?Guardian Ghost? Part -3 ༆ കർണൻ(rahul)༆ 343

അതൊക്കെ ഞാൻ നോക്കിക്കോളാം. പ്രശ്നം ഒന്നും ഇല്ലെങ്കിൽ പിന്നെ എഴുന്നേറ്റ് ഒന്ന് സെറ്റ് ആയാൽ എനിക്ക് അവളെ കൊണ്ട് പോകാമല്ലോ അല്ലേ?

നിനക്ക് അതാണ് നല്ലതെന്ന് തോന്നുന്നെങ്കിൽ അങ്ങനെ. എയ്ഞ്ചൽ പറഞ്ഞു.

ഞങ്ങൾ സംസാരിച്ചു നിന്നപ്പോഴാണ് അവിടേക്ക് ക്രിസ്റ്റഫർ വന്നത്.

മെർലിൻ ഇപ്പോ ok ആണ് കേട്ടോ മിഖയേൽ അവൾക്ക് ഇവിടെ സ്പെഷ്യൽ കെയർ ആണ് കൊടുക്കുന്നത്. അവൻ ഒന്നു സുഖിപ്പിക്കനായി പറഞ്ഞു.

അവന്റെ സുഖിപ്പീര് കണ്ടപ്പോൾ തന്നെ മിഖായ്ക്ക് വിറഞ്ഞു കയറി.

ഡാ മൈലാടി മോനെ നിനക്ക് നിന്റെ പുതിയ യാജമാനന്മാർ എന്റെ കൊച്ചിനെ തീർക്കാൻ പണി ഏല്പ്പിച്ചത് ഞാൻ അറിഞ്ഞതാ. എന്റെ കൊച്ചിന്റെ മേത്ത് എങ്ങാനും നിന്റെ കണ്ണ് വീണിരുന്നേൽ. നിന്റപ്പൻ കുരിശുമൂട്ടിൽ കറിയാച്ചൻ ഇപ്പോ ഭിത്തിയിൽ ആണിയടിക്കേണ്ടി വന്നേനെ പുന്നാര മോന്റെ മാലയിട്ട ഫോട്ടോ തൂക്കാൻ. എന്റെ കൊച്ചിനെ തൊട്ട പൂഞ്ഞാറ്റിലെ മക്കളോട് പറഞ്ഞേക്ക് അവന്മാർക്കുള്ള ശവപ്പെട്ടി മിഖായേൽ പണിയാൻ കൊടുത്തിട്ടുണ്ടെന്ന്. ഏത് കോത്താഴത്ത് പോയൊളിച്ചാലും സമയമാകുമ്പോ കുളിപ്പിചങ്ങു കിടത്തും. ഇതിൽ നിനക്ക് എന്തെങ്കിലും പങ്ക് ഉണ്ടെന്ന് അറിഞ്ഞാൽ അന്ന് ഇവളുടെ കണ്ണീര് കണ്ട് ഈ വാക്കിങ് സ്റ്റിക്ക് വരെ കൊണ്ട് നിർത്തിയ കണക്ക് ഞാനങ്ങു തീർക്കും.
പിന്നെ നിന്റെ കോത്താഴത്തെ സുഖിപ്പീര് നിന്റപ്പൻന്റപ്പൻ കുരിശുമൂട്ടിൽ അവറാച്ഛന്റടുത്ത് എടുത്താൽ മതി ഇങ്ങോട്ട് ഒണ്ടാക്കാൻ വരണ്ട കേട്ടോടാ മൈ….മോനെ. അത്രയും പറഞ്ഞു മിഖാ നേരെ കുഞ്ഞി കിടക്കുന്ന റൂമിനു അടുത്തേക്ക് നടന്നു.

മോനെ മിഖാ അത് കലക്കി അവന് അല്ലേലും കുറച്ച് കിട്ടേണ്ട കുറവുണ്ടായിരുന്നു. പക്ഷെ ഞാൻ ഒരെണ്ണം പൊട്ടിക്കുമെന്ന കരുതിയെ അവിടെ നീയെന്നെ നിരാശപ്പെടുത്തി. ദേഷ്യത്തിൽ നടന്നു പോകുന്ന മിഖായുടെ അടുത്തേക്ക് ഓടി വന്ന് അവൻ കേൾക്കാൻ പാകത്തിന് എയ്ഞ്ചൽ പറഞ്ഞു.

ഹാ പഷ്ട് നല്ല കെട്ടിയോൾ. കെട്ടിയോന്റെ അപ്പനേം അപ്പന്റെയപ്പനേം വിളിക്കുന്നവനെ പ്രോത്സാഹിപ്പിക്കുന്ന കെട്ടിയോൾ നീ ഒരൊറ്റ പീസേ കാണു. അവൾ പറയുന്നത് കേട്ട് അവിടെ നിന്ന് അവളെ കളിയാക്കിക്കൊണ്ട് മിഖാ പറഞ്ഞു.

ഈ എന്നെക്കൊണ്ട് ഇതൊക്കെ അല്ലേ പറ്റു മോനെ മിഖായേലെ. എയ്ഞ്ചൽ ഇളിച്ചുകൊണ്ട് പറഞ്ഞു.