ഇവാ, An Angelic Beauty Part 4[മാലാഖയുടെ കാമുകൻ] 1769

അകത്ത് കയറി ഇരുന്നു കുറെ വെള്ളമെടുത്തു കുടിച്ചു.. അതിന് ശേഷം എരിവ് സഹിക്കാൻ ആകാതെ സ്റ്റീരിങ്ങിൽ തലവച്ചു കരഞ്ഞു.. ഉച്ചത്തിൽ.. അവൾക്ക് ഇറങ്ങി ഓടാൻ തോന്നി.

ആരോ ഡോർ തുറന്ന് അകത്ത് കയറി അവളുടെ തലപിടിച്ചു പൊക്കി.. വായിലേക്ക് തണുത്ത മധുരം വന്നപ്പോൾ ആണ് അവൾ കണ്ണ് തുറന്നത്.. റോക്ക്.. അവൻ ഒരു സ്‌പൂണിൽ ഐസ്ക്രീം കോരി അവളുടെ വായിൽ വച്ച് കൊടുത്തു..

അവൾ വേഗം അത് ഞൊട്ടി നുണഞ്ഞു.. ഒരു സമാധാനം തോന്നി.

“നിന്നെ കരയിക്കും എന്ന് പറഞ്ഞിരുന്നു.. അത് നടന്നു..”

പുഞ്ചിരിയോടെ അത് പറഞ്ഞു ഐസ് ക്രീം കോരി അവളുടെ വായിൽ വച്ച് കൊടുത്തപ്പോൾ അവന് അവളോട് അടങ്ങാത്ത പ്രണയം ഉണ്ടെന്ന് അവൾക്ക് തോന്നി..

“പറഞ്ഞൂടെ റോക്ക് എന്നെ ഇഷ്ടമാണെന്ന്..?”

അവൾ വേദനയോടെ ചോദിച്ചു.. അവൻ മെല്ലെ ഒന്ന് ചിരിച്ചു..

“നാളെ… നാളെ ചട്ടയും മുണ്ടും ഉടുത്തു വരണം…”

“വാട്ട്..?”

അവൻ ഇപ്പോൾ ഇഷ്ട്ടം പറയും എന്ന് കരുതിയ ഇവാ ഞെട്ടി..

“യെസ്.. ചട്ടയും മുണ്ടും.. അതാണ് എന്റെ ഡിമാൻഡ്.. അതും അത് ഇട്ടു വരേണ്ടത് നീയല്ല…”

അവൻ പുഞ്ചിരിയോടെ പറഞ്ഞു..

“വാട്ട് ദി ഹെൽ…? വേറെയാര്..?”

അവൾ എരിയുന്ന നാവും ചുണ്ടും വയറും ആയിട്ടും ദേഷ്യത്തോടെ സങ്കടത്തോടെ ചോദിച്ചു..

“നിന്റെ ചേട്ടൻ ഡാനി.. അവൻ ആണ് ചട്ടയും മുണ്ടും ഉടുത്തു വരേണ്ടത്.. ആൻഡ് ഇറ്റ്സ് മൈ ഡിമാൻഡ്..”

ഒരു ചിരിയോടെ ഐസ് ക്രീം പാത്രം അവളുടെ മടിയിൽ വച്ചുകൊടുത്ത് പുറത്തേക്ക് ഇറങ്ങി പോയവനെ നോക്കി ശബ്‌ദിക്കാൻ പോലും മറന്ന് ഇവാ ഇരുന്നു..

തുടരും..