ഇവാ, An Angelic Beauty Part 4[മാലാഖയുടെ കാമുകൻ] 1769

“ഡോക്ടറെ.. ഇപ്പോൾ ഉള്ള കേസിൽ ഭീഷണി ഉണ്ട്.. അതൊന്നും ഞാൻ അവനെ അറിയിക്കാറില്ല..

ഞാൻ വീട്ടിൽ നിന്നും കോളേജിലേക്കും അവിടെ നിന്നും വൈകീട്ടും ചെക്കനെ ശ്രദ്ധിക്കാൻ ആളെ നിർത്തിയിരുന്നു. എന്നാൽ ഇവർ എവിടേക്കോ പോയത് അവരോ ഞാനോ അറിഞ്ഞില്ല.. അതായിരിക്കാം അവർ കിട്ടിയപ്പോൾ.. എങ്ങനെ നന്ദി പറയണം എന്നുപോലും അറിയില്ല…”

ഭദ്ര വീണ്ടും കരഞ്ഞു.. അവൻ അവളുടെ തോളിൽ തട്ടി ആശ്വസിപ്പിച്ചു..

ഭദ്ര മുഖം തുടച്ചു അകത്തേക്ക് ചെന്നു. ഇവാ എഴുന്നേറ്റ് ഇരിക്കുകയായിരുന്നു.

“ചേച്ചി..എന്റെ അമ്മയുടെ കല്ലറയിൽ പോയി വരുമ്പോൾ ഒരു ജീപ്പ് വന്നു ഇടിച്ചു..
തല ഇടിച്ചു ബോധം പോയിരുന്നു അവന്റെ. അവനെ അവർ കൊല്ലാൻ നോക്കി.. ഈ ചേട്ടൻ വന്നില്ലായിരുന്നു എങ്കിൽ….”

ഇവാ അവിടെ നിർത്തി. അപ്പോഴേക്കും ഒരു നേഴ്സ് അവിടേക്ക് വന്നു..

“അടങ്ങി കിടക്ക്‌ കൊച്ചെ.. അടി കൊണ്ട് എല്ലു പൊട്ടാതിരുന്നത് ഭാഗ്യം.…”

നേഴ്സ് വന്നു ഇവയെ പിടിച്ചു ബെഡിൽ കിടത്തി.. ഭദ്ര അതൊക്കെ ഞെട്ടലോടെയാണ് കണ്ടത്..

ഇവയെ തിരിച്ചു കിടത്തി നേഴ്സ് അവളുടെ ടോപ് മുറിച്ചു മാറ്റിയപ്പോൾ ഭദ്ര കണ്ടു നീലച്ചു കിടക്കുന്ന പാട്…

“മോളെ.. നീ…”

ഭദ്ര അവളുടെ ഒപ്പം ഇരുന്നു.. അവൾ വേദനകടിച്ചു പിടിച്ചു കിടക്കുകയായിരുന്നു..

“അവനെ അടിക്കാതിരിക്കാൻ ഇവൾ അവന്റെ മുകളിൽ കിടക്കുകയായിരുന്നു വക്കീലേ.. അടി കൊണ്ടതൊക്കെ ഈ കുട്ടിക്ക് ആണ്.. ആരാ ഈ കുട്ടി എന്നറിയില്ല.. പക്ഷെ.. അവന്റെ ഭാഗ്യം ആണ് ഇവൾ…”

അജിത്ത് അത് പറഞ്ഞു പുറത്തേക്ക് പോയി..

ഭദ്ര നിറഞ്ഞു ഒഴുകുന്ന കണ്ണുകളോടെ ഇവയെ നോക്കി.. നേഴ്സ് അവളുടെ വീണ മുറിവുകളും അടി കിട്ടി ചതഞ്ഞ ഭാഗത്ത് പ്ലാസ്റ്ററും ഒട്ടിച്ചു കഴിഞ്ഞു പുറത്തേക്ക് പോയി..