??ജോക്കർ ? [??? ? ?????] 3376

ചായ കുടിച്ചു കഴിയുമ്പോഴേക്കും രാമേട്ടൻ ഒരു കെട്ട് ഫയലുമായി അങ്ങോട്ടേക്ക് വന്നു….

“ഞാൻ അന്വേഷിച്ച കേസുകളിൽ സെൻസിറ്റീവ് ആയ ഇന്ററെസ്റ്റിംഗ് ആയിട്ടുള്ള കേസുകളുടെ എഫ് ഐ ആർ പിന്നെ മറ്റു ഡീറ്റെയിൽസ് കോപ്പി എടുത്ത് സൂക്ഷിക്കുന്ന സ്വഭാവം എനിക്കുണ്ട്… ഇന്നലെ നിങ്ങൾ കാണാൻ വരും എന്ന് പറഞ്ഞപ്പോൾ തപ്പി എടുത്ത് വെച്ചതാ…. സത്യം പറഞ്ഞാൽ റിട്ടയർ ആവുമ്പോൾ എനിക്ക് ഉണ്ടായിരുന്ന ഏക സങ്കടം ഈ കേസിൽ ഒന്നും ചെയ്യാൻ കഴിഞ്ഞില്ലാലോ എന്നതായിരുന്നു….”

രാമേട്ടൻ ഫയലിൽ നിന്നും ദേവയാനി കേസിന്റെ ഡീറ്റെയിൽസ് എടുത്ത് മിഥുനു നേരെ നീട്ടി…..

“സർ ഇത് കേസ് അന്വേഷണത്തിന്റെ ആദ്യ മണിക്കൂറിൽ ഞങ്ങൾ ശേഖരിച്ച തെളിവുകളും മൊഴികളുമാണ്…. പക്ഷെ ഇതല്ല കോടതിയിൽ എത്തിയത്….”

മിഥുൻ ആ റിപ്പോർട്ട് വാങ്ങി പരിശോധിച്ചു….

“വൗ… റിപ്പോർട്ട് ചെയ്ത് മണിക്കൂറുകൾക്കകം തന്നെ നിങ്ങൾക്ക് പ്രതിയെ ഐഡന്റിഫയ ചെയ്യാൻ പറ്റി അല്ലെ….”

“എന്നിട്ട് എന്ത് കാര്യം സർ…. ഒടുക്കം ഒരു വാടക പ്രതിയിൽ എത്തിയില്ലേ….”

“മ്മ്…..”

മിഥുനും രാമേട്ടനും കേസിന്റെ കാര്യങ്ങൾ സംസാരിക്കുന്നതിനിടയിൽ പുറത്തു ഒരു വണ്ടി വന്നു നിന്നു…..

“പ്രവീൺ വന്നെന്നു തോന്നുന്നു….” രാമേട്ടൻ മിഥുൻ നോട് പറഞ്ഞ് പുറത്തേക്ക് ഇറങ്ങാൻ തുടങ്ങി….

“പ്രവീൺ മാത്രല്ല… വേറൊരാള് കൂടെ ഉണ്ട്…. മാഡം അകത്തേക്ക് വരൂ….” വാതിൽക്കൽ നിന്നുകൊണ്ട് പ്രവീൺ പറഞ്ഞു…

പ്രവീണിനൊപ്പം അകത്തേക്ക് വന്ന ആളെ കണ്ട് വിനു സർപ്രൈസ്ഡ് ആയി…

“മറിയം മാം……”

“ഹായ് വിനു…..” മറിയം വിനുവിനെ നേരെ കൈ വീശി…

“ഗുഡ് മോർണിംഗ് സർ…” മറിയം മിഥുൻ നേരെ തിരിഞ്ഞു…

“ഗുഡ് മോർണിംഗ്… എനിക്ക്….”

“സർ ഇത് മാർത്ത മറിയം, വടകര സൈബർ സെൽ CI ആണ്… സച്ചിന്റെ ടീം മെമ്പർ ആയിരുന്നു…”

“ഓക്കേ… ഇപ്പോൾ മനസ്സിലായി… അപ്പൊ ഇതാണല്ലേ വിനുവിന്റെ വല്യേട്ടൻ പറഞ്ഞ സർപ്രൈസ്….”

“വിനു അന്ന് മെറ്റീരിയൽസ് കളക്ട് ചെയ്യാൻ വന്നപ്പോൾ ഞങ്ങൾ തമ്മിൽ പരിചയപ്പെട്ടിരുന്നു…. പ്രസാദ് സർ ന്റെ ബ്രദർ ഇൻ ലോ ആണെന്ന് അന്നാണ് അറിഞ്ഞത്.. ഞാൻ പ്രസാദ് സാറിന്റെ കീഴിൽ വർക്ക് ചെയ്തിട്ടുണ്ട്…
ഇന്നലെയാണ് സർ എന്നെ വിളിച്ചു ഈ മീറ്റിംഗിന്റെ കാര്യം പറഞ്ഞത്… സോ…..”

“മറിയം ഇരിക്കു……”

“താങ്ക് യു സർ…”