ഇവാ, An Angelic Beauty Part 4[മാലാഖയുടെ കാമുകൻ] 1769

“മരിച്ചാലും വിടില്ല നിന്നെ..”

അവൾ മെല്ലെ പറഞ്ഞു..

“എന്തേലും പറഞ്ഞോ.?”

അവൻ തല ചെരിച്ചു ചോദിച്ചു..

“ഇല്ല.. ഒന്നും പറഞ്ഞില്ല..”

അവൾ അത് പറഞ്ഞ ഉടനെ ബൈക്കിന്റെ മുൻപിലേക്ക് എന്തോ വന്നപ്പോൾ അവൻ ബ്രേക്ക് ചെയ്തു..

അവൾ ബാലൻസ് പോയി അവന്റെ ദേഹത്ത് ഇടിച്ചു..

“സോറി.. ഞാൻ മനഃപൂർവം അല്ല…”

അവളുടെ മാറിടങ്ങൾ അവന്റെ പുറത്ത് തട്ടിയപ്പോൾ അവൻ ചമ്മലോടെ പറഞ്ഞു.. അവൾ ഒന്ന് ഊറിചിരിച്ചു..

“ഓ മനസിലായി.. “

അവൾ മുഖം വെട്ടിച്ചു പറഞ്ഞു..

അല്പം അകലെ ആയിരുന്നു പള്ളി.. അവിടേക്ക് എത്തിയ അവർ സെമിട്രിയിലേക്ക് നടന്നു.. ഡാനിയും അവരുടെ പപ്പയും രാവിലെ വന്നുപോയിരുന്നു..

ഒരു കല്ലറയിൽ പൂക്കളും മെഴുകുതിരികളും.. അത് കണ്ടപ്പോൾ റോക്കിന് രണ്ടു കല്ലറകൾ ആണ് മനസ്സിൽ വന്നത്..

ഇവാ അതിന്റെ മുൻപിൽ ഇരുന്നു പൂക്കൾ വെച്ചു.. കണ്ണടച്ച് ഇരുന്നു..

“അമ്മാ.. ലുക്ക്.. ഞാൻ കണ്ടുപിടിച്ച ചെക്കൻ ആണ്.. അമ്മക്ക് ഇഷ്ടമാകും എന്നറിയാം.. അമ്മയുടെ അതെ കണ്ണുകൾ ആണ് അവന്….”

അത് നിറമിഴികളോടെ സ്വകാര്യം പോലെ പറഞ്ഞ അവൾ തലചരിച്ചു നോക്കി.
റോക്ക് മുഴുകുതിരികളും ചന്തനത്തിരികളും കത്തിച്ചു കല്ലറയിൽ വെക്കുകയായിരുന്നു.. അവന്റെ ആ പ്രവർത്തി അവൾക്ക് ബോധിച്ചു..

ഹെലൻ എമ്മ ഡാനിയേൽ എന്ന് സ്വർണലിപികളിൽ കല്ലറയിൽ എഴുതിയിട്ടുണ്ടായിരുന്നു.. വെറുതെ അല്ല ഹെലൻ എന്ന് വിളിച്ചപ്പോൾ അവൾക്ക് സന്തോഷം എന്ന് അവൻ ഓർത്തു..

അത് കഴിഞ്ഞു പള്ളിയിലും കൂടെ ഒന്ന് കയറിയിട്ടാണ് അവർ തിരിച്ചത്.. ഇവാ സന്തോഷത്തിൽ ആയിരുന്നു..