?കരിനാഗം 19? [ചാണക്യൻ] 378

രിട്ട് എത്തി ചേർന്നതിന്റെ അമ്പരപ്പിൽ ആയിരുന്നു കങ്കാണിയും മാന്ത്രികയും.

ഭയമെന്ന വികാരത്താൽ ആദ്യമായി അദ്ദേഹത്തിന്റെ നീലമിഴികൾ പിടയ്ക്കുന്നത് അവർ ഞെട്ടലോടെ കാണുകയായിരുന്നു.

ചക്രവർത്തി തിരുമനസേ……. എന്തുപറ്റി പറഞ്ഞാലും?

ബർഗറീകന്റെ ഉത്കണ്ഠ എന്തെന്ന് അറിയാനുള്ള വ്യഗ്രതയിൽ അവർ ചോദിച്ചു.

കങ്കാണി……. മാന്ത്രിക…….. നിങ്ങൾ ഇരുവരുടെയും സഹായം അഭ്യർത്ഥിക്കാനാണ് ഞാനിവിടെ എത്തിച്ചേർന്നത്

ബർഗരീകന്റെ ശബ്ദത്തിൽ പതർച്ച ഉണ്ടായിരുന്നു.

ചക്രവർത്തി കല്പിച്ചാലും……. അടിയങ്ങൾ അങ്ങയുടെ ആജ്ഞയ്ക്ക് കീഴ്പ്പെട്ടവരാണ്….. പറഞ്ഞാലും

കങ്കാണി പറഞ്ഞതും ബർഗരീകൻ അവിടെ പതിയെ ഇരുന്നു.

കങ്കാണി……… നാം ഒരുവളിൽ രമിച്ചു അവളിലെ ഗർഭത്തിന് കാരണഭൂതനായിരിക്കുന്നു…….നാം ഒരു പിതാവ് ആയിരിക്കുന്നു.

ബർഗരീകന്റെ നേർത്ത കണ്ണുകളിൽ വിഷാദം പടർന്നു.

ചക്രവർത്തി തിരുമനസേ……. ഈ സന്തോഷ വിവരം അറിഞ്ഞു ഞങ്ങളും അത്യധികം സന്തുഷ്ടരാണ്……. കരിനാഗജരുടെ പുതിയ രാജകുമാരനെ വരവേൽക്കാൻ ഞങ്ങളും കുടുംബത്തോടെ തയാറായി കഴിഞ്ഞു.

കങ്കാണിയുടെ ശബ്ദത്തിൽ ആവേശം നിഴലിച്ചു.

കങ്കാണി അരുത്……. അവിവേകം കാട്ടരുത്……. ചില ദുഷ്ട ശക്തികൾ നമ്മുക്ക് ഒരു സന്തതി പിറക്കാൻ പോകുന്നുവെന്ന കാര്യം അറിഞ്ഞിരിക്കുന്നു……. നമ്മുടെ സന്തതിയെ ഇല്ലായ്മ ചെയ്യാൻ അവർ തയാറെടുക്കുകയാണ്…… ഈ വിവരം രഹസ്യമാക്കി വക്കണം…….. എന്നന്നേക്കുമായി.

ബർഗരീകന് പിടിവാശിയുടെ സ്വരമായിരുന്നു.

അല്ലാതെ കല്പനയുടെ ആയിരുന്നില്ല.

ബർഗരീകന്റെ മനസിൽ ഉള്ളത് അവർക്ക് പിടികിട്ടിയില്ല.

മഹാരാജൻ പറഞ്ഞു വരുന്നത്?

മാന്ത്രിക മുഴുവിക്കാതെ പറഞ്ഞ് നിർത്തി.

അതുതന്നെ മാന്ത്രിക…… എന്റെ സന്തതിയെ നിങ്ങൾ കാക്കണം…… സന്തതിയല്ല…… സന്തതികൾ…… രണ്ടു പേര്……. അതായത് ഇരട്ടകൾ.

ബർഗരീകന്റെ മുഖത്തു നാണത്തിൽ പൊതിഞ്ഞ പുഞ്ചിരി വിടർന്നു.

മഹാരാജൻ….. ഇരട്ട സന്താനങ്ങളോ? അത്ഭുതം തന്നെ…… നാഗ പരമ്പരയിലും ചരിത്രത്തിലും ഇത് ആദ്യ അനുഭവം തന്നെ….
അനന്തനാഗത്തിന്റെ അനുഗ്രഹം വേണ്ടുവോളം അങ്ങയിൽ പ്രാപ്തമായിരിക്കുന്നതിന്റെ തെളിവ് ആണത്.

കങ്കാണി തറപ്പിച്ചു പറഞ്ഞു.

അതെന്തേലും ആവട്ടെ കങ്കാണി…… നമുക്ക് ഉറപ്പ് നൽകൂ…… ഈ ലോകത്തിന്റെ ഏത് കോണിലായാലും നിങ്ങൾ ജീവൻ വെടിയും വരെ എന്റെ സന്തതികളെ സംരക്ഷിച്ചു കൊള്ളാമെന്നു സത്യം  ചെയ്യ്

ബർഗരീകൻ ആണയിട്ട് ആവശ്യപ്പെട്ടതും ആ വൃദ്ധ ദമ്പതികൾ ഒന്നു നടുങ്ങി.

തങ്ങളുടെ ചക്രവർത്തിയുടെ നിസ്സഹായത തിരിച്ചറിഞ്ഞ ഇരുവരും സത്യം ചെയ്യാൻ തയാറായി.

കങ്കാണി എന്തോ അർത്ഥം വച്ച പോലെ നോക്കിയതും മാന്ത്രിക മനസിലായെന്ന മട്ടിൽ തലയാട്ടികൊണ്ട് വീടിന് ഉള്ളിലെ നിലവറയിലേക്ക് പോയി.

അവിടെ നിലവറയിൽ പ്രതിഷ്ടിച്ചിരുന കരിനാഗജർ അമൂല്യമായി കരുതുന്ന കഠാരയ്ക്ക് സാമീപമാണ് മാന്ത്രിക എത്തി ചേർന്നത്.