ഇവാ, An Angelic Beauty Part 4[മാലാഖയുടെ കാമുകൻ] 1769

മിസ്സിന്റെ അലർച്ച കേട്ടപ്പോൾ അവൻ എല്ലാം കൂടെ വാരി ചുറ്റി എടുത്തു അവന്റെ ബാഗിൽ കുത്തി നിറച്ചു..

“എന്താ റോക്ക്? ഭദ്രയുടെ അനിയൻ എന്ന നിലയിൽ നിനക്ക് എന്തും കാണിക്കാം എന്ന് കരുതുന്നുണ്ടോ.? ക്ലാസ്സിൽ ലേഡീസ് ഇന്നേഴ്സ് ഒക്കെ കഴുത്തിൽ ചുറ്റി ഇരിക്കുന്നതാണോ റോക്ക് ഒരു ലിറ്ററേച്ചർ സ്റ്റുഡന്റിന്റെ മാന്യത..? ഞാൻ നിന്റെ ചേച്ചിയെ വിളിച്ചു ഒരു തീരുമാനം എടുക്കുന്നുണ്ട്.. ഇപ്പോൾ തന്നെ..”

മിസ് ദേഷ്യത്തോടെ ബുക്ക്സ് എല്ലാം മേശപ്പുറത്തേക്ക് ഇട്ടു.. അതിന് ശേഷം ദേഷ്യത്തോടെ പുറത്തേക്ക് പോയി.. ക്ലാസ് അകെ നിശബ്ദം ആയി.

“പണി പാളി മോനെ..കളിച്ചത് ഇവയോട് ആണ്…”

ജോൺ മെല്ലെ പറഞ്ഞു.. റോക്ക് ദേഷ്യത്തോടെ തിരിഞ്ഞു നോക്കി..

ഇതൊക്കെ കേട്ട് ഇവാ കുലുങ്ങി കുലുങ്ങി ചിരിക്കുകയായിരുന്നു.. റോക്ക് ദേഷ്യം കൊണ്ട് പല്ലു ഞെരിച്ചു..

“നിന്നെ ഞാൻ കരയിക്കും.. ഇത് പറയുന്നത് റോക്ക് ആണ്…”

പല്ലുകൾ കടിച്ചു പിടിച്ചു അവൻ മുരണ്ടപ്പോൾ ഇവാ അവനെ നോക്കി ചിരിക്കുകയായിരുന്നു.

“ഡാ പണിയാകുമോ..?”

ജോൺ ചോദിച്ചു.. റോക്ക് ഒന്നും മിണ്ടിയില്ല.. അപ്പോഴേക്കും പോയ മിസ് തിരികെ വന്നു..

“റോക്കിന്റെ ചേച്ചിയെ വിളിച്ചിട്ടുണ്ട്.. അത് വരെ പുറത്തു നിന്നാൽ മതി..”

മിസ് പറഞ്ഞപ്പോൾ അവൻ മെല്ലെ ഇറങ്ങി.. ഇവാ അത് പ്രതീക്ഷിച്ചില്ല. അവളുടെ ചിരി മാഞ്ഞു..

റോക്ക് പുറത്തുപോയി നിന്നു.. അല്പം കഴിഞ്ഞപ്പോൾ ഭദ്രയുടെ കാറ് വരുന്നത് കണ്ടു..

വണ്ടിയിൽ നിന്നും ഇറങ്ങി ഭദ്ര അവനെ വിളിച്ചു…. നേരെ പ്രിൻസിപ്പലിന്റെ റൂമിൽ എത്തി..

“വക്കീലേ.. ഇന്ന് ഇവൻ ചെയ്തത് ഓവർ ആണ്.. അതാണ് നിങ്ങളെ വിളിക്കേണ്ടി വന്നത്.. “

അതും പറഞ്ഞു പ്രിൻസി ഉണ്ടായ കാര്യങ്ങൾ എല്ലാം പറഞ്ഞു.. അത് കേട്ടപ്പോൾ ഭദ്ര റോക്കിനെ നോക്കി.. അവൻ ഒന്നും മിണ്ടിയില്ല..