🔺🔻ജോക്കർ 3️⃣ [𝓢𝓪𝓲 𝓥 𝓐𝓼𝓱𝓪𝓷] 3241

കുറച്ചു ദിവസങ്ങൾക്ക് ശേഷം….
കോഴിക്കോട് റൂറൽ SP ഓഫീസ്

ഓഫീസിന്റെ ഒന്നാം നിലയിലെ വരാന്തയിലൂടെ ശാന്തവും ഒപ്പം സ്ഥൈര്യവും നിറഞ്ഞ മുഖ ഭാവത്തോടും, ഉറച്ചതും എന്നാൽ വേഗമാർന്ന കാലടികളോടും കൂടി അവൾ നടന്നു നീങ്ങി…. വഴി നീളെ സല്യൂട്ട് സ്വീകരിച്ചും മടക്കിയും അവൾ SP യുടെ റൂമിനു മുന്നിൽ എത്തി…. ഒരു നിമിഷം ഇട്ടിരിക്കുന്ന യൂണിഫോം നീറ്റ് ആണെന്ന് ഉറപ്പു വരുത്തി അവൾ കതകിൽ മുട്ടി….

“മേ ഐ കം ഇൻ സാർ”

“യെസ് കം ഇൻ”

ഡോർ തുറന്നു അകത്തു കയറിയപ്പോൾ SP കാര്യമായി ഫയൽ നോക്കുകയായിരുന്നു….അടുത്ത് വരുന്ന ബൂട്ട് സൗണ്ട് നിന്നതും SP തല ഉയർത്തി നോക്കി….

മുൻപിൽ നിൽക്കുന്ന ആളെ കാണേ SP യുടെ കണ്ണു മിഴിഞ്ഞു…

“ഹോ …”

പൊക്കത്തിനു അനുസൃതമായ തടി… ഇരുനിറം ആണെങ്കിലും മുഖശ്രീ തുളുമ്പുന്ന മുഖം…. കാപ്പി കണ്ണുകൾ കൊതി വലിക്കുന്നപോലെ…. തല ഉയർത്തി പിടിച്ചുള്ള നിൽപ്പും ആത്മവിശ്വാസം നിറയുന്ന ഭാവം…

നന്നായി ട്രെയിൻ ചെയ്ത,ഫിറ്റ് ബോഡിയും അതിനു യോജിക്കുന്ന ഡ്രെസ്സിങ്ങും…..

സച്ചിനു മുൻപില്ലാത്ത വിധം പരവേശം..….. അത് കൊണ്ട് തന്നെ ആവണം വന്നു കയറിയ ആൾ സല്യൂട്ട് ചെയ്തതും, ഗുഡ് മോർണിംഗ് പറഞ്ഞത് പോലും സച്ചിന്റെ ശ്രദ്ധയിൽ പതിയാതെ പോയത്….

പ്രതികരണം ഒന്നും ലഭിക്കാത്തത് കൊണ്ട് അവർ വീണ്ടു വിഷ് ചെയ്തു….

“സർ…. ഗുഡ് മോർണിംഗ്…,”

“ങ്ങാ…. Ooops…. സോറി… ഗുഡ് മോർണിംഗ്….”