അണവ്

Author :മാലാഖയെ പ്രണയിച്ച ജിന്ന്

 
: മോനെ സ്ഥലം എത്താറായി

ഡ്രൈവർ തട്ടി വിളിച്ചപ്പോൾ ആണ് ഞാൻ മയക്കത്തിൽ നിന്നുണർന്നത്.  വാച്ചിൽ സമയം നോക്കിയപ്പോൾ 6.15am .സൂര്യൻ എഴുന്നേൽക്കുന്നതേ ഉള്ളു.കാർ വിൻഡോ താത്തിയപ്പോൾ തന്നെ തണുപ്പ് അരിച്ചു കയറി.

:ചേട്ടാ, തട്ടുകടയോ മറ്റോ കണ്ടാൽ ഒന്ന് സൈഡ് ആക്കണേ.
ഓരോ ചായ കുടിക്കാം

ഞാൻ ഡ്രൈവറോട് പറഞ്ഞു

:ഓഹ്!, അതിനെന്താ

വഴിയോരത്തു കണ്ട ഒരു തട്ടുകടയുടെ അടുത്ത് തന്നെ വണ്ടി സൈഡ് ആക്കി. ഞാൻ ഇറങ്ങി കൂടെ ഡ്രൈവറെയും വിളിച്ചു.

അതികം തിരക്കില്ലാത്ത ഒരു നല്ല കട. കൂടുതലും യാത്രക്കാർ തന്നെ ആണെന്ന് തോനുന്നു. ആകാശത്തിൽ ചുവപ്പിന്റെ രാശി പടർന്നു വരുന്നു. അങ്ങ് മലകൾക്കിടയിലൂടെ സൂര്യൻ തലപൊക്കുന്നത് കാണാൻ തന്നെ ഒരു കുളിരാ.

:ചേട്ടാ രണ്ട് സുലൈമാൻ ?
ഞാൻ ചോദിച്ചത് മനസ്സിലായിട്ടില്ല എന്ന് തോനുന്നു ആ കടയിലെ ചേട്ടൻ എന്നെ ഒരു നോട്ടം. കൂടെ ഒരു പറയലും…

:എന്താ മോനെ, സുലൈമാനെ ആണോ കുട്ടി ചോദിച്ചേ. ?
ഇത് കേട്ടപ്പോൾ തന്നെ ഉണ്ണിയേട്ടൻ വാ പൊത്തി ചിരിച്ചു ?.എന്റെ തലക്ക് ഒരു അടികിട്ടിയത് പോലെ ✨️

ഉണ്ണിയേട്ടൻ, മനസ്സിലായില്ലേ… നമ്മുടെ ഡ്രൈവർ ചേട്ടനാണ് ഉണ്ണിയേട്ടൻ. മുഴുവൻ പേര് ഉണ്ണി മുകുന്ദൻ ?.
ആൾ നമ്മുടെ നാട്ടുകാരൻ തന്നെയാണ് കേട്ടോ… കൂടാതെ നമ്മുടെ ചങ്കിന്റെ ഏട്ടനും ?. അതൊക്കെ പിന്നെ പറയാം.

:മോനെ കിച്ചു

:ഹാ ഉണ്ണിയേട്ടാ…

: എന്തുവാടെ ?

: അത്… ആ ഒരു ഇതിൽ അങ്ങ് വന്നതാ…

ചേട്ടാ രണ്ട് കട്ടനും ഈരണ്ട് വടയും.

. ഇപ്പോൾ തരാം…