✨️❤️ ശാലിനിസിദ്ധാർത്ഥം 2 ❤️✨️

Author :??????? ????????

[ Previous Part ]

 

❤️✨️ ശാലിനിസിദ്ധാർത്ഥം ❤️✨️

നിറഞ്ഞൊഴുകിയ കണ്ണുകൾ തുടച്ചു കൊണ്ട് സിത്താര, പുറത്ത്, നിൽക്കുന്ന സിദ്ധുവിനെ തനിച്ചാക്കി കൊണ്ട്, ജനലരികിൽ നിന്നും സ്വീകരണമുറിയിലേക്ക് പോയി.

 

വന്ന പാടെ സ്വീകരണമുറിയിലെ സോഫയിലിരുന്ന്, തന്റെ മകളുടെ, ജനലിലൂടെ പുറത്തേക്ക് നോക്കിയുള്ള ആത്മഗതം പറച്ചിലും, കരച്ചിലും കണ്ടു കൊണ്ടിരിക്കുകയായിരുന്നു, റാം.

 

“അച്ഛാ… അച്ഛനിന്നു കോളേജിൽ പോയോ ??? എന്തായി അവിടെത്തെ കാര്യം ??? സിദ്ധുവിന് ഇന്ന് തന്നെ അഡ്മിഷൻ എടുക്കാൻ പറ്റോ…??? “

 

മുഖത്ത് സന്തോഷം വരുത്തി കൊണ്ട് അച്ഛനടുതേക്ക് നടന്നു വന്ന സിതാര ചോദിച്ചു.

 

“ആഹ് മോളെ ഇന്ന് ശെരിയാകുമെന്ന് തന്നെ തോന്നുന്നു… രാവിലെ ചെന്നപ്പോൾ നിന്റെ കോളേജിലെ അധികൃതർ എല്ലാം സമ്മതിച്ചു… ഇനി ഇവനെയും കൊണ്ട് അങ്ങോട്ട്‌ ചെന്നാൽ മാത്രം മതി…”

 

അവൾ അച്ഛന്റെ മറുപടി കേട്ട് ഞെട്ടി.

 

“ ങ്ങേ….അച്ഛാ അത് വേണോ… ഇവനെ എന്റെ കോളേജിൽ തന്നെ ചേർക്കണോ… അത് പ്രശ്നമാകില്ലേ… “

 

സിതാര ആശങ്ക പ്രകടിപ്പിച്ചു…

 

“അതിനെന്താ…??? നിന്റെ അനിയന് എന്ത് പ്രശ്നം വരാൻ… അവൻ പഠിക്കാനല്ലേ കോളേജിൽ പോകുന്നത്… ക്ലാസ്സ്‌ കട്ട്‌ ചെയ്ത് കൂട്ടുകാരോടൊത്തു കറങ്ങി നടക്കാനും, സമരം വിളിക്കാനും പിന്നെ തല്ലുകൂടാനൊന്നുമല്ലല്ലോ… പിന്നെന്താ “….

 

“അതല്ലച്ഛാ… അവനു, അവന്റെ രോഗാവസ്ഥ വെച്ച്, കോളേജിൽ പഠിക്കാൻ പറ്റോ… അതും ഞാൻ പഠിക്കുന്ന കോളേജിൽ… ഇതു വരെ അവൻ പഠിച്ചതെല്ലാം ബോർഡിങ്ങിലും, മറ്റു അദ്ധ്യാപകരുടെയും മേൽനോട്ടത്തിലുമായിരുന്നല്ലോ… അപ്പോൾ ഇനിയും അങ്ങേനെ പോരെ…”