?കരിനാഗം 5?[ചാണക്യൻ] 272

അവിടെ ചെന്നപ്പോൾ റോസ്മേരി അവനെയും കാത്തിരിപ്പുണ്ടായിരുന്നു.

അമിത്തിന്റെ ജീപ്പുമെടുത്തു അവർ വീണ്ടും യാത്രയായി.

രംഗസ്ഥൽ ഗ്രാമത്തിന്റെ ഓരോ മുക്കും മൂലയും മഹി അവൾക്ക് കാണിച്ചു കൊടുത്തു.

അവരുടെ ജീവിത നിലവാരവും ജീവനോപാധികളും സംസ്‌കാരവുമെല്ലാം വിവരിച്ചു നൽകി.

മഹിയിൽ നല്ലൊരു ചരിത്രകാരൻ ഉണ്ടെന്ന് ഒരു നിമിഷം അവൾക്ക് തോന്നിപ്പോയി.

മഹിയിൽ നിന്നും ലഭിക്കുന്ന വിവരങ്ങൾ ചൂടോടെ അവൾ ഓരോ നിമിഷവും ക്യാമറയിലേക്ക് പകർത്തിക്കൊണ്ടിരുന്നു.

ആ ഗ്രാമത്തിന്റെ വിശുദ്ധി തൊട്ടറിയുകയായിരുന്നു അവൾ.

അവിടുന്ന് റോസ്മേരിയെയും കൊണ്ട് മഹി പോയത് പാരാ സൈലിംഗ് നടത്തുന്ന ഗ്രൗണ്ടിലേക്കായിരുന്നു.

അൽപ നേരം അതു വീക്ഷിച്ച ശേഷം അവർ മടങ്ങി.

പിന്നീട് അവർ പോയത് രാജസ്ഥാനി തനത് വിഭവങ്ങളുടെ പ്രദർശനശാലയിലേക്കായിരുന്നു.

വിവിധ തരത്തിലുള്ള രുചികൂട്ടുകൾ അവളുടെ നാവിലെ രസമുകുളങ്ങൾ തൊട്ടറിഞ്ഞു.

മനസ് നിറയ്ക്കുന്ന ഇത്രയധികം വിഭവങ്ങൾ രുചിച്ചു നോക്കാനായതിന്റെ സംതൃപ്തിയിൽ ആയിരുന്നു അവൾ.

മഹിയുടെ സാന്നിധ്യം അവൾക്ക് വല്ലാത്തൊരു മുതൽക്കൂട്ടായിരുന്നു.

ആ നാടിന്റെ ചരിത്രം,ഭൂമിശാസ്ത്രം, കാലാവസ്ഥ,ഭൂതകാലം,ജീവിത ശൈലി അങ്ങനെ A to Z കാര്യങ്ങൾ അവനറിയാമെന്നു റോസ്മേരിക്ക് മനസിലായി.

അസ്സലൊരു ഗൈഡ് ആകാനുള്ള കഴിവ് മഹിയിൽ നിക്ഷിപ്തമാണെന്ന് അവൾ തിരിച്ചറിഞ്ഞു.

കാഴ്ചകളൊക്കെ കണ്ടും ആസ്വദിച്ചും സമയം പോയത് അവർ അറിഞ്ഞിരുന്നില്ല.

ത്രിസന്ധ്യ കഴിഞ്ഞതും റോസ്മേരിയെയും കൂട്ടി കലാ പ്രദർശന ശാലയിലേക്ക് മഹി പോയി.