ശ്രീക്കുട്ടി നീ എന്താ ഈ പറയുന്നേ എനിക്ക് നിന്നെ മറക്കാൻ കഴിയില്ല. അതു മാത്രം അല്ല ഞാൻ സ്വന്തം അനിയത്തിയെ പോലെ സ്നേഹിക്കുന്ന നമ്മുടെ ദേവൂനെ വിവാഹം കഴിക്കാൻ നീ പറയരുത്. അത് ഒരിക്കലും നടക്കില്ല ശ്രീക്കുട്ടി.ഞാൻ പറയുന്നത് മനസ്സിലാക്കു കാർത്തി. എന്റെ ദേവൂനെക്കാൾ ഞാൻ ഈ ഭൂമിയിൽ മറ്റൊന്നിനെയും സ്നേഹിച്ചിട്ടില്ല. അവളുടെ ഇഷ്ടങ്ങൾ എന്തായാലും ഞൻ നടത്തി കൊടുക്കാറുണ്ട്. ഞാൻ ഇപ്പോഴാണ് അവൾ കാർത്തിയെ ജീവനു തുല്യം സ്നേഹിക്കുന്നത് മനസ്സിലാക്കുന്നത്. നമ്മൾ തമ്മിലുള്ള ഇഷ്ടം അവൾക്ക് അറിയില്ല. ആരോടും അവളുടെ ഇഷ്ടം അവൾ പറഞ്ഞതും ഇല്ല. നമ്മൾ ആത്മാർത്ഥ സുഹൃത്തുക്കൾ ആണെന്നാണ് അവൾ വിചാരിച്ചിരുന്നത്. കാർത്തിയുടെ വീട്ടിൽ കല്യാണം കഴിക്കാൻ പറഞ്ഞു നിർബന്ധിക്കുവാ ണെന്ന് അന്ന് വീട്ടിൽ വന്നപ്പോൾ പറഞ്ഞില്ലേ. അന്നാണ് എന്റെ ദേവു എന്നോട് ഇതു പറയുന്നത് “കാർത്തിയേട്ടനെ അല്ലാതെ ആരെയും എനിക്ക് ഭർത്താവായി കാണാൻ കഴിയില്ല ചേച്ചി, ചേച്ചി ഇതു ചേട്ടനോട് പറയണം എന്റെ ഇഷ്ടം. അല്ലെങ്കിൽ അമ്മായി ചേട്ടന് വേറെ ആലോചന കൊണ്ടുവരും. അത് നടന്നാൽ പിന്നെ ഈ ദേവു കാണില്ല ചേച്ചി. ”

അവള് പറഞ്ഞാൽ പറഞ്ഞത് പോലെ തന്നെ ചെയ്യും അത്രയ്ക്ക് വാശിയാ അവൾക്കു. ദയവു ചെയ്തു കാർത്തി എന്റെ ദേവൂനെ സ്വീകരിക്കണം.

ശ്രീക്കുട്ടി 11 വർഷം ഞാൻ നിന്നെ പ്രണയിച്ചത് നിന്റെ അനിയത്തിയെ കെട്ടാൻ അല്ല. നീ അവളെ പറഞ്ഞു മനസ്സിലാക്ക്.

പറ്റില്ല കാർത്തി എന്റെ അനിയത്തിക്ക് വേണ്ടി എനിക്ക് ഇതു ചെയ്തേ പറ്റു.

ശ്രീക്കുട്ടി നിനക്ക് എങ്ങിനെ ഇതു പറയാൻ കഴിയുന്നു. എന്റെ സ്ഥാനത്തു മറ്റൊരാളെ കാണാൻ കഴിയുമോ നിനക്ക്? പറയ്. നിനക്ക് വേണ്ടി മരിക്കാൻ വരെ ഞാൻ തയ്യാറാണ്.

എന്നെ കാണാൻ അടുത്ത ദിവസം ഒരു കൂട്ടർ വരുന്നുണ്ട്. ഞാൻ എന്തായാലും അതിനു സമ്മതിക്കും. എനിക്ക് വേണ്ടി കാർത്തി മരിക്കണ്ട. പകരം എന്റെ ദേവൂന് ഒരു ജീവിതം കൊടുത്താൽ മതി. ഞാൻ പോകുന്നു എനിക്ക് കൂടുതൽ ഒന്നും പറയാനില്ല.

അവൾ പോയ ശേഷം അവൻ സ്വയം തന്നെ പറഞ്ഞു വിശ്വസിപ്പിച്ചു, അവൾക്കു എന്റെ മുന്നിലല്ലാതെ മറ്റാരുടെ മുന്നിലും കഴുത്തു നീട്ടി കൊടുക്കാൻ കഴിയില്ലാന്ന്.

പെണ്ണ് കാണാൻ വന്ന ചെക്കന് അതി സുന്ദരിയായ ശ്രീകുട്ടിയെ നന്നായി ബോധിച്ചു. പക്ഷെ ശ്രീക്കുട്ടി ഒരു demand വെച്ചു ചെക്കനോട്. എത്രയും പെട്ടന്ന് വിവാഹം നടത്തണം, പിന്നെ മോതിരം മാറ്റം.. അതിനു പ്രത്യേകം function ഒന്നും വേണ്ട. അതും കല്യാണത്തിന്റെ അന്ന് മതി…..
കാർത്തി ദേവൂനെ കണ്ടു സംസാരിക്കാൻ തീരുമാനിച്ചു. പക്ഷെ അവർ കണ്ടുമുട്ടിയ നിമിഷം ശ്രീക്കുട്ടി അവിടേക്ക് പാഞ്ഞെത്തി. അവനെ കൊണ്ട് പറയാൻ സമ്മതിച്ചില്ലാന്ന് മാത്രമല്ല അവളോട്‌ സത്യം തുറന്നു പറഞ്ഞാൽ എന്റെ ശവം കാണേണ്ടി വരും എന്ന് കൂടി അവൾ പറഞ്ഞു. അവനും അവളെ അറിയിച്ചു നീ മറ്റൊരുത്തന്റെ മുന്നിൽ കഴുത്തുനീട്ടി കൊടുത്താൽ എന്റെ ശവം നീകാണും എന്ന്. പക്ഷെ അവൾ അത് അത്ര കാര്യം ആക്കിയില്ല. നല്ല തന്റേടം ഉള്ള വ്യക്തിയാണ് കാർത്തി അവൻ ഒരു പെണ്ണിന് വേണ്ടിയും മരിക്കില്ല എന്ന് അവൾ വിശ്വസിച്ചു.