ഇവാ, An Angelic Beauty Part 4[മാലാഖയുടെ കാമുകൻ] 1769

“ചേച്ചി.. ഒരു കാര്യം പ്രോമിസ് ചെയ്യുമോ..?”

ഇവാ ഭദ്രയെ നോക്കി..

“റോക്ക്.. റോക്ക് ഇത് അറിയരുത്. പ്ലീസ്..

അവന് കൊള്ളേണ്ട അടി ഞാൻ കൊണ്ടു എന്നറിഞ്ഞാൽ അവന് എന്നോട് ഒരു സോഫ്റ്റ് കോർണർ വരും. അവന്റെ ജീവൻ രക്ഷിച്ചു എന്നൊരു തോന്നൽ വരും.. അത് അവനിൽ എന്നെ തിരിച്ചു പ്രണയിക്കാൻ ഒരു കാരണം ആകും.. അത് വേണ്ട ചേച്ചി…

“കടപ്പാട് കൊണ്ട് വരുന്ന പ്രണയം എനിക്ക് വേണ്ട.. അവന്റെ മനസ്സിൽ നിന്നും പ്രണയം വരുന്നതുവരെ ഞാൻ കാത്തിരിക്കാം.. പ്ലീസ് ചേച്ചി… പറയരുത്.. അവൻ അറിയരുത്.. പ്ലീസ് ചേച്ചി..”

ഇവാ അതും പറഞ്ഞു ഭദ്രയെ കെട്ടിപിടിച്ചു കരഞ്ഞപ്പോൾ ഭദ്ര ശ്വാസം പോലും കഴിക്കാൻ മറന്ന് അവളെ നോക്കി.. എന്തൊരു പെണ്ണാണ് ഇവൾ എന്ന് ഭദ്ര ചിന്തിച്ചു..

അവളുടെ വാക്കുകളും കരച്ചിലും കേട്ടപ്പോൾ ഭദ്രയുടെ കണ്ണിൽ നിന്നും ചൂട് കണ്ണുനീർ ഒഴുകി അവളുടെ നിറുകയിലേക്ക് ചാടി..

“ഓക്കേ മോളെ.. സമ്മതം പക്ഷെ.. ആ ജീപ്പ് ആളുകൾ.. അവരുടെ അടയാളം എനിക്ക് ഒന്ന് വേണം..”

ഭദ്ര മെല്ലെ അവളോട് പറഞ്ഞപ്പോൾ ഭദ്രയുടെ കണ്ണിൽ പക ആയിരുന്നു.. ഇവാ അവൾക്ക് അറിയുന്ന കാര്യങ്ങൾ ഭദ്രയോട് പറഞ്ഞു..

അപകടപ്പെടുത്താൻ ആയിരുന്നു ശ്രമം എന്നല്ലാതെ വേറെയൊന്നും റോക്കിനെ അറിയിക്കേണ്ട എന്ന് ഭദ്ര തീരുമാനിച്ചു.

അവൾ പറഞ്ഞ പ്രകാരം ആണ് ഇവയും അജിത്തും മൊഴി കൊടുത്തതും.. ഇവയുടെ അഭ്യർത്ഥന മാനിച്ചുകൊണ്ടാണ് അവർ അങ്ങനെ തീരുമാനിച്ചത്.

***

റോക്ക് കണ്ണ് തുറന്നപ്പോൾ മുൻപിൽ ഭദ്ര ഉണ്ടായിരുന്നു.. അവൾ അവന്റെ നെറ്റിയിൽ തലോടി.. തലയിൽ ഒൻപത് സ്റ്റിച്‌ ഉണ്ടായിരുന്നു..