??ജോക്കർ 8️⃣[??? ? ?????] 3387

“ചാപ്റ്റർ 9 എന്ന് നിങ്ങൾ വിളിക്കുന്ന കൂട്ടായ്മ എന്തു, ആരൊക്കെ????”

“അത്……”

“എന്താടാ…. പറയാൻ വയ്യ എന്നുണ്ടോ???”

“പ്ലീസ്….. എനിക്ക്…” പറഞ്ഞു നാവ് അകത്തേക്ക് ഇടുന്നതിനു മുന്നേ ജോക്കർ സച്ചിന്റെ താടിക്ക് ഒരു അപ്പർ കട്ട് കൊടുത്തു…. സച്ചിന്റെ നാവ് മുറിഞ്ഞു ചോര വന്നു….

 

“ഇത് ചെറുത്… ഇനിയും ഉരുണ്ട് കളിച്ചാൽ നാവ് ഞാൻ മുറിച്ചെടുക്കും….”

“ഞാൻ… പറയാം….

കേരളത്തിൽ ഉടനീളം ഉള്ള ബിസിനസ് പൊളിറ്റിക്കൽ രംഗത്തുള്ള ആൾക്കാരുടെ ഒരു കൂട്ടായ്മ ആണ് ചാപ്റ്റർ 9. പൊതു സമൂഹം അറിയാതെ രാഷ്ട്രീയ ഉദ്യോഗസ്ഥ പിടിപാട് ഉപയോഗിച്ച് വലിയ രീതിയിലുള്ള അഴിമതിയും ക്രമക്കേടുകളും ഈ സംഘം ചെയ്തിട്ടുണ്ട്….”

 

“ആരൊക്കെയാണ് ഈ ഒൻപതു പേർ….??”

 

“ഇരുമ്പനം പ്ലാന്റേഷൻ ഓണർ വർഗീസ് കുരിക്കൻ, RC റെസിഡൻഷ്യൽ പ്രൊജക്റ്റ്ന്റെ ഓണർ റാവുത്തർ, ആപ്പിൾ ബിൽഡേർസിലെ മൻസൂർ അലി, സിപിസി പാർട്ടിയിലെ ബിനോയ് മാത്യു, മുൻ മന്ത്രി ആയിരുന്ന ഋഷഭ് കൃഷ്ണ, ഋഷഭിന്റെ പാർട്ടി സെക്രട്ടറി ആയിരുന്ന അൻവർ ഹുസൈൻ, കെ ആർ ഡിസ്റ്റിലറി ഓണർസ് ആയ രാജേന്ദ്രൻ അനിയൻ രവീന്ദ്രൻ പിന്നെ ഞാനും….”

 

“കൊള്ളക്കാരുടെ കൂട്ടം… കൊള്ളാം…..”

 

“ഒരു ചോദ്യം കൂടി…. ദേവയാനിക്ക്‌ എന്താ സംഭവിച്ചത്…..”

“അത്…

“പറയെടാ…” ജോക്കർ ഒരു അലർച്ചയോടെ സച്ചിന്റെ തുടയിൽ കത്തി കുത്തി ഇറക്കി….

“ആആആആആ….. പറയാം…..”

 

“ചാപ്റ്റർ 9 ന്റെ സമ്മർദ്ദം കൊണ്ടാണ് ചുരുങ്ങിയ കാലത്തെ പ്രവർത്തന പരിജയം മാത്രം ഉള്ള ഋഷിക്ക് മന്ത്രി സ്ഥാനം കിട്ടിയത്… അതിന്റെ ആഘോഷത്തിനായി ഞങ്ങൾ ഇരുമ്പനം പ്ലാന്റേഷൻറെ മാനന്തവാടിയിലുള്ള ഗസ്റ്റ് ഹൗസിൽ ഒരു പാർട്ടി അറേഞ്ച് ചെയ്തിരുന്നു….

അന്ന് വൈകിട്ട് ഒരു നാല് മണിയോടെ അച്ചായൻ എന്ന് ഞങ്ങൾ വിളിക്കുന്ന വർഗീസ് കുരിക്കൻ എന്നെ വിളിക്കുന്നത്…..

 

“SP സാറേ… ചുരം കേറാൻ ആയില്ലേ????”

“രാത്രി അല്ലെ പരിപാടി… അപ്പോഴേക്കും ഞാൻ അങ്ങ് എത്തും….”

“അത് പോരാ…. നേരത്തെ ഇങ്ങ് കേറി പോര്..  ഒരു സ്പെഷ്യൽ ഡിഷ് ഉണ്ട്…..”

“ആഹാ… അപ്പൊ ഇന്നു കാട്ടു കനിയുടെ രുചി അറിയാം അല്ലെ…”

“കാട് അല്ല… സാറേ… നാട്ടു കനിയാ … പക്ഷെ മെരുങ്ങിയിട്ടില്ല… മെരുങ്ങത്തും ഇല്ല….”

“അത് കൊഴപ്പം ഇല്ല അച്ചായാ… വഴി ഉണ്ട്… ഞാൻ അര മണിക്കൂർ കൊണ്ട് ഇറങ്ങും… നമ്മക് റെഡി ആക്കാം….”

“എങ്കിൽ കേറി വാ… മന്ത്രിക്ക് കൊടുക്കുന്ന ആദ്യത്തെ സദ്യ മോശം ആകരുതലോ….”

“ഓക്കേ…  അല്ല അച്ചായാ… എവിടുന്നു കിട്ടി…..”

“നെവിൻ വന്നിട്ടുണ്ട്… അവൻ പൊക്കിയതാ….”

“അപ്പൊ ഷെയറിനു ആളുടെ എണ്ണം കൂടുമല്ലോ….”

“ഹഹഹഹഹ…….”