ഇവാ, An Angelic Beauty Part 4[മാലാഖയുടെ കാമുകൻ] 1769

അന്ന് വൈകുന്നേരം..

“നാളെ നീ കമ്മൽ ഇട്ടു വരണം.. വെറും കമ്മൽ അല്ല.. ജിമുക്കി.. സ്വർണത്തിന്റെ…”

അവൻ പറഞ്ഞപ്പോൾ അവൾക്ക് ദേഷ്യം വന്നു..

“കമ്മൽ ഇടാൻ ഞാൻ കാത് കുത്തിയിട്ടില്ല.. ആൻഡ് വാട്ട് ദി ഹെൽ ഈസ് ജിമുക്കി..?”

അവൾ തിരിച്ചു ചോദിച്ചു..

“കാതു കുത്തിയില്ല എങ്കിൽ പോയി കുത്തണം. ജിമുക്കി എന്താണെന്ന് നെറ്റിൽ നോക്കിയാൽ മതി…അല്ലേൽ നീ കുത്തണ്ട..”

അവൻ അതും പറഞ്ഞു ബൈക്കിൽ കയറി..

“എനിക്ക് പറ്റില്ല.. നാളെ തന്നെ വേണോ റോക്ക്..? ഏതെങ്കിലും വേഷം ആണെങ്കിൽ…?”

അവൾ ചോദിച്ചപ്പോൾ അവൻ ചിരിച്ചു കാണിച്ചു..

അവൾ ദേഷ്യത്തോടെ മുഖം വെട്ടിച്ചു.

“നിനക്ക് പറ്റരുത്.. അതാണ് എനിക്ക് വേണ്ടതും.. പിന്നെ, കണ്ണെഴുതിയത് നന്നായിട്ടുണ്ട്.. “

അത് കേട്ടപ്പോൾ അവളുടെ ചുണ്ടിൽ പുഞ്ചിരി വന്നു..

“എന്നുകരുതി നാളെ പറഞ്ഞ കാര്യം മറക്കണ്ട..”

അവൻ നിസ്സാരമട്ടിൽ പറഞ്ഞു വണ്ടി എടുത്തു.. അവൾ ദേഷ്യത്തോടെ വണ്ടിയിൽ കയറി..

അന്ന് അവൾ അവന്റെ പുറകെ പോയില്ല..

പിറ്റേന്ന് ഇവാ പതിവ് സമയം ആയപ്പോൾ വന്നു..

കാതു കുത്തി ജിമുക്കി ഇട്ടിരുന്നു.. അവൾ വന്നു നേരെ പോയി ബാക്ബെഞ്ചിൽ ഇരുന്നു.. ഒരു പുസ്തകം എടുത്തു കുത്തി വരയ്ക്കാൻ തുടങ്ങി.. സാധാരണ റോക്കിനെ നോക്കി ചിരിച്ചിട്ട് മാത്രമേ പോകാറുള്ളൂ.. റോക്ക് അവളെ തിരിഞ്ഞു നോക്കി.. അവൾ നോക്കുന്നില്ല.

റോക്ക് എഴുന്നേറ്റ് അവളുടെ അടുത്തേക്ക് ചെന്നു.. അവൾ നോക്കിയില്ല..