മാറ്റി….