ഇവാ, An Angelic Beauty Part 4[മാലാഖയുടെ കാമുകൻ] 1767

“വാട്ട്..? പിന്നെ..?”

അജിത്ത് ഒന്നും മിണ്ടാതെ അവളെ ഒബ്‌സെർവഷൻ റൂമിൽ കൊണ്ടുപോയി.. ഇവയെ അവിടെ കിടത്തിയിരുന്നു.

“ഇവാ..? നീ….?”

ഭദ്ര അവിടെ കിടക്കുന്ന ഇവയെ കണ്ടു അമ്പരന്നു..

“ചേച്ചി.. ആം സോറി.. ഇറ്റ്സ് മൈ മിസ്റ്റേക്ക്…”

അവൾ ഭദ്രയെ കണ്ടതും കരയാൻ തുടങ്ങി.. ഭദ്രക്ക് ഒന്നും മനസിലായില്ല..

“എന്താ മോളെ.. എനിക്ക് ഒന്നും മനസിലാകുന്നില്ല..”

അവൾ ആശങ്കയോടെ ഇവയുടെ മുഖം തടവി.. അടി കിട്ടിയ പാട്.. ചുവന്ന് കിടക്കുന്നു..

“നിന്നെ.. നിന്നെ ആരെങ്കിലും അടിച്ചോ..?”

അവൾ ഇവയെ നോക്കി..

“വക്കീല് വന്നേ..”

അജിത് അവളെ പിടിച്ചു പുറത്തു കൊണ്ടുപോയി.. ഒരു കസേരയിൽ ഇരുത്തി..

“എന്തെങ്കിലും ഭീഷണികൾ ഉണ്ടായിരുന്നോ..?”

അവൻ ചോദിച്ചപ്പോൾ അവൾ ആലോചിച്ചു.

“അതൊക്കെ സ്ഥിരം ആണ് ഡോക്ടറെ.. എന്നാലും ഇപ്പോൾ കൈകാര്യം ചെയ്യുന്ന ഒരു കേസിൽ ഭീഷണി കൂടുതൽ ആണ്..എന്താ..?..”

“വക്കീലേ.. വക്കീൽ വിചാരിക്കും പോലെ അതൊരു ആക്സിഡന്റ് ഒന്നുമല്ല.. ഈ കുട്ടി ഇല്ലായിരുന്നു എങ്കിൽ ഇന്ന് റോക്ക് ജീവനോടെ ഉണ്ടാകുമായിരുന്നോ എന്നുപോലും അറിയില്ല.. നാല് പേര് ചേർന്നുള്ള അറ്റാക് ആയിരുന്നു.. ഞാൻ അവിടെ എത്തിയ ടൈം പക്കാ ആണ്.. എന്നെ കണ്ടപ്പോൾ അവന്മാർ വിട്ടുപോയി..”

അത് കേട്ടപ്പോൾ ഭദ്ര ഞെട്ടി.. അവൾ മെല്ലെ എഴുന്നേറ്റ് നിന്നു..

“ആര്…?”

അവളുടെ ആ ഭാവം കണ്ടപ്പോൾ അജിത്ത് ഒന്ന് ഭയന്നു..

“അറിയില്ല.. ഇവർ എന്തിന് പോയതാണെന്ന് എനിക്കും അറിയില്ല.. അവർ മുഖം മറച്ചിരുന്നു..”

അവൻ മറുപടി കൊടുത്തു. അവൾ എന്തോ ആലോചിച്ചു.