ഇവാ, An Angelic Beauty Part 4[മാലാഖയുടെ കാമുകൻ] 1769

“നീ പിന്നെയും ഡിമാൻഡ് വച്ചോ..? ഡാ നിനക്ക് ആക്സിഡന്റ് ആയപ്പോഴും ഡൈലി കാണാൻ വന്നതല്ലേ?? എന്തൊരു സ്നേഹമാണ് നിന്നോട്.. എന്നിട്ടും നിനക്ക് ഓക്കേ പറഞ്ഞാൽ എന്താ..?”

അവൾ പോയതോടെ ജോൺ റോക്കിന്റെ അടുത്തേക്ക് വന്നു ഇരുന്നു ചോദിച്ചു.

“ഏയ് അങ്ങനെ വേണ്ട.. എനിക്ക് അവളെ ഇഷ്ടമാണ് ജോൺ.. പക്ഷെ ആ ഇഷ്ട്ടം പ്രേമം അല്ല.. കൂട്ടുകാരിയോടുള്ള ഇഷ്ടമാണ്.. പ്രണയം ഒരിക്കലേ വരൂ എന്നാണ് എന്റെ ഒരു ഇത്..”

അവൻ പറയുന്നത് കേട്ട് ജോൺ തലക്ക് കൈകൊടുത്തു ഇരുന്നു..

പതിവ് പോലെ ഇവാ അവനെ ശല്യപെടുത്തിക്കൊണ്ടിരുന്നു.. സത്യത്തിൽ അതൊക്കെ അവന് ഇഷ്ടമായിരുന്നു..

അവൾ കൈകൾ നിറയെ വളകൾ ഇട്ടു വന്നപ്പോൾ റോക്ക് വച്ച അടുത്ത ഡിമാൻഡ് അവൾ സാരി ഉടുത്തു വരണം എന്നായിരുന്നു..

പറ്റില്ല എന്ന് പറഞ്ഞെങ്കിലും അവൾ കടും നീല നിറത്തിൽ ഉള്ള സാരി എടുത്തുവന്നപ്പോൾ റോക്ക് അവളെ കണ്ണ് പറിക്കാതെ നോക്കി.. ഒരുങ്ങി വന്നാൽ മാലാഖയെപ്പോലെ ആയിരുന്നു ഇവാ..

ദിവസങ്ങൾ കഴിഞ്ഞപ്പോൾ റോക്കിന് തോൽവി പറ്റുമോ എന്ന തോന്നൽ വന്നു തുടങ്ങി.. അവൻ എന്ത് പറഞ്ഞാലും അവൾ ചെയ്യുന്ന ഒരു അവസ്ഥ..

ദിവസങ്ങൾ വീണ്ടും കടന്നുപോയി.. ഒരു മാസം കഴിഞ്ഞു..

ഒരു ദിവസം വൈകുന്നേരം റോക്ക് അവളോട് വണ്ടികൾ ഒന്നുമില്ലാതെ ബസിൽ കയറി വരാനാണ് പറഞ്ഞത്.. അത് കേട്ടപ്പോൾ ഇവാ പൊട്ടിച്ചിരിക്കുകയാണ് ചെയ്തത്..

അവൻ സംശയത്തോടെ അവളെ നോക്കി..

“എന്താ..?”

“റോക്കി… ഐ ലവ് യു.. നീ അല്ലാതെ മറ്റാരെയും പ്രേമിക്കാൻ എനിക്ക് ഉദ്ദേശമില്ല..

എന്നാലും നീ നൂറു ഡിമാൻഡ്‌സ് എന്നൊക്കെ പറഞ്ഞപ്പോൾ ഞാൻ വിചാരിച്ചു നീയെനിക്ക് ഒത്ത ഒരു എതിരാളി ആകും എന്ന്.. ഇതിപ്പോൾ നീയെനിക്ക് ഒരു ഇരപൊലും അല്ല..
വള ഇടുക കമ്മൽ ഇടുക സാരി ഉടുക്കുക ചന്ദനം തൊടുക നടന്നു വരുക.. മുടി വെട്ടാൻ പാടില്ല… സാരി ഉടുക്കുക.. അരഞ്ഞാണം ധരിക്കുക.. പാദസ്വരം ധരിക്കുക.. കം ഓൺ….!