Alastor the avenger 😈😈😈 4[Captain Steve roggers] 148

Alastor_ the avenger of evil deeds, specifically familial bloodshed…..
അതെ നരകത്തിൽ ഭരണം നടത്തുന്ന ഒരു അധിപതി തന്നെ ആയിരുന്നു Alastor…. അതല്ലാതെ അവൾക്കു മറ്റൊന്നും മനസിലാക്കാൻ സാധിച്ചില്ല….. ഇതേ സമയം തന്നെ വീണ്ടും അവളുടെ കാതിൽ കുതിര കുളമ്പടിയുടെ ശബ്ദം മുഴങ്ങി കേൾക്കാൻ തുടങ്ങി അതോടൊപ്പം തന്നെ ഹർഷവർദ്ധൻ എന്ന പേരും…. ആ ശബ്ദത്തിനെല്ലാം ഒടുവിൽ ബോധരഹിതയായി അവൾ കട്ടിലിലേക്ക് വീണു….. ആ സമയം തന്നെ പൂജാ മുറിയിലെ കെടാവിളക്ക് കൂടുതൽ ശക്തിയിൽ തന്നെ പ്രകാശിക്കാൻ തുടങ്ങി…
***** ***** ***** ***** ***** **** ***

എങ്ങും കട്ടപിടിച്ച ഇരുട്ട്… ലോകത്തെ തന്നെ കത്തിച്ചു കളയാൻ പാകത്തിനുള്ള മിന്നലുകൾ ഭൂമിയിലേക്ക് പതിക്കുകയാണ്….. പാതി വെന്ത ശരീരത്തോടെ കുറെയധികം ശരീരങ്ങൾ അവിടെ ചിന്നി ചിതറി കിടക്കുകയായിരുന്നു…. അതിനിടയിലൂടെ ചോരയിൽ കുളിച്ച ഒരു സ്‌ത്രീ തന്റെ ഭാണ്ഡം പൊതിഞ്ഞു പിടിച്ചു കൊണ്ട് ഭയത്തോടെ ഓടി വരുന്നുണ്ടായിരുന്നു…. അവളുടെ പുറകെ ആയി ഒരു കൂട്ടം ഭീകര സത്വങ്ങൾ പാഞ്ഞെടുക്കുന്നുണ്ടായിരുന്നു….. ജീവൻ കൈപിടിച്ചു കൊണ്ട് ഓടുന്ന അവളുടെ സമീപം ആ ഭീകരസത്വങ്ങൾ എത്തിയ ഉടനെ അതു വരെ ഉണ്ടായതിലും ശക്തമായ ഒരു മിന്നൽ ആഞ്ഞടിച്ചു… ആ മിന്നലിൽ പെട്ട  സത്വങ്ങൾ ഒരു നിമിഷം കൊണ്ട് തന്നെ കരിഞ്ഞു വീണു… ആ സ്ത്രീ പെട്ടെന്നു ഓടി കയറിയത് ഒരു കെട്ടിടത്തിലേക്ക് ആയിരുന്നു…. അതു ഒരു അനാഥാലയം ആയിരുന്നു ആ അനാഥാലയത്തിനെ സംരക്ഷിക്കാൻ എന്നവണ്ണം ഒരു മിഖായേൽ മാലാഖയുടെ അതികായ പ്രതിമ അവിടെ നിലനിന്നിരുന്നു….. ഓഫീസിൽ നിന്നും വന്നിട്ട് ഉറക്കത്തിൽ ആയിരുന്ന അബ്രഹാം പെട്ടെന്നു തന്നെ ഈ സ്വപ്നം കണ്ടു ഞെട്ടി എഴുന്നേറ്റു…. വല്ലാതെ കിതക്കാൻ തുടങ്ങിയ അവൻ അറിയാതെ ഒരു നിമിഷം അവന്റെ കയ്യിലേക്ക് ശ്രദ്ധിച്ചു…. അതിൽ നിന്നും ചെറിയ രീതിയിൽ രക്തത്തിന്റെ മണം ഉള്ളതായി അവനു തോന്നി….. ഉള്ളിൽ ഉണ്ടായ ഭയത്തെയും സംശയത്തെയും മനസിൽ തന്നെ അടക്കിയിട്ടു പതിയെ അവൻ മുറിക്കു പുറത്തേക്ക് ഇറങ്ങി…..  ആ സമയം തന്നെ അവനിൽ വല്ലാത്ത ഒരു ശക്തി നിറഞ്ഞിരുന്നത് അവൻ ശ്രദ്ധിച്ചിരുന്നില്ല……. മാറി നിന്നു കൊണ്ട് അവനെ ശ്രദ്ധിച്ചിരുന്ന ഫാദർ ഗബ്രിയേൽ ഒരു നിമിഷം പണ്ടൊരിക്കൽ മഴയുള്ള ഒരു രാത്രിയിൽ ആരോ ഉപേക്ഷിച്ചു പോയ ഒരു കുഞ്ഞിനെ കുറിച്ച് ഓർക്കുകയായിരുന്നു… അതോടൊപ്പം കിട്ടിയ ഒരു കുറിപ്പും…..