ഇവാ, An Angelic Beauty Part 4[മാലാഖയുടെ കാമുകൻ] 1769

അതിൽ ഒരാൾ മുൻപോട്ട് വന്നു.. ഇവാ ചുറ്റിനും നോക്കി.. ആരും ഇല്ല.. ഒഴിഞ്ഞ റോഡും..

“ചെക്കൻ പോയെന്നു തോന്നുന്നു.. എന്തായാലും ഏറ്റ പണി ചെയ്തേക്കാം.. “

അയാൾ ഒരു ഇരുമ്പു കമ്പി വലിച്ചെടുത്തപ്പോൾ ഇവാ അവനെ വിട്ടു ഇടക്ക് കയറി നിന്നു..

“പ്ലീസ് അവനെ ഒന്നും ചെയ്യരുത്.. എന്തിനാ..പ്ലീസ്..”

അവൾക്ക് കാലു കുത്തി നില്ക്കാൻ കഴിയുന്നില്ലായിരുന്നു എന്നാലും അവൾ അവനെ മറഞ്ഞു നിന്നു..

“ഹ കൊച്ചെ മാറി നില്ല്.. ഇത് ഞങ്ങളും അവന്റെ ചേച്ചിയും തമ്മിൽ ഉള്ള കണക്ക് ആണ്.. അവനെ ഒന്ന് തളർത്തി കിടത്തണം. അത്രയേ ഉള്ളു.. ഇടക്ക് കയറിയാൽ നിനക്കും കിട്ടും… മാറഡീ..”

അയാൾ അവളെ പിടിച്ചു തള്ളി.. അവൾ മുട്ടുകുത്തി വീണു..

അതിന് ശേഷം അയാൾ കമ്പി വച്ച് അവന്റെ തലക്ക് നേരെ വീശി അടിച്ചു.. എന്നാൽ പാഞ്ഞു വന്ന എവ അവന്റെ മുകളിലേക്ക് കിടന്നിരുന്നു..

“അമ്മേ…..!!!”

അവളുടെ വേദന നിറഞ്ഞ കരച്ചിൽ അവിടെ മുഴങ്ങി.. അവളുടെ പുറത്തിനാണ് അടി കിട്ടിയത്..

അവൾ വേദന കൊണ്ട് അലറികരഞ്ഞു..

അവൾ അവന്റെ ദേഹത്ത് നിന്നും വീണുപോയപ്പോൾ അയാൾ വീണ്ടും അടിച്ചു.. അതിന് മുൻപേ അവൾ വീണ്ടും അതിന്റെ അടിയിൽ വന്നിരുന്നു. അവളുടെ വാരിയെല്ലിന്റെ ഭാഗത്താണ് അടി കുടുങ്ങിയത്..

“അമ്മേ….”

അവൾ അടി കിട്ടിയ ഭാഗം പൊത്തി പിടിച്ചു അലറികരഞ്ഞു..

അയാൾ അവളെ വലിച്ചു മാറ്റി കമ്പി ഉയർത്തിയപ്പോൾ അവൾ വേദന മറന്ന് കരഞ്ഞുകൊണ്ട് കമ്പിയിൽ കയറി പിടിച്ചു..