ഇവാ, An Angelic Beauty Part 4[മാലാഖയുടെ കാമുകൻ] 1769

അത് കണ്ടു അജിത്ത് ചിരിയോടെ ഇരുന്നു.. അവൾക്കും ഇഷ്ടമാണെന്ന് അവന് ബോധ്യമായി..

***

“നീ പകരം എന്ത് ചെയ്യും? മിക്കവാറും നീ തന്നെ ക്വിറ്റ്‌ പറയേണ്ടി വരും.. നീ പോയപ്പോൾ അവൾ ബാഗ് എടുത്തു പുറത്തേക്ക് വന്നതാണ്.. നീ എവിടെ പോയാലും അവൾ വരും..”

ജോൺ പറഞ്ഞപ്പോൾ റോക്ക് ഒന്നും മിണ്ടിയില്ല.. അവൻ തിരിഞ്ഞു നോക്കി. അവൾ ക്ലാസ്സിൽ ശ്രദ്ധിച്ചു ഇരിക്കുന്നു..

അന്ന് ഉച്ചക്ക് റോക്കും ജോണും ഊണ് കഴിക്കുകയായിരുന്നു..

ഇവാ പതിവ് പോലെ വന്നു ജോണിനെ വലിച്ചു മാറ്റി അവിടെ ഇരുന്നു.. ബലമായി റോക്കിന്റെ പ്ലേറ്റിൽ നിന്നും കഴിക്കാൻ തുടങ്ങി.

അവൻ ഒന്നും മിണ്ടാതെ അവളെ നോക്കി..

“റോക്ക്.. പറഞ്ഞില്ലേ..? നീയെനിക്ക് ഇര ഇല്ല.. ഇനി തലപോയാലും ഞാൻ ക്വിറ്റ്‌ പറയില്ല.. സൊ യു ഷുഡ് സ്റ്റോപ്പ് ദിസ് ആൻഡ് സെ ദാറ്റ് യു ലവ് മി…”

അവൾ അവനെ നോക്കി പുഞ്ചിരിച്ചു..

“ആഹാ എന്നിട്ട്.?”

“എന്നിട്ടെന്താ നമ്മൾ സെന്റോറിനി ദ്വീപിലേക്ക് പോകും.. അവിടെവച്ചു ആഫ്രോഡൈറ്റി എരിസിനെ പ്രേമിച്ചതുപോലെ ഞാൻ നിന്നെ പ്രേമിക്കും.. കാമിക്കും.. കൈ കോർത്തു പിടിച്ചു നമ്മൾ സെന്റോറിനിയുടെ പൂക്കൾ വിരിഞ്ഞു നിൽക്കുന്ന നിരത്തുകളിലൂടെ ഓടി നടക്കും.”

അവൾ അത് പറഞ്ഞു മെല്ലെ എഴുന്നേറ്റ് അവനെ നോക്കി കണ്ണ് ചിമ്മി.. അവൻ ചിരിച്ചു..

അവൾ ഒരു കൈ ചോറ് അവന് നീട്ടിയപ്പോൾ അവൻ വാ തുറന്നു.. അവന് കൊടുത്ത ശേഷം അവൾ കഴിച്ചു തീർത്തു.

അതിന് ശേഷം ക്യാന്റീനിലെ ചേട്ടനെ നോക്കി.. അയാൾക്ക് അറിയാം അതെന്തിനാണെന്ന്‌.

“ഇവാ.. എന്റെ പതിവ്…”