🔺🔻ജോക്കർ 3️⃣ [𝓢𝓪𝓲 𝓥 𝓐𝓼𝓱𝓪𝓷] 3241

“മിനിസ്റ്റർ ബലാത്കാരം ചെയ്ത ഏതോ ഒരു പെൺകുട്ടിയുടെ വേണ്ടപ്പെട്ട ആരോ ആണ്…. പിന്നെ ആ സ്ത്രീ… മറ്റൊരു ഇരയുടെ അമ്മയാകാം… ചിലപ്പോൾ രണ്ടു പേരും ഒരു ആളുടെ വേണ്ടപ്പെട്ടവരും ആകാം….അത് കൊണ്ട് ആ ഒരു ആങ്കിളിൽ കൂടി അന്വേഷിക്കണം…. മുൻപേ വന്ന പീഡന ആരോപണങ്ങളിൽ ഉള്ളവരെ കേന്ദ്രീകരിച്ച് അന്വേഷണം വേണം…. അത് ശങ്കർ തന്നെ കോർഡിനേറ്റ് ചെയ്യു….”

“ഓക്കേ സർ….”

“സർ ഒരു കാര്യം…..” ക്രൈം ബ്രാഞ്ച് CI സുഹൈൽ മറ്റൊരു സാധ്യത മുന്നോട് വെച്ചു…

“ഈ കേസിൽ തുടക്കം മുതൽ ഒരുപാട് ദുരൂഹതകൾ ഉണ്ട്…. ഗൺമാനെയും, പി എ നെയും, ഒഫീഷ്യൽ കാർ പോലും ഒഴിവാക്കിയാണ് മിനിസ്റ്റർ അന്ന് രാത്രി മറ്റൊരു വാഹനത്തിൽ കയറി പോയത്…

അന്നത്തെ ലൈവ് വീഡിയോയിലും പിന്നീട് പുറത്തു വന്ന മറ്റു രേഖകളിലും ഒക്കെ മിനിസ്റ്ററുടെ മാഫിയ കണക്ഷൻസ് വ്യക്തമാണ്…. അവർ തമ്മിലുള്ള ഒരു ക്ലാഷ് ആണ് ഇതിനു പിന്നിൽ എങ്കിൽ…. ഈ ജോക്കറും ആ സ്ത്രീയും ഒക്കെ ഒരു മറ ആണെങ്കിൽ…???”

“ദുരൂഹത ഉണ്ടെന്നു സമ്മതിക്കാം.. പക്ഷെ ഇതിനു പുറകിൽ ഒരു മാഫിയ കണക്ഷൻ ഉണ്ടെന്നു എനിക്ക് തോന്നുന്നില്ല….” സച്ചിന്റെ അഭിപ്രായം തന്നെ ആയിരുന്നു ബാക്കി ഉള്ളവർക്കും…

തുടർന്നു മറ്റു സാധ്യതകളും ചർച്ച ആയെങ്കിലും അന്വേഷണം സ്റ്റാർട്ടിങ് പോയിന്റിൽ തന്നെ കുടുങ്ങി കിടന്നു….

“ഫോറെൻസിക് റിപ്പോർട്ട് എന്തായി…” സച്ചിൻ ASP കാർത്തിക്കിന് നേരെ തിരിഞ്ഞു…

“വൈകിട്ടോടെ ലഭിക്കുമെന്നാണ് പ്രതീക്ഷിക്കുന്നത്….”

“ഓക്കേ… ഫോളോ അപ്പ് ചെയ്യണം…”

“യെസ് സർ….”

“ഇന്ന് മുതൽ ഡേ ആൻഡ് നൈറ്റ് വെഹിക്കിൾ പട്രോളിങ് ശക്തമാക്കണം…. സംശയാസ്‌പദമായി എന്ത് കണ്ടാലും ആരെ കണ്ടാലും കസ്റ്റഡിയിൽ എടുക്കാൻ പറയണം…. ഇനി ഒരു ഇൻസിഡന്റ് ഉണ്ടാവുന്നതിനു മുന്നേ അവനെ നമ്മൾ പിടികൂടി ഇരിക്കണം….”
****************************************