ഭാവിയിലെ വർത്തമാനം

Author : വിച്ചൂസ്

 

ഹായ്… “എന്റെ ചട്ടമ്പി കല്യാണി ഭാഗം 11 ” ഞാൻ എഴുതി പകുതിക്കു വച്ചു നിർത്തി ഇരിക്കുകയാണ്… എത്ര എഴുതിയിട്ടും എനിക്ക് തൃപ്തി വരുന്നില്ല… എങ്കിലും താമസിക്കാതെ… എഴുതാൻ പറ്റുമെന്നു വിശ്വസിക്കുന്നു..

ഈ കഥയെ കുറിച്ച്…

ഇത് ഒരു പരീക്ഷണമാണ്…എത്രത്തോളം ശെരി ആകുമെന്നു അറിയില്ല …കിട്ടിയ കിട്ടി പോയ പോയി.തെറ്റുകൾ ഉണ്ടാവും…അമിതാപ്രീതീക്ഷ ഇല്ലാതെ വായിക്കുക…

 

സ്നേഹത്തോടെ

വിച്ചൂസ് ❤

 

24/5/2019 രാത്രി ഒരു മണി….

ഞാൻ ബെഡിൽ നിന്നും എഴുനേറ്റു… നല്ല തലവേദന… എങ്ങനെ ഇല്ലാതെ ഇരിക്കും …ബോധം പോകുന്നവരെയും കുടിച്ചിട്ടാണ്.. തലേദിവസം വന്നു കിടന്നത്… കുറച്ചു നാളുകളായി ഇങ്ങനെയാണ്.. അല്ലെങ്കിൽ തന്നെ ഇനി എനിക്ക് എന്ത് നോക്കാൻ… ആർക്കു വേണ്ടി ജീവിക്കണം…

ഞാൻ നേരെ അടുക്കളയിൽ പോയി ഫ്രിഡ്ജിൽ നിന്നും തണുത്ത വെള്ളം എടുത്തു കുടിച്ചു… തിരികെ ബെഡിൽ ചെന്നു വീണു… പതിയെ കണ്ണടച്ചു ഉറങ്ങൻ നേരം..

എന്റെ ബെഡിൽ ആരോ ഇരിക്കുന്നതായി എനിക്ക് തോന്നിയത്..അല്ല തോന്നൽ അല്ല ആരോ ഇരിക്കുന്നു…ഞാൻ ലൈറ്റ് ഇട്ടു.. എന്റെ മുന്നിൽ ഒരു കിളവൻ എന്നെയും നോക്കി ചിരിക്കുന്നു…

“താൻ ആരാ “?? ഞാൻ അയാളോട് ചോദിച്ചു… അപ്പോഴും അയാൾ ചിരിച്ചുകൊണ്ടേ ഇരുന്നു…

‘ഇയാൾക്ക് ചെവി കേട്ടൂടെ ഡോ കിളവ താൻ ആരാന്നു “… എനിക്ക് ദേഷ്യം വരാൻ തുടങ്ങി..

“ഞാൻ നീയാണ്…”

അയാള് അതും പറഞ്ഞു ചിരിക്കാൻ തുടങ്ങി…

“ഡോ താൻ എന്താ ആളെ കളിയാക്കുന്നോ..സത്യം പറ താൻ കള്ളൻ അല്ലെ… ഇല്ലേൽ ഞാൻ പോലീസിനെ വിളിക്കും…”