One Side Love 2

Author : മിഥുൻ

Previous part

കോളജിലേക്ക് ചെന്നപ്പോഴാണ് ഞാൻ കൊടുത്തതിലും വലിയ സർപ്രൈസ് അവിടെ കണ്ടത്…

അവളുടെ അച്ഛൻ…

നല്ല അടിപൊളി ഗെറ്റ് അപ്പിൽ ഒരു ബെൻസ് കാറിൽ ചാരി മകൾക്കായി കാത്തു നിൽക്കുന്ന അദ്ദേഹത്തെ കാണാൻ തന്നെ അടിപൊളി ആയിരുന്നു.

കട്ട താടിയും വച്ചു വയറുചാടാത്ത ശരീരത്തിൽ പറ്റിപ്പിടിച്ച ഇൻ ചെയ്ത ഷർട്ടും പാൻ്റും ഇട്ട ഒരു പെർഫെക്റ്റ് ഫിറ്റ് ആയിട്ടുള്ള ഒരു മനുഷ്യൻ….

കൂടെ നല്ല നാടൻ രീതിയിൽ സാരി ഉടുത്ത അവളുടെ അമ്മ… നല്ല ഐശ്വര്യം തുളുമ്പുന്ന മുഖം…

അച്ഛനെയും അമ്മയെയും കണ്ട അനു ഒന്നും നോക്കിയില്ല വണ്ടി നേരെ ഹോസ്റ്റലിലേക്ക് വിട്ടു.

അത് കണ്ടിട്ട് ഞാൻ ചോദിച്ചു… “ഇവിടെ പോവാടി…”

“നീ അവിടെ കണ്ടില്ലേ രണ്ടു പേർ വെയ്റ്റ് ചെയ്തു നിൽക്കുന്നത്… അത് എൻ്റെ അച്ഛനും അമ്മയും ആണ്….”

Mr. ആൻ്റണി ഡിക്രൂസ് ആൻഡ് സുനി ഡിക്രൂസ്

അപ്പോഴാണ് എനിക്ക് അതവളുടെ വീട്ടുകാർ ആണെന്ന് മനസ്സിലായത്…

ഹോസ്റ്റലിൽ എത്തിയ അവൾക്ക് എന്ത് ചെയ്യണം എന്നൊരു പിടിത്തവും ഇല്ലായിരുന്നു…

അപ്പോഴാണ് ഹോസ്റ്റലിലെ ഒരു ജൂനിയർ പെങ്കൊച്ച് ഇറങ്ങി വരുന്നത് കണ്ടത്…

അവൾക്ക് സ്വന്തമായി വണ്ടി ഉള്ളതാണ്..
അനു അവളുടെ അടുത്തേക്ക് ചെന്നു.. അനുവിൻ്റെ ഉള്ളിലെ സീനിയർ ഭാവം ഉണർന്നു…

“ഡീ… ഞാൻ നിൻ്റെ വണ്ടി കൊണ്ട് പോവുവാണു… ഇപ്പൊൾ തന്നെ കോളേജിൽ വരും.. ആരു ചോദിച്ചാലും നിനക്ക് ബൈക്ക് ഓടിക്കാൻ അറിയാം… മനസ്സിലായോ… എങ്കിൽ aa ചേട്ടൻ്റെ കൂടെ പൊയ്ക്കോ…”