…?ക്ഷെത്രീയൻ?️…{2} [?????⚡] 243

ചിന്തയിൽ ആണ്ടിരുന്ന ശ്രെദ്ധയെ ഹർഷന്റെ നീട്ടിയുള്ള വിളിയാണ് സ്വബോധത്തിലേക്ക് തിരികെ കൊണ്ടുവവന്നത്.

 

മ്മ്…….

 

അവന്റെ വിളിക്കെന്നോണം അവൾ ചെറുതായി മൂളി.

 

“എടി ചേച്ചി… ഞാൻ വെറുതെ നിന്നെ ഒന്നിളക്കാൻ പറഞ്ഞതല്ലേടി…”

 

ശ്രെദ്ധ ഇപ്പോഴും തന്നോട് പിണക്കമാണെന്ന് കണ്ട് ഹർഷൻ ഒരു ഇടർച്ചയോടെ അവളോട്‌ പറഞ്ഞൊപ്പിച്ചു.

 

 

എന്നിട്ടും ഒന്നും മിണ്ടാതെ നിന്ന ശ്രെദ്ധയെ നോക്കി ഹർഷൻ ഒന്നൂടെ അരികിലേക്ക് വന്നു. അവൾ ഇപ്പോഴും മൗനമായി നിൽക്കുന്നത് കണ്ടതുമവൻ നെഞ്ചുകീറുന്ന വേദനയോടെ തിരികെ നടക്കാൻ ഒരുങ്ങി. എന്നാൽ….. അതേനിമിഷം ശ്രെദ്ധ അവന്റെ കൈകളിൽ സ്ഥാനം പിടിച്ചു.

എന്താണെന്നറിയാൻ തിരിഞ്ഞു നോക്കിയ ഹർഷൻ കാണുന്നത് തന്നെ നോക്കി വെകിട ചിരി ചിരിക്കുന്ന തന്റെ ചേച്ചിയെയാണ്.

 

“എടീ പട്ടി നീ….. അപ്പൊ അഭിനയിക്കുവായിരുന്നോ… ”

 

അവന്റെ ചോദ്യത്തിനവൾ വീണ്ടും കിറി മുഴുവൻ വിരിച്ചൊരു ചിരിയങ്ങ് പാസാക്കി.

 

“എടാ എനിക്കൊരു കാര്യം പറയാൻ ഇണ്ട്…!

 

അവളുടെ അഭിനയമാണ് അത് എന്ന് തിരിച്ചറിഞ്ഞ ഹർഷൻ എന്തോ പറയാൻ വന്നതും ശ്രെദ്ധ അതിനിടയിൽ കേറി പറഞ്ഞു.

 

“എന്താടി ചേച്ചി…”

 

എന്തോ ഗൗരവമുള്ള കാര്യമാണെന്ന് അവളുടെ മുഖത്ത് നിന്ന് മനസിലായപ്പോൾ അവൻ ചോദിച്ചു.