…?ക്ഷെത്രീയൻ?️…{2} [?????⚡] 243

പറ്റാനൊള്ളതും നടക്കാനൊള്ളതും എല്ലാം നടന്നു കഴിഞ്ഞു…. ഇനി നടക്കാണ്ടിരിക്കാനൊള്ള കാര്യങ്ങൾ മാത്രം നോക്കിയാൽ മതി…”

ജോബി ഒരു നെടുവീർപ്പോടെ പറഞ്ഞു.

ഇതൊക്കെ കേട്ടിട്ടും പ്രഭാകരൻ മനസ്സിൽ ഒരു പുഞ്ചിരിയോടെ ജോബിക്ക് തലയാട്ടി.

അന്നൊരു ദിവസം, ജോബി ഉറങ്ങുന്നതിനിടയിൽ ഷെൽഫിൽ നിന്ന് ഫയലുകൾ തിരഞ്ഞു കൊണ്ടിരുന്ന പ്രഭാകരന്റെ കയ്യിൽ നിന്നും രണ്ട് മൂന്ന് ഫയലുകൾ ജോബിയുടെ തലയിൽ വീണു. ഉറക്കം നഷ്ട്ടപ്പെട്ട ജോബി പ്രഭാകരൻ മനഃപൂർവം ചെയ്തതാണെന്നു പറഞ്ഞ് കരണത്തടിച്ചു.

അതിന്റെ കണക്ക് തീർക്കാൻ പ്രഭാകരന് കെൽപ്പില്ലെങ്കിലും ഇങ്ങനെ ഒരു അവസരത്തിൽ അതേ കണക്ക് തീർത്ത പോലെ ഉള്ള ഒരു മനസുഖം പ്രഭാകരന്റെ മനസ്സിന് സന്തോഷം നൽകി.അതിനാലാവണം പ്രഭാകരന്റെ മനസ്സിൽ പുഞ്ചിരി വിരിഞ്ഞത്.

“എടോ താൻ നോക്കി കൊണ്ട് നിക്കാണ്ട് പോയി പേപ്പേഴ്സ് ഒക്കെ റെഡിയാക്ക്… ഇല്ലേൽ അവൻ നമ്മളെ ഇവടെന്ന് ചവിട്ടി പൊറത്താക്കും…”

ജോബി പ്രഭാകരനെ നോക്കി ഉച്ചത്തിൽ പറഞ്ഞു.

“എന്നെയല്ലെടോ തന്നെയാ പൊറത്താക്കാൻ പോണേ ”

എന്ന് മനസ്സിൽ വിചാരിച്ചുകൊണ്ട് പ്രഭാകരൻ ഓഫീസിൽ നിന്നും പുറത്തേക്ക് പോയി. ജോബി അപ്പോഴും ആലോചനയിലാണ്.പുള്ളിക്കാരന് നല്ല ടെൻഷൻ ഇണ്ട്. അമ്മാതിരി സംഭവം അല്ലെ നടന്നത്. പെട്ടന്ന് എന്തോ ഓർത്തെന്ന പോലെ ജോബി ഓഫീസിലെ ലാൻഡ് ഫോൺ എടുത്ത് ഡയൽ ചെയ്തു….

∞∞∞∞∞∞∞∞∞∞∞∞∞∞∞∞∞∞∞

AMERICAN TOWN:JEROME (സമയം:7:30)

(2003)

ഇരുൾവഴിയിലൂടെ കറുത്ത വസ്ത്രം ധരിച്ച ഭീമാകാരരായ നാലഞ്ചു ചെറുപ്പക്കാർ നടന്നു പോവുന്നു.അവരുടെ കണ്ണുകൾ രക്തവർണ്ണമായിരുന്നു. കൈകളിൽ ഇരുമ്പ് കൊണ്ട് നിർമ്മിച്ച മൂർച്ചയുള്ള ആയുധങ്ങൾ.അവരുടെ നടത്തം താളക്രമമായതായിരുന്നു.അവർ നടന്നു നടന്ന് അവസാനം JEROME CHAMBER OF COMMERCE എന്ന വലിയ പള്ളിക്ക് മുന്നിൽ വന്നു നിന്നു.