??ജോക്കർ 8️⃣[??? ? ?????] 3387

“എന്തോന്നടി… പകുതിക്ക് ഇട്ട് പോകാൻ ആണോ ഇത്രയും നാള് ഒറക്കം കളഞ്ഞു നീ അതിന്റെ പിന്നാലെ കൂടിയത്….”

 

“ഒറക്കം കളഞ്ഞത് കൊണ്ട് മാത്രം കാര്യം ഇല്ലാലോ ധീന…. റിസൾട്ട് കൂടി വേണ്ടേ…. ഈ വെള്ളിയാഴ്ച ഡെഡ് ലൈൻ തന്നിരിക്കുവാണ് മുബഷീന മാഡം….”

“ആ തള്ള അങ്ങനെ പലതും പറയും…. നീ അതൊന്നും കേൾക്കണ്ട…. നിനക്ക് പറ്റും…”

“മ്മ്….”

 

പിന്നെയും അവർ ഓരോന്ന് സംസാരിച്ച് ഇരുന്നു…. അതിനിടയിൽ ഗൗരിയുടെ ഫോൺ റിങ് ചെയ്തു….

 

“ഹലോ……”

“∞∞∞∞∞∞∞∞∞∞∞∞∞∞”

“ആണോ….. ഞാൻ വരാം……”

“∞∞∞∞∞∞∞∞∞∞∞∞∞∞”

“ഓക്കേ……..”

ഫോൺ കട്ട് ആകുമ്പോ ഗൗരിയുടെ മുഖത് സന്തോഷം നിറഞ്ഞിരുന്നു….

 

“എന്താടി… ആരാ വിളിച്ചേ…..”

“എന്റെ ഒരു ഇൻഫോർമർ ആണ്… മാനന്തവാടിയിൽ ഉള്ള ഒരു ബ്രോക്കർ, സണ്ണി. മുൻപ് ആദിവാസി ഭൂമിയുമായി ബന്ധപ്പെട്ട ഒരു സ്കാം വന്നപ്പോൾ സ്റ്റോറി ചെയ്യാൻ എന്നെ കുറെ ഹെല്പ് ചെയ്തിട്ടുണ്ട്….”

“എന്തിനാ വിളിച്ചേ എന്ന്….”

“അഡ്വക്കേറ്റ് അരുന്ധത്തിയുടെ മിസ്സിംഗ് സമയത് അവർ വയനാട്ടിൽ ചെന്നത് ഏതോ ഒരു എസ്റ്റേറ്റ് വാങ്ങാൻ ആണെന്ന് റിപ്പോർട്ട് ഉണ്ടായിരുന്നു… അതിന്റെ കാര്യങ്ങൾ അറിയാൻ പുള്ളിയെ ഞാൻ വിളിച്ചിരുന്നു… ഇപ്പോ എന്തോ ഇൻഫർമേഷൻ ഉണ്ടെന്നു പറഞ്ഞ് വിളിച്ചതാ….”

“ഞാൻ പറഞ്ഞില്ലേ…. ഒക്കെ നടക്കും എന്ന്…”

“മ്മ്… ഞാൻ ഇറങ്ങട്ടെ എന്നാൽ, വൈകുന്നേരത്തിനു മുന്നേ മാനന്തവാടി പിടിക്കണം….”

“ഞാനും കൂടെ വരണോ…..  മൂന്ന് നാല് മണിക്കൂർ യാത്ര ഇല്ലേ…”

 

“വേണ്ടെടി…. ഒറ്റക്ക് ചെല്ലാം എന്ന പറഞ്ഞെ…..”

***********************************************

Unknown location

 

“സച്ചിൻ സർ ഓക്കേ അല്ലെ മനു, ക്യാമെറയിൽ…??”

“പെർഫെക്റ്റ്….”

“അപ്പൊ തുടങ്ങാം അല്ലെ SP???”

സച്ചിൻ തലയാട്ടി….

“ആംഗ്യം വേണ്ട… കൃത്യമായി കേൾക്കുന്ന പോലെ വേണം പറയാൻ….”

“ശെരി….”

“ഗുഡ് ബോയ്…”