അനാമികയുടെ കഥ 7 [പ്രൊഫസർ ബ്രോ] 325

അയാൾ കേട്ടത് വിശ്വസിക്കാൻ ആവാതെ അനാമികയുടെ മുഖത്തേക്ക് നോക്കി, പിന്നെ പെട്ടന്ന് ഉമ്മറത്ത് നിന്നും മുറ്റത്തേക്ക് ഇറങ്ങി പിന്നെ നെറ്റിയുടെ മീതെ കൈ നിവർത്തി പിടിച്ച് ആകാശത്തേക്ക് നോക്കി

രാഘവൻ തന്നെ കളിയാക്കുന്നത് മനസ്സിലായ അനാമിക അയാളെ നോക്കി ചിരിച്ചു

“ഓഹ്‌…ആ കാക്കയൊക്കെ ഇന്നലെ തന്നെ മലർന്നു പരന്നിരുന്നു അച്ഛാ, ഇന്ന് നോക്കണ്ട ”

“എന്താണ് എന്റെ മോൾ നന്നാവാൻ തീരുമാനിച്ചോ…”

“ആഹ്,…ചരിത്രം വഴി മാറും ചിലർ വരുമ്പോൾ എന്നല്ലേ,അങ്ങനെ വഴി മാറിയ ഒരു ചരിത്രം ആണ് ഇതും”

“ആ എന്തായാലും നല്ല കാര്യമാണ്..,എന്നാൽ മോള് ചെല്ല് ചെന്ന് അമ്മയെ സഹായിക്ക്”

അനാമിക ഒരിക്കൽക്കൂടി രാഘവന് ഒരു പുഞ്ചിരി സമ്മാനിച്ചു കൊണ്ട് ഉള്ളിലേക്ക് നടന്നു

⚪️⚪️⚪️⚪️⚪️

ഗൗതം ആശുപത്രിയിൽ പോയതിന് ശേഷം തന്റെ പണികൾ എല്ലാം ഒതുക്കി tv യിൽ വാർത്തകൾ കാണുകയായിരുന്നു ലക്ഷ്മി. അപ്പോഴാണ് അനാമികയുടെ അടുത്തു നിന്നും ഫോൺ വരുന്നത്

“അനുമോളെ…”

“അമ്മേ…ഞാൻ അച്ചൂനെ വിളിച്ചൂട്ടോ അവൾക്ക് ഇഷ്ടക്കേട് ഒന്നും ഇല്ല പക്ഷെ ഇഷ്ടം ആണെന്നും പറഞ്ഞില്ല അവൾക്ക് ഏട്ടനെ പരിചയപ്പെടണം ഏട്ടനോട് സംസാരിക്കണം എന്നൊക്കെ പറഞ്ഞു.അവൾക്ക് സമ്മതമാവും എന്നാണ് എന്റെ വിശ്വാസം”

“അച്ചുവിന്റെ ഇഷ്ടം മാത്രം നോക്കിയാൽ പോരല്ലോ മോളെ, അവളുടെ അച്ഛന്റെയും അമ്മയുടെയും ഇഷ്ടവും നോക്കണ്ടേ…”

“അമ്മാവനോടും അമ്മായിയോടും സംസാരിക്കുന്ന കാര്യം അമ്മ ഏറ്റിട്ടുണ്ട് ,പക്ഷെ ആദ്യം ഏട്ടനും അച്ചുവും തമ്മിൽ കാണട്ടെ”

അമ്മാവനോടും അമ്മായിയോടും സംസാരിക്കാൻ പോകുന്നത് രാഘവൻ ആണെന്ന സത്യം അനാമിക ലക്ഷ്മിയോട് പറഞ്ഞില്ല,അത് ലക്ഷ്മിക്ക് ഇഷ്ടപ്പെടില്ല എന്നവൾക്ക് അറിയാമായിരുന്നു

“ഇനീപ്പോ ആ പോത്തിനെ സമ്മതിപ്പിക്കുന്ന കാര്യമാണ് പാട്, നീ തന്നെ പറഞ്ഞ് നോക്ക് നിന്റെ ഏട്ടനോട്”

“ശരി അമ്മേ… ഞാൻ പറയാം.ഇപ്പൊ ഏട്ടനോട് അമ്മ ഒന്നും പറയാൻ നിൽക്കണ്ട”

“മ്മ്, ശരി മോളെ…അതൊക്കെ പോട്ടെ എന്താ വിശേഷം., സുഖമാണോ”

“ചോദിക്കുന്നത് കേട്ടാൽ തോന്നും നമ്മൾ തമ്മിൽ കണ്ടിട്ട് ഒരുപാടായി എന്ന്, ഇന്നലെ അല്ലെ നമ്മൾ കണ്ടത്”

“ഓഹ്… ഇങ്ങനെ ഒരു സാധനം…ചേട്ടന്റെ അല്ലെ അനിയത്തി,..പിന്നെ പറഞ്ഞിട്ട് കാര്യമുണ്ടോ ”

“ഈ ….”

“അവളുടെ ഒരു ചിരി…,അമ്മ എന്ത്യേ…അടുക്കളയിൽ ആയിരിക്കും അല്ലെ…”

“അമ്മയുടെ ചോദ്യത്തിന്റെ അർഥം എനിക്ക് മനസ്സിലായി, ഞാൻ എന്റെ വാക്ക് പാലിച്ചിട്ടുണ്ട് ഇന്ന് അടുക്കളയിലെ പണി മുഴുവൻ ചെയ്തത് ഞാനും അമ്മയും കൂടിയാ…ഇപ്പൊ അമ്മ താഴെ ഇരുന്ന് tv കാണുന്നുണ്ട്,ഇന്നലെ രാത്രി കണ്ട സീരിയൽ തന്നെ വീണ്ടും കാണുന്നു.,,എന്താണോ അതിൽ ഇതിന് മാത്രം കാണാനുള്ളത്”

അനാമികയുടെയും ലക്ഷ്മിയുടെയും സംസാരം കുറച്ചു സമയം കൂടി നീണ്ടു

⚪️⚪️⚪️⚪️⚪️⚪️

“സിസ്റ്ററെ.. ഈ ഡോക്ടർ സാമിന്റെ മുറി ഏതാ…”

“ഓർത്തോ ആണോ…”

“അതേ…”

“ഈ കോറിഡോറിന്റെ അവസാനം ഇടത് വശത്തു കാണുന്ന മുറി ആണ്,”

“Thanksസിസ്റ്റർ”

നഴ്സ് പുഞ്ചിരിച്ചുകൊണ്ട് നടന്ന് നീങ്ങിയതും അരുൺ ഡോക്ടർ സാമിന്റെ മുറി ലക്ഷ്യമാക്കി നടന്നു