ഓപ്പറേഷൻ ഗ്രേറ്റ് വാൾ – മിസ്റ്റീരിയസ് ഐലൻഡ് 1979

ഭീഭൽസമായ കാഴ്ച ആയിരുന്നു അവരെ വരവേറ്റത്….

നൗഷാദിന്റെ ഒരു കാൽ അടർന്നു ശരീരത്തിൽ നിന്ന് പറിഞ്ഞു പോയിടുണ്ട് ….ആ കാലിലേക്ക് ഉള്ള രക്തധമനികളിൽ നിന്ന് രക്തം പുറത്തേക്ക് ശക്തമായി ചീറ്റുന്ന രക്തം അവനെ പിടിച്ചിറക്കിയവരുടെ മുഖത്തേക്കും തെറിച്ചു….

മറ്റേ കാൽ ഒടിഞ്ഞു നുറുങ്ങി വികൃതമായിട്ടുണ്ട്…വന്കുടൽ പാതിയും പുറത്തേക്ക് തൂങ്ങി വന്നിട്ടുണ്ട്…..

ജീവൻ പോകുന്ന വേദനയിലും അയാൾ എന്തോ പറയാൻ ശ്രമിച്ചു…. പക്ഷേ ചില ഞെരക്കങ്ങൾ മാത്രം പുറത്ത് വന്നു അയാൾ അല്പം പിടഞ്ഞ ശേഷം പതിയെ നിശ്ചലനായി….

പറിഞ്ഞുപോയ കാലിലേക്കുള്ള ഞെരമ്പുകൾ അപ്പോളും ചോര പുറത്തേക്ക് ചീറ്റുന്നുണ്ട്…. ചുറ്റിലും കൂടിയവരുടെ കാലുകളിലേക്ക് ചുടുചോര തെറിച്ചപ്പോൾ പലരും കണ്ണുകൾ ഇറുക്കിയടച്ചു….

സൈനികർ ആയിട്ട് പോലും സഹപ്രവർത്തകന്റെ അവസാനനിമിഷങ്ങൾ കണ്ട് എല്ലാവരും ഞെട്ടിവിറച്ചു നിൽകുമ്പോൾ അതുലിന്റെ ശബ്ദം മുഴങ്ങി….

“ക്ലോസ് ദി ഹാച്ച്…. ഹറി…. ഫാസ്റ്റ്….”

അതുലിന്റെ നിർദ്ദേശം വന്നതും ഹാച്ച് ഡോർ ആരൊക്കെയോ ചേർന്നടച്ചു….

ഏതാനും നിമിഷത്തേക്ക് എന്തൊക്കെയോ ശബ്ദങ്ങൾ പുറപ്പെടുവിച്ച നൗഷാദിന്റെ ചലനം പതിയെ നിലച്ചു….

“ക്രീഈ.. ക്രീഈൗൗൗ…”

അപ്പോളും കപ്പലിന് മുകളിൽ നിന്ന് ഓപ്പൺ എയർ ഇൻടേക്ക് ഗ്രില്ലിലൂടെ അപ്പോളും ചില ശബ്ദങ്ങൾ ഉള്ളിലേക്ക് വന്നുകൊണ്ടിരുന്നു….

പതിയെ എല്ലാം ശാന്തമായി…. എങ്കിലും ഇടക്കിടെ നേർത്ത ശബ്ദത്തിൽ ക്രീഈൗൗൗൗൗൗ… ക്രീ എന്നൊരു ശബ്ദം മാത്രം കേൾക്കാം….

അത് മാത്രം മതിയായിരുന്നു അവിടെ ഉള്ളവരുടെ ഹൃദയമിടിപ്പ് കൂട്ടാൻ….

ദുഃഖം ഖനീഭവിച്ച അന്തരീക്ഷം… ആർക്കും ആരോടും ഒന്നും സംസാരിക്കാനില്ലാത്ത പോലെ…

പെട്ടന്ന് മാനസേശ്വർ എന്ന മാനസ് ചാടി എണീറ്റുകൊണ്ട് പറഞ്ഞു…..

“ആര്,,, എന്ത്‌ തന്നെ ആയാലും രാമസ്വാമിയുടെയും നൗഷാദിന്റെയും ജീവൻ ഇവിടെ പൊലിഞ്ഞിട്ടുണ്ടെങ്കിൽ അതിനു പകരം നൽകാതെ ഞാനിനി ഇതിലേക്ക് ഇറങ്ങില്ല….”

പഞ്ചാബിയാണ് സീമേൻ ആയ മാനസ്വേശ്വർ സിംഗ്.. ശരിക്കും പഞ്ചാബികളുടെ വീറും ശൗര്യവും നിറഞ്ഞ മുതൽ…. സ്വന്തം ജീവൻ പോലും തൃണവൽക്കരിച്ചു രാജ്യത്തിനു വേണ്ടി സേവനം ചെയ്യാൻ തയ്യാറാവുന്ന യഥാർത്ഥ രാജ്യസ്നേഹി…

അത് കണ്ട് മറ്റു രണ്ടു പേരുംകൂടി പുറത്തേക്ക് പോവാൻ എണീറ്റു….