ഇവാ, An Angelic Beauty Part 4[മാലാഖയുടെ കാമുകൻ] 1769

ഇവാ വിളിച്ച അതെ പേരിൽ ഭദ്ര വിളിച്ചു.. അപ്പോഴാണ് ഭദ്ര അവിടെ ഉണ്ടായിരുന്നത് ഡാനി കണ്ടത്.. അവൻ ചോദ്യഭാവത്തിൽ അവളെനോക്കി..

“അവരെ അനേഷിക്കണ്ട.. കിട്ടില്ല.. “

ഭദ്ര മെല്ലെ പറഞ്ഞു.. ശേഷം ഒന്ന് പുഞ്ചിരിച്ചു. ഡാനിക്കോ ഇവക്കൊ ഭദ്ര എന്താണ് പറഞ്ഞത് എന്ന് മനസിലായില്ല.. എന്നാലും അവരോടു പറഞ്ഞു അവൻ ഇവയെ കൊണ്ടുപോയി..

അവനും അവന്റെ കൂട്ടാളികളും ഒരുപാട് അനേഷിച്ചു എങ്കിലും ആരെയും കിട്ടിയില്ല.. അന്ന് തന്നെ റോക്കിനെ വീട്ടിലേക്ക് കൊണ്ടുപോയി..

പിറ്റേ ദിവസം ഭദ്ര ആ കേസ് ജയിക്കുകയും ചെയ്തു.. എന്നാൽ അവൾ അവളുടെ അനിയന് നേരെയുണ്ടായ അക്രമണത്തെപ്പറ്റി ഒന്നും പറഞ്ഞില്ല..

ഇവയുടെ പപ്പ അതിനെപ്പറ്റി ചോദിച്ചപ്പോൾ അവൾ പിന്നെ സംസാരിക്കാം എന്നാണ് പറഞ്ഞതും..

***

രണ്ടു ദിവസം കഴിഞ്ഞു.

റോക്ക് ഉമ്മറത്ത് ഇരുന്നു ഭദ്ര ഉണ്ടാക്കി കൊടുത്ത ചായയും പഴംപൊരിയും കഴിക്കുകയായിരുന്നു.. അപ്പോഴാണ് ഡോഡ്ജ് ചാർജർ അവിടേക്ക് വന്നതും ഇവാ അതിൽ നിന്നും ഇറങ്ങി ഓടി വന്നതും..

അവൾ വന്നപാടെ റോക്കിന്റെ കയ്യിൽ ഇരുന്ന പഴംപൊരി തട്ടിപ്പറിച്ചു വായിൽ വച്ചു..

“മോനു.. ഇനിയും…”

ഒരു പ്ലേറ്റിൽ പഴംപൊരിയും ആയി അവിടേക്ക് വന്ന ഭദ്ര കണ്ടത് പഴംപൊരി കടിച്ചു പിടിച്ചു നിൽക്കുന്ന ഇവയെ ആണ്..

ഇവാ ആകെ ഒന്ന് നാണിച്ചു.. റോക്കിന് ചിരി ഒതുക്കാൻ ആയില്ല.. ഭദ്രക്കും..

“അഹ് മോളോ.. “

ഭദ്ര സ്നേഹത്തോടെ അവളെ ചേർത്ത് പിടിച്ചപ്പോൾ ആണ് വണ്ടിയിൽ നിന്നും ഡാനി കൂടെ ഇറങ്ങിയത്..

ചായകുടിച്ചു കുറച്ചു നേരം കഴിഞ്ഞ ശേഷം അവർ പോകാൻ ഇറങ്ങി.