666 മത്തെ ചെകുത്താൻ -2

Author : ജൂതൻ

[ Previous Part ]

 

രാത്രി രണ്ടു മണി

വെറും തറയിൽ കിടക്കുക ആയിരുന്നു ഒരു ചെറുപ്പക്കാരൻ

ഒരു കീറി പറഞ്ഞു ഒരു പാന്റും ഷർട്ടും ആയിരുന്നു അയാളുടെ വേഷം

അവനരികിലായി ഒരു ഇരുമ്പ് കട്ടിലും ഒരു പ്ലാസ്റ്റിക് കസേരയും പിന്നെ അരണ്ട വെളിച്ചത്തിൽ പ്രകാശിക്കുന്ന ഒരു സീറോ ബൾബും മാത്രം ആയിരുന്നു റൂമിൽ ഉണ്ടായിരുന്നത്

കാലുമായി ബന്ധിപ്പിച്ച ചങ്ങലയും നോക്കി അവൻ കിടന്നു

ഇടയ്ക്കിടെ അതിൽ പിടിച്ചു വലിക്കാനൊക്കെ ശ്രമിക്കുന്നുണ്ടായിരുന്നു

ഏറിയാൽ ഇരുപത്തിമൂന്ന് വയസ്സ് മാത്രം പ്രായം തോന്നിക്കും അവന്

വെളുത്ത മുഖം…ചെറുതായി വളർന്നു തുടങ്ങിയ കുറ്റിതാടിയും മീശയും…നെറ്റിയിലേക്ക് വീണു കിടക്കുന്ന കോലൻ മുടി… അത് തുറന്നിട്ട ജനിലിലൂടെ കടന്നു വരുന്ന പാലക്കാടൻ കാറ്റിൽ ഇളകികൊണ്ടിരുന്നു

കാപ്പി നിറത്തിലുള്ള അവന്റെ കണ്ണുകൾ കലങ്ങിയിരുന്നു

പതിഞ്ഞ സ്വരത്തിൽ അവൻ പറഞ്ഞുകൊണ്ടിരുന്നു

“””അമ്മ………അച്ഛൻ……!!

പെട്ടെന്ന് ഇടി വെട്ടി മഴ പെയ്യാൻ തുടങ്ങി

നല്ലൊരു വേനൽക്കാലം ആയിരുന്നിട്ട് പോലും ആ വീടിനെയും ചുറ്റുപാടിനെയും മഴ തുള്ളിക്കൾ നനച്ചുകൊണ്ടിരുന്നു

ഇടിയുടെ ശബ്ദം കേട്ട അയാൾ വേഗം തന്നെ പേടിച്ചു നിലത്തു ചുരുണ്ടു കൂടി

ഇതെല്ലാം മറുവശത്ത അടഞ്ഞ ജനൽ പാളികൾക്ക് ഇടയിലൂടെ ഒരാൾ കാണുന്നുണ്ടായിരുന്നു

നനഞ്ഞു തുടങ്ങിയ ഓടുകൾക്ക് മുകളിലൂടെ പതിയെ കൈകൾ കുത്തി അയാൾ സസൂഷമം ചലിച്ചു

നിലത്തു കിടക്കുന്ന ആൾക്ക് മുൻപിലെ ജനലിൽ അയാൾ കൈ എത്തിച്ചു പിടിച്ചു

പേടിച്ചരണ്ടു നിലത്തു കിടക്കുന്ന അവൻ ജനൽ കമ്പികളിൽ മുറുക്കെ പിടിച്ച ആ കൈ കണ്ടു

മനസ്സിന്റെ സമനില തെറ്റിയ അവൻ ആകാംഷയോടെ ആ കൈകളിലേക്ക് നോക്കി കിടന്നു

ഇടതു കൈതണ്ടക്ക് മുകളിൽ പച്ചകുത്തിയ ഒരു കുരിശു രൂപത്തിൽ അവന്റെ ശ്രദ്ധ പതിഞ്ഞു

പൊടുന്നനെ അവന്റെ ബോധം മറയാൻ തുടങ്ങി

കണ്ണുകൾ അടഞ്ഞു തുടങ്ങി

മഴയുടെ ശക്തി കൂടി തുടങ്ങി

അവസാനമായി കണ്ണുകൾ അടയുമ്പോഴേക്കും അവൻ കണ്ടു തന്റെ നേരെ പാഞ്ഞടുക്കുന്ന ഒരു തിളങ്ങുന്ന രൂപത്തെ

ശക്തിയിൽ അവൻ നിലവിളിച്ചു