?കരിനാഗം 5?[ചാണക്യൻ] 272

“ശരി ഞാൻ വരാം ”

മഹി സമ്മതം മൂളിയതും ആലിയ അവനെ ഓടി വന്നു പുണർന്നു.

അതു കണ്ടതും റോസ്മേരിയുടെ അധരങ്ങളിൽ പുഞ്ചിരി വിടർന്നു.

മഹി കൈകകൊണ്ട് ആംഗ്യം കാണിച്ചതും അവൾ ജീപ്പിന് പുറകിൽ വലിഞ്ഞുകേറി.

അപ്പോഴേക്കും ആലിയ ഫ്രണ്ട് സീറ്റിൽ സ്ഥാനം പിടിച്ചിരുന്നു.

അവരെയും കൊണ്ട് മഹി ഗ്രാമത്തിന്റെ കവലയിലേക്ക് വിട്ടു.

അവിടുള്ള രംഗോലി ഉത്സവത്തിന്റെ കാഴ്ചകൾ കാണിക്കാനായിരുന്നു അവന്റെ ഉദ്ദേശം.

അല്പ നേരത്തെ യാത്രയ്ക്ക് ശേഷം അവർ കവലയിലെത്തിച്ചേർന്നു.

അവിടെയുള്ള ഓരോ കാഴ്ചകളും മഹി അവൾക്ക് നേരിട്ട് പറഞ്ഞു കൊടുത്തു കൊണ്ടിരുന്നു.

റോസ്മേരി കയ്യിലുള്ള ക്യാമറയിൽ അവിടുത്തെ വിഷ്വൽസ് എല്ലാം ഭംഗിയായി ഒപ്പിയെടുത്തു.

അപ്പോഴാണ് അവൾ വ്ലോഗർ ആണെന്നുള്ള കാര്യം അവന് ഓർമ വന്നത്.

അവിടുന്ന് നേരെ ഒട്ടകങ്ങളുടെ പ്രദർശനം നടത്തുന്ന ഗ്രൗണ്ടിലേക്കാണ് മഹി ജീപ്പ് ഓടിച്ചത്.

അവിടെ ഒരു ടെന്റിന് സമീപത്തായി മൂന്നു നാലു ഒട്ടകങ്ങൾ ആർക്കുവേണ്ടിയോ കാത്തിരിപ്പുണ്ട്.

അവയുടെ സ്ഥായി ഭാവം വിഷാദം ആണോ എന്നവന് തോന്നിപോയി.

ഒട്ടകങ്ങളെ കണ്ടതും റോസ്മേരി കൂടുതൽ ഉഷാറായി ഓടിനടന്നു.

അവൾ അവിടാകമാനം ക്യാമറയിൽ പകർത്തിക്കൊണ്ടിരുന്നു.

എല്ലാ മുക്കും മൂലയും അവളുടെ ഫോക്കസിന് ഇരയായി.

അതിനു അടുത്തു തന്നെ ഒരു ഡാൻസ് ബാർ ഉണ്ട്.