?കരിനാഗം 5?[ചാണക്യൻ] 272

“അതിപ്പോ പറയില്ല………………..കാണുമ്പോ തന്നെ അറിഞ്ഞാൽ മതി സർപ്രൈസ് എന്താണെന്ന്?”

അവൾ പതിയെ കുലുങ്ങിചിരിച്ചു

ആളൊരു വായാടിയാണെന്ന് മഹാദേവിന് തോന്നിയിരുന്നു.

പക്ഷെ അവളുമൊത്തുള്ള നിമിഷങ്ങൾ നന്നായി എൻജോയ് ചെയ്തുകൊണ്ടിരുന്നു.

രംഗോലി ഉത്സവത്തിന്റെ രണ്ടാം ദിനത്തിന്റെ പരിസമാപ്‌തി ആയതിനാൽ റോഡിലൊക്കെ വാഹന തിരക്കും ആൾസഞ്ചാരവുമുണ്ട്.

ഇവരെയെല്ലാം മറികടന്നു ആലിയയുടെ വീട്ടിലേക്ക് അവൻ വേഗം തന്നെ ജീപ്പ് ഓടിച്ചുകൊണ്ടിരുന്നു.

നാളെ അവസാന ദിനമായതിനാൽ പിടിപ്പത് പണിയായിരിക്കും.

വെറുതെ ഇരിക്കുവാൻ പോലും സമയം കിട്ടിയെന്നു വരില്ല.

അതിനാൽ ഉറക്കം തൂങ്ങുന്ന കണ്ണുകളോടെ അവൻ വണ്ടിയോടിച്ചു.

ആലിയയുടെ വീട്ടില് എത്തിയതും റോസ്മേരി ജീപ്പിലിരുന്ന് ചെറുതായി മയക്കം പിടിച്ചിരുന്നു.

ഒരു കുഞ്ഞിനെ പോലെ ഇരുന്നുറങ്ങുന്ന അവളെ കണ്ട് മഹിയ്ക്ക് വല്ലാത്തൊരു വാത്സല്യം തോന്നി.

അവളെ ഉണർത്താതെ തന്നെ കൈകളിൽ കോരിയെടുത്തുകൊണ്ട് അവൻ വീടിനുള്ളിലേക്ക് നടന്നു.

മഹിയുടെ ആ വരവ് കണ്ട് ആലിയയ്ക്ക് നല്ല അസൂയ തോന്നി.

അവളുടെ കണ്ണുകൾ പിണക്കം നടിച്ചു കൊണ്ട് ആ കാഴ്ചയെ അവഗണിച്ചു.

റോസ്മേരിയെ ഭദ്രമായി റൂമിൽ കൊണ്ടുചെന്നാക്കിയ ശേഷം മഹി തിരികെ നടക്കാൻ തുടങ്ങിയതും കണ്ടത് താടിക്ക് കയ്യും കൊടുത്ത് അന്ധാളിപ്പോടെ തന്നെ നോക്കി നിൽക്കുന്ന രാധമ്മയെ ആയിരുന്നു.