?കരിനാഗം 21? [ചാണക്യൻ] 271

താങ്ക്‌സ് യക്ഷമി…… താൻ ഇല്ലയൊരുന്നേൽ അവളെ എനിക്ക് കണ്ടെത്താൻ കഴിയില്ലായിരുന്നു……. ഈ നന്ദി ഞാൻ ഒരിക്കലും മറക്കില്ല…… ഒരിക്കലും

നന്ദി പ്രകടനത്തോടെ മഹി ക്ലാസിലേക്ക് ഓടി.

യക്ഷമി അപ്പോഴും കടുത്ത നിരാശയിലായിരുന്നു.

ഇനി മഹിയുടെ ഭാവിയെന്ത്?

കരിനാഗ രാജകുമാരന്റെ, കരിനാഗ രാജ്യത്തിന്റെ,കരിനാഗജരുടെ ഭാവിയെന്ത്?

ചക്രവർത്തിയുടെയും ചക്രവർത്തിനിയുടെയും ഭാവിയെന്ത്?

എല്ലാം തുലാസിലായ പ്രതീതിയായിരുന്നു യക്ഷമിക്ക്.

ക്ലാസിലെത്തിയതും രുദ്രരൂപ ആകെ കലിപ്പിൽ ആയിരുന്നു.

ഗ്രൗണ്ടിലൂടെ നടന്നു വരവേ ഒടുക്കത്തെ കാറ്റടിച്ചു മുടി മൊത്തം പറന്നുയർന്നത് ചില്ലറയൊന്നുമല്ല രുദ്രരൂപയുടെ കലിയിളക്കി വിട്ടത്.

ഈ നശിച്ച മുടി മൊത്തം മുറിച്ചു കളഞ്ഞാലോ എന്ന് വരെ രുദ്രയ്ക്ക് തോന്നി.

ഈ മനുഷ്യ ശരീരം കൊണ്ട് ചില്ലറയൊന്നുമല്ല രുദ്ര പാട് പെടുന്നത്.

ഈ മുടി കുളി കഴിഞ്ഞ ശേഷം ഉണക്കാനും കെട്ടി വയ്ക്കാനും ഒക്കെ തീവ്ര പ്രയത്നമാണ് രുദ്ര നടത്തുന്നത്.

അതിലൂടെ തന്നെ കോളജിൽ എത്താൻ അവളിപ്പോ വൈകുന്നു.

എന്നും രാവിലെയുള്ള കുളി, കണ്ണെഴുത്ത്, മുടി ചീകൽ, ജട കളയൽ ദിവസേന ഡ്രെസ് മാറൽ ബാഗിൽ പുസ്തകവും ചുമന്നുകൊണ്ടുള്ള പോക്ക്, പഠിത്തം, പരീക്ഷ ഇതൊക്കെ രുദ്രരൂപയെ വട്ടു പിടിപ്പിച്ചു.

ഇതൊക്കെ അവൾ സഹിച്ചിരുന്നത് മഹിയെ സ്വന്തമാക്കാനും കരിനാഗ രാജകുമാരനെ വധിക്കാനുമായിരുന്നു.

ക്ലാസിലെത്തിയ രുദ്ര പ്രൊഫസർമാരുടെ ബോറൻ സെക്ഷനുകൾ കേട്ട് മടുത്തു.

അവസാനം അവൾ സഹികെട്ടു അവൾ ക്ലാസിൽ നിന്നും വെളിയിൽ ചാടി.

എന്നിട്ട് ലൈബ്രറിയിലെ ശാന്തമായ അന്തരീക്ഷത്തിൽ പോയി.

അവിടെ ഇന്നത്തെ ദിവസം ചിലവഴിക്കാനായിരുന്നു രുദ്രയുടെ ശ്രമം.

.
.
.
.
.
.
.
വ്യാളിസർപ്പ ലോകം
.
.
.
പടു വൃദ്ധനായ ആ ദുർ മന്ത്രവാദിയുടെ ആജ്ഞ കിട്ടിയതും അവിടുത്തെ ഭൃത്യന്മാർ കയ്യിൽ വലിയൊരു ശൂലവുമായി കടന്നു വന്നു.

വലിയൊരൂ മരത്തിന്റെ പോളയാണ് കാല ഭൈരവനുള്ള എണ്ണ തോണിയായി നിർമിച്ചത്.

ആ തോണിയിലെ ഔഷധ കൂട്ടുകൾ ചേർന്ന ജലത്തിൽ കാലഭൈരവന്റെ ശരീരം മുക്കി വച്ചിരിക്കുന്നു.

അതിൽ എന്തൊക്കെയോ കാട്ട് പൂക്കളുടെ ശേഖരം കാണാം.

കാറ്റ് പോലും നിഷിദ്ധമായ അറയിലാണ് എണ്ണ തോണി തയാറാക്കിയത്.

പടു വൃദ്ധന്റെ ആജ്ഞ സ്വീകരിച്ച 4 ഭൃത്യന്മാരും കയ്യിൽ മൂർച്ചയേറിയ ശൂലവുമായി കടന്നു വന്നു.

എണ്ണ തോണിക്ക് സമീപം എത്തിയ അവർ ആ മരപ്പോളയിലേക്ക് ഊക്കൊടെ ആഞ്ഞു കുത്തി.

ഭൃത്യന്മാരുടെ കുത്തേറ്റതും അതിൽ സംഭരിച്ചു വച്ചിരുന്ന ഔഷദ ജലം തറയിലേക്ക് ഒഴുകി പരന്നു.