അളകനന്ദ 5 [[Kalyani Navaneeth]] 230

Views : 39966

അളകനന്ദ 5

Alakananda Part 5 | Author : Kalyani Navaneeth | Previous Part

 

രാവിലെ ഉണരുമ്പോൾ , തന്റെ കാലിൽ സർ മുഖം ചേർത്ത് വച്ചിരിക്കുന്നതാണ് കണ്ടത് ….. പിടഞ്ഞെഴുന്നേറ്റു , എന്തായിത് ..എന്ന് പറഞ്ഞുകൊണ്ട് ആ മുഖം പിടിച്ചു ഉയർത്തുമ്പോൾ , സാറിന്റെ കണ്ണ് നിറഞ്ഞിരുന്നു ……..

തന്റെ കാലിലെ ചട്ടകം പഴുപ്പിച്ചു വച്ച പാടിൽ, സാറിന്റെ കണ്ണീരിൽ കുതിർന്ന ചുംബനങ്ങൾ ….. പണ്ടൊക്കെ കാണുന്ന ദിവാസ്വപ്നങ്ങളിൽ എത്രയോ തവണ താൻ ഇത് ഓർത്തു നോക്കിയിട്ടുണ്ട് …. ഈ മായാത്ത പാടിൽ സർ ചുണ്ടു ചേർക്കുന്നത് ………

ഒരു കാലത്തും നടക്കില്ലെന്നു കരുതിയതാണ് …. ഇപ്പൊ അതും സാധ്യമായിരിക്കുന്നു ……

ആ മുഖം നെഞ്ചോടു ചേർത്ത് കൊണ്ട് ഞാൻ പറഞ്ഞു …

.” എന്തിനാ കുഞ്ഞേട്ടൻ വിഷമിക്കുന്നേ…..? ഈ മുറിപ്പാടിനോട് എന്നും എനിക്ക് സ്നേഹമാണ് , ഇത് കൊണ്ടല്ലേ,.. എന്നോടുള്ള ദേഷ്യം ഒക്കെ പോയി എന്റെ കുഞ്ഞേട്ടൻ ഇടയ്‍ങ്കെങ്കിലും എന്നെ ശ്രദ്ധിക്കാൻ തുടങ്ങിയത് ……

ഇവിടത്തെ അച്ഛനും , അമ്മയുമൊക്കെ , എന്നോട് അടുപ്പം കാണിച്ചു തുടങ്ങിയത് …. വിദ്യേച്ചിയും , വീണേച്ചിയും, ഒരിക്കലും നടക്കില്ലെന്നു അറിഞ്ഞിട്ടും, ഒരു നാത്തൂന്റെ സ്ഥാനം തന്നത് …

ഈ സ്നേഹം എനിക്ക് കിട്ടാൻ , എത്ര പൊള്ളിയാലും, വേദനിച്ചാലും , ഒക്കെ ഞാൻ സഹിക്കുമായിരുന്നു കുഞ്ഞേട്ടാ….

അത് പറയുമ്പോൾ നിറഞ്ഞു വന്ന കണ്ണുനീർ ചുണ്ടുകൾ കൊണ്ട്, ഒപ്പിയെടുത്തു കൊണ്ട്, സർ പറഞ്ഞു…… “ഇനി ഒരിക്കലും ഈ മിഴികൾ നിറയരുത് … .പലപ്പോഴും, നന്ദൂട്ടന്റെ കണ്ണീരിന്റെ മുന്നിൽ, നിസ്സഹായനായി നിന്നവനാണ് ഞാൻ … ഇനി എല്ലാത്തിനും ഞാനുണ്ട് ….”

എന്തിനാ നിസ്സഹായനായി നിന്നത് …. അപ്പൊ എന്നെ ഒന്ന് ചേർത്ത് പിടിക്കായിരുന്നില്ലേ ….? ജാഡ ആയിരുന്നു ല്ലേ ….? കള്ളച്ചിരിയോടെ താൻ പറയുന്നത് കേട്ട്, …. ചെവിയിൽ നുള്ളാൻ നീട്ടിയ കൈകൾ തട്ടി മാറ്റി ഓടുമ്പോൾ , അച്ഛന്റെയും, അമ്മയുടെയും , മാത്രമല്ല കുഞ്ഞേട്ടനും താനൊരു കുസൃതിക്കാരി ആയി മാറുകയായിരുന്നു …….

Recent Stories

The Author

kadhakal.com

29 Comments

  1. നല്ലോരു ഫീൽ ഗുഡ് സ്റ്റോറി..!🤗🤗🤗

    വളരെ നന്നായിട്ടുണ്ട്…!🤩

    ❤️❤️❤️❤️❤️

  2. വളരെ അധികം ഇഷ്ട്ടപ്പെട്ടു
    വായിക്കാൻ വൈകിപ്പോയി
    മനോഹരം

    ഞാനായിരുന്നു നന്ദൂട്ടിയുടെ കുഞ്ഞേട്ടനായിരുന്നെങ്കിൽ എന്നാശിച്ചുപോയി

Comments are closed.

kadhakal.com © 2022 | Stories, Novels, Ebooks | Contact us : info@kadhakal.com