ഇവാ, An Angelic Beauty Part 4[മാലാഖയുടെ കാമുകൻ] 1769

“ഫോർ യുവർ ലവ്.. ഐ വിൽ ഡു എനിതിങ്..”

അവൾ അത് പറഞ്ഞു പച്ചമുളകുകൾ എടുത്തു വാശിയോടെ കടിച്ചു ചവച്ചിറക്കാൻ തുടങ്ങി..

“ഡാ.. അവൾ…”

ജോൺ റോക്കിനെ നോക്കി.. അവൾ ഐസ് ക്രീം എടുക്കും എന്ന് കരുതിയ എല്ലാവരും വിഷമത്തോടെ ആണ് അത് നോക്കിയത്..

“ഞാൻ ആണെങ്കിൽ അവന്റെ മുഖത്തിനിട്ട്‌ ഒരെണ്ണം കൊടുത്തിട്ട് പോകും.. ഇവനാരാ ജെയിംസ് ബോണ്ടോ..? ഇവൾക്ക് പ്രാന്താണ്..”

പുറകിൽ നിന്നും ഏതോ പെൺകുട്ടി പറഞ്ഞത് റോക്ക് കേട്ടു.. ശരിയാണ്.
വേറെ ആരാണെങ്കിലും ഇട്ടിട്ടു പോകും.. ഇത് ഇവയാണ്.. റോക്ക് ആലോചിച്ചു നിന്നു.. എന്തുകണ്ടിട്ടാണ് അവൾ ഇങ്ങനെ..?

“അമ്മാ… ശ്സ്സ്സ്‌…”

ഇവാ കുറെ മുളകുകൾ ഒരുമിച്ചു തിന്നശേഷം എരിവ് സഹിക്കാൻ കഴിയാതെ കരയാൻ തുടങ്ങി.. അത് കണ്ട കണ്ണുകൾ ഒക്കെ നിറഞ്ഞു.

ജോണിനും അത് കണ്ടു സഹിച്ചില്ല..

“റോക്ക്.. പ്ലീസ് സ്റ്റോപ്പ്.. പാവം ഡാ അവൾ.. സഹിക്കുന്നില്ല…”

ജോൺ പറഞ്ഞപ്പോൾ റോക്ക് ചെന്ന് മുളകുകൾ വച്ച പാത്രം വലിച്ചെടുക്കാൻ നോക്കി.. ഇവാ കൊടുത്തില്ല.. അവൾ വാശിയോടെ വേഗത്തിൽ കഴിക്കാൻ തുടങ്ങി..

നിറഞ്ഞു ഒഴുകുന്ന കണ്ണുകൾ. അവളെ വിറക്കുന്നു.. എന്നാലും ഒരു പുഞ്ചിരി ഒട്ടിച്ചുവച്ചു വേഗത്തിൽ മുളകുകൾ ചവച്ചിരിക്കുന്ന ഇവാ..

റോക്ക് നിന്ന് ഉരുകി.. ഓരോ തവണയും അവൾ അവനെയാണ് തോൽപ്പിക്കുന്നത്..

അപ്പോഴേക്കും അവസാന മുളകും ചവച്ചു തിന്നവൾ ആ പാത്രം എടുത്തു കമിഴ്ത്തി വച്ചു..

“ഇത് ഇവയാണ് റോക്ക്… നീ മുട്ടുകുത്തും…”!

അവൾ അത് പറഞ്ഞപ്പോൾ കുട്ടികൾ ഒക്കെ ആർപ്പ് വിളിച്ചു. ബാക്കി ഉള്ളവർ റോക്കിനെ നോക്കി കൂവി..

അവനെ ഒന്ന് നോക്കി അവൾ കാറിലേക്ക് ഓടി..