??ജോക്കർ 8️⃣[??? ? ?????] 3387

പിറ്റേന്ന്…..

10.00am

വടകര ട്രാഫിക് പോലീസ് യാർഡ്..

ആക്സിഡന്റ് ആയും നിയമലംഘനത്തിന് കസ്റ്റഡിയിൽ എടുത്തതുമായ വാഹനങ്ങൾ പിടിച്ചിട്ട യാർഡിൽ നിന്നും ഉയർന്ന ആവൃത്തിയിലുള്ള അലാറം ശബ്ദം ഉയർന്നു….

എന്താ സംഭവിക്കുന്നത് എന്നറിയാതെ ആദ്യം പോലീസുകാർ ഒന്ന് പകച്ചെങ്കിലും പെട്ടെന്ന് തന്നെ എല്ലാവരും യാർഡിലേക്ക് കുതിച്ചു….

യാർഡിന്റെ മൂലയിൽ നിർത്തിയിട്ടിരുന്ന, SP യുടെ കാർ അപകടത്തിലാക്കിയ ലോറിയുടെ മുന്നിൽ പോലീസുകാർ നിന്നു… ലോറി അരിച്ചു പെറുക്കിയതിൽ സീറ്റിനു അടിയിൽ നിന്നും സാമാന്യത്തിൽ അധികം വലുപ്പമുള്ള ഒരു ഡിജിറ്റൽ ക്ലോക്ക് കിട്ടി…. ഏതാനും സെക്കന്റുകൾ കൂടി ശബ്ദിച്ചതിനു ശേഷം അലാറം നിന്നു. എന്താ സംഭവം എന്ന് മനസ്സിലാവാതെ പോലീസുകാർ പരസ്പരം നോക്കി.. ഒരു ബീപ് ശബ്ദത്തോടെ ക്ലോക്കിൽ കൗണ്ട് ഡൌൺ ആരംഭിച്ചു….

’20, 19,18……’

എന്തു ചെയ്യണം എന്ന് അറിയാതെ പോലീസ്‌കാർ ഒരു നിമിഷം നിന്നെങ്കിലും ഉടനെ തന്നെ ആ ക്ലോക്ക് ദൂരേക്കു വലിച്ചെറിഞ്ഞു എല്ലാവരും യാർഡിന് വെളിയിലേക്ക് ഓടി….

കാതടപ്പിക്കുന്ന ശബ്ദത്തോടെ ലോറി ഒരു അഗ്നിഗോളമായി മുകളിലേക്ക് ഉയർന്നു ശേഷം താഴേക്ക് പതിച്ചു. സ്ഫോടനത്തിന്റെ ശക്തിയിൽ യാർഡിലുണ്ടായിരുന്ന പത്തോളം വാഹനങ്ങൾക്ക് സാരമായ കേടുപാടുകൾ സംഭവിച്ചു. ലോറിക്ക് തൊട്ടടുത്തുണ്ടായിരുന്ന സ്വിഫ്റ്റ് കാർ പൂർണമായും തകർന്നു….

അരമണിക്കൂറു കൊണ്ട് ബോംബ് സ്‌ക്വാഡ് സ്ഥലത്തെത്തി.

ബോംബ് സ്‌ക്വാഡിലെ സ്നിഫർ ഡോഗ് റോസി SP യുടെ തകർന്ന വാഹനത്തിന് നേരെ നോക്കി നിർത്താതെ കുരച്ചു. ഇന്നോവയുടെ ഡ്രൈവർ സീറ്റിൽ ഒരു കുഞ്ഞു ബോക്സ് ഉണ്ടായിരുന്നു…. ഡിറ്റക്ടർ ഉപയോഗിച്ച് പരിശോധിച്ച് അപകടം ഇല്ലെന്നു ഉറപ്പ് വരുത്തി ആ ബോക്സ് തുറന്നു … ബോക്സിൽ ഉള്ള വസ്തു കണ്ട് എല്ലാവരും ഞെട്ടി….

*********************************************