?കരിനാഗം 19? [ചാണക്യൻ] 378

രുദ്രയുടെ മായികവലയത്തിൽ കുമാരൻ അകപ്പെട്ടിരിക്കുന്നു.

ഇനി അതിൽ നിന്നുമൊരു തിരിച്ചു വരവ് അസാധ്യം.

മഹിയുടെ അവസ്ഥ ഓർത്തു യക്ഷമിക്ക് സങ്കടം തോന്നി.

തങ്ങളുടെ രാജകുമാരന് ഇങ്ങനൊരു ദുർഗതി നേരിടേണ്ടി വന്നല്ലോ.

രുദ്രരൂപ ഒരു പുരുഷനെ സ്നേഹിക്കുന്നുവെന്ന് അറിഞ്ഞാൽ കരിനാഗങ്ങൾ വെറുതെയിരിക്കില്ല.

ഉടലോടെ മഹിയെ അവർ കാലപുരിക്ക് അയക്കും.

അതുകൊണ്ട് ഈ വിവരം വളരെ രഹസ്യമായി സൂക്ഷിക്കണം.

ആരോരുമറിയാതെ.

യക്ഷമി ആത്മഗതം പറയുകയാണ്.

എങ്കിലും അവളെ അലട്ടിയിരുന്ന മറ്റൊരു സംശയം ഇതായിരുന്നു.

എന്തുകൊണ്ട് രുദ്രയുടെ പരിസരത്ത് എത്തിയപ്പോൾ തന്നിലെ ആറാം ഇന്ദ്രിയം തുടിച്ചില്ല.

രുദ്രയുടെ സാന്നിധ്യത്തെ കുറിച്ചു എന്തുകൊണ്ട് സൂചന തന്നില്ല.?

എന്തുകൊണ്ടാവാം അങ്ങനെ സംഭവിച്ചത്.?

യക്ഷമിയെ കുഴക്കിയ ചോദ്യങ്ങൾ ഇവയായിരുന്നു.

സമാന ചിന്താഗതിയായിരുന്നു രുദ്രരൂപയ്ക്കും.

എന്തുകൊണ്ട് ആ നാഗം തന്റെ പിന്നാലെ വന്നപ്പോൾ തന്നിലെ ആറാം ഇന്ദ്രിയം മുന്നറിയിപ്പ് നൽകിയില്ല.?

മഹിയും യക്ഷമിയും തമ്മിലുള്ള ബന്ധമെന്ത്?

ഇതൊക്കെയായിരുന്നു രുദ്രരൂപയെ കുഴപ്പിച്ചുകൊണ്ടിരുന്നത്.

ഇരുവർക്കും ഉത്തരം ലഭിച്ചില്ല.

——————————————————–

-കരിനാഗരുടെ പുതിയ വാസസ്ഥലം-

പൂർണ ആരോഗ്യം വീണ്ടെടുത്ത അലോക് വൈദ്യർ ത്രിലോചനോട്‌ നന്ദി പറഞ്ഞ ശേഷം അവിടുന്ന് യാത്രയായി.

എന്നാൽ ചില കടുത്ത തീരുമാനങ്ങൾ കൈക്കൊണ്ടാണ് അലോക് അവിടെ നിന്നും മടങ്ങിയത്.

പോകുമ്പോൾ ബ്രഹസപതിയോടോ മാതംഗിയോടോ വാമിഖയോടോ അവൻ യാത്ര പറഞ്ഞിരുന്നില്ല.

അവരെ കാണാൻ പോലും കൂട്ടാക്കാതെ ഒരു വാക്ക് പോലും ഉരിയാടാതെ അലോക് തിരികെ മടങ്ങി.

രാജകുമാരന്റെ ഈ പെരുമാറ്റം അവരെ അല്പം വേദനിപ്പിച്ചു എന്ന് വേണം പറയാൻ.

രാജകുമാരൻ പോയി കഴിഞ്ഞതും എല്ലാവരും പുതിയ വാസസ്ഥലത്ത് തളർന്നിരിക്കുകയായിരുന്നു.

ഒരു നീർച്ചോലയോട് ചേർന്നായിരുന്നു പുതിയത് സ്ഥിതി ചെയ്തിരുന്നത്.

അവർ അവിടെ നിൽക്കവേ രണ്ടു മനുഷ്യരൂപികൾ പുതിയ വാസസ്ഥലത്തേക്ക് എത്തി ചേർന്നു.

രണ്ടു നാഗങ്ങൾ.

ആൺ നാഗവും പെൺ നാഗവും.

അവർ വൃദ്ധ ദമ്പതികൾ ആയിരുന്നു.

മുഷിഞ്ഞ വസ്തമണിഞ്ഞ അവരെ കാണാൻ യാചകർക്ക് സമാനമായിരുന്നു.

ദൂരെ നിന്നും മല കേറി വരുന്ന അവരെ കണ്ടു പുറത്തേക്ക് വന്ന മാദ്രിയമ്മ ഞെട്ടിപ്പോയി.

മകനെ………. നോക്കൂ ആരാണാ വരുന്നതെന്ന്

ബ്രഹസ്പതിയെ നോക്കി മാദ്രിയമ്മ വിളിച്ചു കൂവി.

അതുകേട്ടു എല്ലാവരുടെയും കണ്ണുകൾ ഒരുപോലെ അങ്ങോട്ടേക്ക് പാറി.

തങ്ങളുടെ വാസ സ്ഥലത്തേക്ക് നടന്നു വന്നവരെ കണ്ടു എല്ലാവരും ഞെട്ടലോടെ ചാടിയെഴുന്നേറ്റു.

കങ്കാണി…….. മാന്ത്രിക………. നിങ്ങളോ?

ബ്രഹസ്പതി ആവേശത്തോടെ ചാടിയെഴുന്നേറ്റു.

കങ്കാണിയും ഭാര്യ മാന്ത്രികയും 250 വർഷങ്ങൾക്ക് മുന്നേ നാഗ ലോകമായ പാതാളത്ത് നിന്നും കാണാതായവരാണ്.

അന്ന് അവർക്ക് വേണ്ടി ഒരുപാട് തിരച്ചിൽ നടത്തിയെങ്കിലും കണ്ടു കിട്ടിയില്ല.

പിന്നീടാണ് കരിനാഗ സാമ്രാജ്യം തകർന്നതും വെള്ളിനാഗ ചക്രവർത്തി ഗജേന്ദ്രസേനൻ കരിനാഗ രാജ്യം അതിക്രമിച്ചു കയറി കീഴടക്കിയതും.