ഇവാ, An Angelic Beauty Part 4[മാലാഖയുടെ കാമുകൻ] 1769

“ഇവാ..? ഇവാ എവിടെ ചേച്ചി..? അവൾക്ക് ഒന്നും പറ്റിയില്ലല്ലോ..?”

അവൻ എഴുന്നേൽക്കാൻ നോക്കി. ഭദ്ര അവനെ പിടിച്ചു കിടത്തി തലക്കലേക്ക് നോക്കി.. അവനും അവിടേക്ക് നോക്കി..

ഇവാ അവനെ നോക്കി നിൽക്കുന്നുണ്ടായിരുന്നു.. ഭിത്തിയിൽ ചാരി.

“നിനക്ക് ഒന്നും പറ്റിയില്ലല്ലോ..? എനിക്ക് ഒന്നും ഓർമയില്ല. കണ്ണിൽ മൊത്തം ഇരുട്ട് ആയിരുന്നു.. നീ ഒന്നും ചെയ്യല്ലേ എന്ന് പറഞ്ഞു കരഞ്ഞല്ലോ..? അതെന്താ.?”

അവൻ സംസാരിക്കുമോൾ നല്ല വേദന തോന്നി എങ്കിലും അവളോട് അതൊക്കെ ചോദിച്ചു..

“നോ റോക്ക്.. ഞാൻ ഓക്കേ ആണ്.. നിന്റെ ദേഹത്തേക്ക് ആണ് ഞാൻ വീണത്.. പിന്നെ ഞാൻ കരഞ്ഞൊന്നും ഇല്ലല്ലോ..? നീ സ്വപ്നം കണ്ടോ..? അധികം സംസാരിക്കേണ്ട റോക്ക്..”

അവൾ പുഞ്ചിരിയോടെ പറഞ്ഞപ്പോൾ റോക്ക് ഭദ്രയെ നോക്കി. അവളും ചിരിച്ചു കാണിച്ചു..

“ഈ ജീപ്പ് ഇടിക്കാൻ വന്നതാണ് ചേച്ചി…മനഃപൂർവം ആണെന്ന് തോന്നി..”

റോക്ക് പറഞ്ഞപ്പോൾ ഭദ്ര അറിയാമെന്നുള്ള രീതിയിൽ തല കാണിച്ചു..

“മോനു ഇനി അതേപ്പറ്റി ആലോചിക്കേണ്ട.. അതൊക്കെ പോലീസ് നോക്കിക്കോളും.. ഉറങ്ങിക്കോ..”

അവൾ അവന്റെ കൈ മെല്ലെ തലോടി.. അവൻ മെല്ലെ മയക്കത്തിലേക്ക് വീണു..

കതകു തുറന്ന് റൂമിലേക്ക് ആരോ ഓടി വന്നു.

“ഡാനി…”

ഇവാ അവനെ വിളിച്ചുകൊണ്ടു ഓടിച്ചെന്ന് അവന്റെ നെഞ്ചിലേക്ക് ചാഞ്ഞു.. അവൻ അവളുടെ മുറിവുകൾ ഒക്കെ നോക്കി..

അവന് ദേഷ്യം അടക്കാൻ ആയില്ല..

“ആരായിരുന്നു..?”

“അറിയില്ല.. ഡാനി.. ദേ ട്രൈഡ് റ്റു കിൽ ഹിം…”

അവൻ അവളുടെ പുറത്തുള്ള പാടുകൾ നോക്കി.. അവൻ ദേഷ്യത്തോടെ മുറിവിട്ടു പുറത്തേക്ക് പോകാൻ തിരിഞ്ഞു..

“ഡാനി..?”