ഇവാ, An Angelic Beauty Part 4[മാലാഖയുടെ കാമുകൻ] 1769

“വൗ.. അപ്പോൾ വകീൽ വിചാരിച്ചത് പോലെയല്ല.. പകരം വീട്ടിയിരിക്കുന്നു..അതും വല്ലാത്ത രീതിയിൽ..”

ഡാനി മെല്ലെ പറഞ്ഞപ്പോൾ ഇവാ ചിരിച്ചു.. അപ്പോഴാണ് ഇവയുടെ ഫോണിൽ ഭദ്ര വിളിച്ചത്. അവൾ ഡാനിക്ക് കൊടുത്തു.

“ഡാനിക്ക് മനസിലായി കാണും അല്ലെ എന്തുകൊണ്ട് ഞാൻ മിണ്ടാതെ ഇരുന്നു എന്ന്..? ഞാൻ ലോയർ ആണ്. എന്റെ അനിയനെയും അനിയത്തിയേയും തൊട്ടവരെ ജയിലിൽ കിടത്തി മൂന്ന് നേരം ഊട്ടാൻ ഭദ്രയെ കിട്ടില്ല..”

ഭദ്രയുടെ വാക്കുകൾ കേട്ടപ്പോൾ ഡാനി ചിരിച്ചു.

“നന്നായി വക്കീലേ.. അത് തന്നെ ആയിരുന്നു എനിക്ക് വേണ്ടതും.. എന്നാലും ഇത് പ്രതീക്ഷിച്ചില്ല കേട്ടോ.. ചുമ്മാതല്ല ഭദ്ര വക്കീൽ എന്ന് കേൾക്കുമ്പോൾ തന്നെ ചിലരുടെ പേടി…”

അത് പറഞ്ഞപ്പോൾ അപ്പുറത്ത് നിന്നും ചിരിയാണ് കേട്ടത്.

***

രണ്ടാഴ്ചക്ക് ശേഷം..

റോക്ക് ബൈക്കിൽ തന്നെ കോളേജിൽ എത്തി.. അത് റിപ്പയർ ചെയ്തു കിട്ടിയിരുന്നു.

ജോൺ ഇടക്ക് അവനെ കാണാൻ ഒക്കെ ചെന്നിരുന്നു.. ഇവാ എന്നും ചെന്നിരുന്നു.

അവർ സംസാരിച്ചു ക്ലാസ്സിൽ എത്തിയപ്പോൾ ആണ് ഇവാ വന്നത്..

നീല ജീൻസിന്റെ ജാക്കറ്റ് ഇട്ടിരുന്നു അവൾ.. മുടി ഒന്നുകൂടെ ട്രിം ചെയ്തിരിക്കുന്നു..

“പോ ദൂരെ..”

അവൾ ജോണിനെ വലിച്ചു മാറ്റി റോക്കിന്റെ അടുത്ത് ഇരുന്നു..

“അപ്പൊ എങ്ങനെയാ കാര്യങ്ങൾ..? തുടങ്ങുകയല്ലേ.?”

അവൾ ചോദിച്ചപ്പോൾ അവൻ ചിരിച്ചു..

“യെസ്.. നാളെ കൈകളിൽ മുഴുവൻ കുപ്പിവളകൾ ഇട്ടിട്ടു വരണം..”

അവൻ പറഞ്ഞപ്പോൾ അവൾ വാ പൊളിച്ചു..

“ഡാം ഇറ്റ്..”

അവൾ മേശയിൽ ഒരു അടി അടിച്ചു എഴുന്നേറ്റ് പോയപ്പോൾ റോക്ക് ചിരിച്ചു..