അണവ് [മാലാഖയെ പ്രണയിച്ച ജിന്ന്] 82

‘ഹോ…എന്റെ കുഞ്ഞനെ ഞാൻ നോക്കിക്കോളാം. അല്ലെ പാറൂട്ടി…

‘ ഹാ, എന്നെ കിച്ചേട്ടൻ നോക്കിക്കോളും.

‘ഓ….ഒരു ആങ്ങളയും പെങ്ങളും, ?. ലോകത്ത് വേറെ എവിടെയും ഇല്ലല്ലോ ഇത്പോലെ രണ്ടെണ്ണം.

‘എന്താണ്, കുശുമ്പ് തീരെ ഇല്ലാലോ…

ഹും… അല്ല ചെക്കാ നിനക്ക് ഇന്ന് തെണ്ടാൻ പോവണ്ടേ.. ?

അയ്യോ!…

വേറെ എവിടെയും നിന്നല്ല. എന്റെ തൊണ്ടയിൽ നിന്നാ. മെല്ലെ സമയം നോക്കിയപ്പോൾ 8.15. ഇന്നടി കിട്ടും.

അവധി ദിവസം രാവിലെ എന്നും 7.30 ക്ക് കളിക്കാൻ പോവുന്നതാ. ഇന്ന് ലേറ്റ് ആയാൽ എന്നെ എല്ലാവരും ചേർന്ന് പഞ്ഞിക്കിടും എന്ന് ഇന്നലെ പറഞ്ഞതാ.
എന്താന്നല്ലേ, ഒരു ദിവസം പോലും ഞാൻ കളിക്കാൻ നേരത്തെയോ കൃത്യസമയത്തോ എത്തീട്ടില്ല ?. ഇന്ന് ഞാൻ എത്തികൊള്ളാം എന്ന് പറഞ്ഞതാ…
നിങ്ങളോട് കഥ പറയാൻ നേരമില്ല. ഞാൻ വേഗം പോകട്ടെ.

‘ഇത്ര നേരം വൈകിയോ… അമ്മയെന്താ വിളിക്കാതിരുന്നേ.