??ജോക്കർ 8️⃣[??? ? ?????] 3385

ഒരു നിമിഷത്തെ നിശബ്ദതയ്ക്ക് ശേഷം ജോക്കർ സച്ചിനെ കസേരയോടെ എടുത്ത് ചുമരിലേക്ക് എറിഞ്ഞു…..

 

“നീയൊക്കെ കൂടെ എന്റെ പെണ്ണിനെ…. ഇല്ലെടാ… നീയൊന്നും ഒരു നിമിഷം പോലും ജീവിച്ചിരിക്കാൻ അർഹനല്ല….. ” ജോക്കർ റൂമിന്റെ മൂലയിൽ ഇരുന്ന കോടാലി എടുത്ത് സച്ചിന്റെ കഴുത്തിന് നേരെ വെട്ടി….

കോടാലി കഴുത്തിന് കൊള്ളുന്നതിനു മുന്നേ മനു ജോക്കറിന്റെ കൈകളെ തടഞ്ഞു…..

 

“ഒറ്റ വെട്ടിനു തീരുന്ന മരണം ഇവൻ അർഹിക്കുന്നില്ല…. ഓരോ നിമിഷവും വേദന കൊണ്ട് പുളഞ്ഞു മരിക്കണം… ഇതുവരെ ചെയ്തു കൂട്ടിയതിനൊക്കെ നരകിച്ചു ചാകണം….”

മനുവിന്റെ കണ്ണുകളിലും പകയും കണ്ണീരും നിറഞ്ഞിരുന്നു….

************************************************

8.00pm

മാനന്തവാടി

 

പെട്രോൾ പമ്പിന് മുന്നിൽ നിർത്തിയിട്ടിരിക്കുന്ന കാറിനെ ലക്ഷ്യമാക്കി 40 വയസ്സ് പ്രായം തോന്നിക്കുന്ന ഒരാൾ നടന്നു…. കാറിനു അടുത്ത് എത്തി അയാൾ ഡോർ ഗ്ലാസിൽ തട്ടി…. ഗ്ലാസ് പതിയെ താഴ്ന്നു…

“കയറു…”

അയാൾ ഡോർ തുറന്ന് അകത്തേക്ക് കയറി…..

 

“ഇവിടെ ഇങ്ങനെ നിൽക്കണ്ട മാഡം… സേഫ് അല്ല ആരെങ്കിലും ശ്രദ്ധിക്കും…. നമ്മൾക് ഒരു ഡ്രൈവ് ആക്കാം…”

“ഓക്കേ….” ഗൗരി കാർ മുൻപോട്ട് എടുത്തു…..

 

ഏകദേശം ഒരു രണ്ടു കിലോമീറ്റർ പോയിക്കാനും റോഡ് സൈഡിൽ ഇടത്തു വശത്തുള്ള ഒരു പഴയ ബിൽഡിങ്ങിന് നേരെ അയാൾ കൈ ചൂണ്ടി….

 

“മാഡം ആ ബിൽഡിങ്ങിന് അടുത്ത് നിർത്ത്…. മാഡതിന്റെ ചോദ്യത്തിനുള്ള ഉത്തരം അവിടെ ഉണ്ട്…..”

 

ഗൗരി കാർ ഇടത്തു വശം ഓരം ചേർന്നു നിർത്തി….

കാർ നിർത്തിയതും അയാൾ ഡോർ തുറന്ന് പുറത്തേക്ക് ഇറങ്ങി മുന്നോട് നടന്നു. ഗൗരി ഡോർ തുറന്ന് പുറത്തേക്ക് ഇറങ്ങാൻ ശ്രമിക്കുമ്പോഴേക്കും ഒരു ചെറുപ്പക്കാരൻ ഇടത് വശത്തെ ഡോർ തുറന്ന് കാറിനകത്തേക്ക് കയറി….

 

“വണ്ടി എട്…….”

ഒരു നിമിഷം എന്തു ചെയ്യണം എന്നറിയാതെ ഗൗരി പകച്ചു… ഡോർ തുറന്ന് പുറത്തേക്ക് ഇറങ്ങാൻ ശ്രമിച്ചതും ആ ചെറുപ്പക്കാരൻ ഗൗരിയുടെ നേരെ തോക്ക് ചൂണ്ടി…

“ശബ്ദം ഉണ്ടാക്കാനോ ആളെ കൂട്ടാനോ ആണ് ഉദ്ദേശം എങ്കിൽ ഒരു എനിക്ക് ഉണ്ടയുടെ ചിലവേ ഉള്ളു…  അതല്ല സഹകരിക്കാനാണെങ്കിൽ രണ്ടു പേർക്കും ഗുണം ഉണ്ടാകും…..”

“നിങ്ങൾ… നിങ്ങളാരാ…..” ഗൗരിയുടെ ശബ്ദത്തിൽ ഭയം…

“കുറെ നാൾ തേടി നടന്നില്ലേ…. ജോക്കർ…..”

 

കുറച്ചു സമയമെടുത്തു ഗൗരിക്ക്‌ ഞെട്ടൽ മാറാൻ….

“വണ്ടി എടുക്ക്…..”

*********************************************