ഇവാ, An Angelic Beauty

മാലാഖയുടെ കാമുകൻ

Previous Part 

കൂട്ടുകാരെ.. അഭിപ്രായങ്ങൾ വായിക്കുന്നുണ്ട് കേട്ടോ. മറുപടി തരാൻ കഴിയാത്തത് സൈറ്റ് ലോഡ് ആവാത്തത് കൊണ്ടാണ്. ക്ഷമിക്കുമല്ലോ.. ❤️

തുടർന്ന് വായിക്കുക.. സ്നേഹത്തോടെ, എംകെ

തൂവെള്ള അനാർക്കലി ചുരിദാറിൽ അതിസുന്ദരി ആയി ഇവാ.. കണ്ണുകൾ വാലിട്ട്‌ എഴുതിയിരിക്കുന്നു.. നെറ്റിയിൽ പൊട്ട്.. ആദ്യമായി ആണ് അവളെ അങ്ങനെ ഒരു വേഷത്തിൽ കാണുന്നത്.

“ഇതെന്താടെ.. എയ്ഞ്ചലോ…!”

ജോൺ അറിയാതെ പറഞ്ഞത് ഉച്ചത്തിൽ ആയിപോയി..

മിസ് കൈ കൊണ്ട് കാണിച്ചപ്പോൾ അവൾ റോക്കിനെ നോക്കി വശ്യമായി ചിരിച്ചുകൊണ്ട് അകത്തേക്ക് കയറി അവളുടെ സീറ്റിൽ പോയി ഇരുന്നു..

റോക്ക് തിരിഞ്ഞു അവളെ നോക്കി..

അവൾ അവനെ നോക്കി കണ്ണിറുക്കി കാണിച്ചു ചിരിച്ചു.. തോൽവി സമ്മതിക്കില്ല എന്ന് ഉറപ്പുള്ള ചിരി..

“അവൾ നിന്നെയും കൊണ്ടേ പോകുള്ളൂ മോനെ..”

ജോൺ പറഞ്ഞപ്പോൾ റോക്ക് അവനെ നോക്കി കണ്ണിറുക്കി കാണിച്ചു..

“നീ നോക്കിക്കോ.. ഞാൻ അവളെ മുട്ടുകുത്തിക്കും..അതി കഠിനമായ പരീക്ഷണങ്ങൾ ആയിരിക്കും ഇനി..”

റോക്ക് അവനോടു പറഞ്ഞു.. ജോൺ അത് കേട്ട് ചിരിച്ചു..

“അല്ലേടാ.. നിനക്ക് അവളോട് ഓക്കേ പറഞ്ഞാൽ എന്താ.? എന്തൊരു ഭംഗി ആണ്.. കോളേജിൽ ഇവളെ വെല്ലാൻ ഒരുത്തിയും ഇല്ല.. എന്നിട്ടും നിനക്ക് എന്തൊരു ജാഡയാണ്..”

അത് കേട്ട് റോക്ക് ചിരിച്ചു..

“പ്രേമം മനസ്സിൽ നിന്നും വരണം.. ശരീരമോ സൗന്ദര്യമോ നോക്കി ആകരുത്.. അത് വന്നാൽ ഞാൻ അവളെ ആർക്കും കൊടുക്കില്ല..”

“അത് വരുമ്പോൾ നിന്റെ മൂക്കിൽ പല്ലു വരും.. കോപ്പ്..”

അത് കേട്ട് റോക്ക് ചിരിയോടെ ഇരുന്നു..

അന്ന് ഉച്ചക്ക് പതിവ്പോലെ അവൾ അവൻ കഴിച്ചുകൊണ്ടിരിക്കുമ്പോൾ അവിടെ എത്തി.. അവളെ കണ്ടതും ജോൺ മാറി.. അവന് പതിവ് ചിക്കൻ പൊരിച്ചത് കിട്ടുകയും ചെയ്തു..

അവൾ ഇരുന്നു റോക്കിന്റെ പ്ലേറ്റിൽ നിന്നും കൈ ഇട്ടു വാരി കഴിച്ചു..