ഇവാ, An Angelic Beauty Part 4[മാലാഖയുടെ കാമുകൻ] 1769

ജോൺ അവളെ ഓർമിപ്പിച്ചപ്പോൾ അവൾ ചിരിച്ചുകൊണ്ട് അവന്റെ ചെവി പിടിച്ചു ഒന്ന് ആട്ടിയ ശേഷം അവിടെ നിന്നും പോയി..

ഉടനെ വേറെ ഊണും ജോണിന് ചിക്കനും വന്നു..

“അവൾ പറയുന്നത് കേട്ട് ക്വിറ്റ്‌ പറയരുത് കേട്ടോ..? നീ പോരാടണം..”

ചിക്കൻ കടിച്ചുവലിച്ചുകൊണ്ട് ജോൺ അവനെ നോക്കി പറഞ്ഞു..

“അതാകുമ്പോ നിനക്ക് എന്നും ചിക്കൻ കിട്ടുമല്ലോ അല്ലെ.? തല വെയിൽ കൊള്ളിക്കല്ലേ മോനെ.. ഓന്ത് തോറ്റു പോകുമല്ലോ നിന്റെ ഈ സ്വഭാവത്തിൽ..”

റോക്ക് അവനെ നോക്കി പറഞ്ഞപ്പോൾ അവൻ ചിരിച്ചു..

“അല്ലടാ..? ആരാ ഈ ആഫ്രോഡൈറ്റി…?”

“ലിറ്ററേച്ചർ പഠിച്ചവൻ ചോദിക്കുന്ന ചോദ്യം ആണ്..”

അവൻ റോക്കിനെ നോക്കി ചോദിച്ചപ്പോൾ റോക്ക് അതും പറഞ്ഞു അവിടെനിന്നും ദേഷ്യത്തോടെ എഴുന്നേറ്റ് പോയി..

“ആരായാലും എന്താ എന്റെ ആഫ്രോഡൈറ്റി ഇവയാണ്.. ചിക്കൻ ഫ്രൈ തരുന്ന ദേവത..”

അതും സ്വയം പറഞ്ഞു അവൻ വേഗം കഴിക്കാൻ തുടങ്ങി..

***

“പറ.. നാളെ എന്താ വേണ്ടത്..? സ്ലൈഡ് കുത്തിവരണം എന്നാണോ ഡിമാൻഡ്..?”

ഇവാ ചിരിച്ചുകൊണ്ടാണ് റോക്കിനോട് വൈകുന്നേരം ചോദിച്ചത്..

“നോ.. നാളെ നിനക്ക് വേഷത്തിലെ മാറ്റമല്ല.. വന്നോളൂ.. ഞാൻ തരാം നിനക്ക്..”

അവൻ അത്രമാത്രം പറഞ്ഞു ബൈക്കിൽ കയറിപ്പോയി..

അവൾ അത് നോക്കി നിന്നു..

“അറിയുന്നില്ലേ റോക്ക് നിനക്ക്..? ഒന്ന് സമ്മതിച്ചാൽ എന്താ..? ഇനിയുമെന്നെ ഇങ്ങനെ പരീക്ഷിക്കണോ..?”

അവൾ കണ്ണ് നിറച്ചു അകന്നുപോകുന്ന അവനെനോക്കി ചോദിച്ചുകൊണ്ട് വണ്ടിയിൽ കയറി.. അവൾക്ക് മനസിലായില്ല എങ്ങനെയാണു ഇങ്ങനെ ഒരുവൻ മനസ്സിൽ ഇത്രക്കും ആഴത്തിൽ കയറിയത് എന്ന്..