🔱കരിനാഗം 16🔱[ചാണക്യൻ] 325

അലോക് കയറി പോയ കാർ ആയിരുന്നു അവളുടെ ലക്ഷ്യം.

അതിനാൽ തന്നെ രുദ്ര മെയ്വഴക്കത്തോടെ ലോറി ഓടിച്ചുകൊണ്ടിരുന്നു.

ഏകദേശം 5 മിനുട്ട് കഴിഞ്ഞതും മുന്നിൽ ഒരു ബെൻസ് കാർ പ്രത്യക്ഷമായി.

ആ കാർ ആദ്യ കാഴ്ച്ചയിൽ തന്നെ അലോക്കിന്റെ ആണെന്ന് രുദ്ര മനസിലാക്കി.

അതു കണ്ടതും രുദ്ര ആവേശത്തോടെ ഗിയർ ചേഞ്ച്‌ ചെയ്തുകൊണ്ട് ലോറി ഇരപ്പിച്ചു.

ആക്‌സിലേറ്ററിൽ അവൾ ഞെരിച്ചു.

ലോറി പാഞ്ഞു വന്നു അലോകിന്റെ ബെൻസിന്റെ പിന്നിൽ ശക്തിയിൽ ഇടിച്ചു.

ഇടികൊണ്ട മാത്രയിൽ ബെൻസ് മുന്നോട്ട് തെറിച്ചു.

ആ ഇടിയിൽ സ്റ്റീറിങ്ങിൽ തലയിടിച്ചു അലോകിന്റെ ബോധം നഷ്ടമായി.

അതുകണ്ട വാമിഖ ധൈര്യം ചോർന്നു പോകാതെ അലോകിനെ മുറുകെ പിടിച്ചു.

എന്നാൽ അധികം വൈകാതെ കാറിനിട്ട് അടുത്ത ഇടി കൂടി നൽകി രുദ്ര സംതൃപ്‍തിയോടെയിരുന്നു.

എന്നാൽ അവൾക്ക് അത്‌ മതിയായിരുന്നില്ല.

രുദ്ര ലോറി പിന്നിലേക്ക് കൊണ്ടു പോയി ഗിയർ ചേഞ്ച്‌ ചെയ്തു മുന്നിലേക്ക് കുതിപ്പിച്ചു.

ലോറി പാഞ്ഞു വന്നു കാറിനിട്ട് അടുത്ത ഇടി കൂടി നൽകിയതും കാർ റോഡ് സൈഡിലുള്ള മരത്തിൽ ചെന്നിടിച്ചു.

കാർ ഇഞ്ച പരുവമായി മാറി.

കാറിന്റെ ബോണറ്റിൽ നിന്നും കറുത്ത പുക ഉയരുവാൻ തുടങ്ങി.

വാമിഖ ആക്സിഡന്റിന്റെ ഷോക്കിൽ ഒന്നു മരവിച്ചിരുന്നെങ്കിലും സംയമനം വീണ്ടെടുത്ത് അലോകിനെ വിളിക്കാൻ തുടങ്ങി.

എന്നാൽ അലോക് അബോധാവസ്ഥയിലായിരുന്നു.

അവന്റെ നെറ്റി പൊട്ടി ചോര ഒഴുകുന്നുണ്ടായിരുന്നു.

അടുത്ത ഒരു ഇടി കൂടി കൊടുക്കാൻ വേണ്ടി രുദ്ര ലോറി ഇരപ്പിച്ചുകൊണ്ട് മുന്നോട്ട് എടുത്തു.

എന്നാൽ പൊടുന്നനെ അവളുടെ കാൽ ബ്രേക്കിൽ അമർന്നതും ഒരുമിച്ചായിരുന്നു.

മുന്നോട്ട് നോക്കിയ രുദ്ര കണ്ടത് തനിക്ക് തടസമായി നിൽക്കുന്ന ഒരു ഥാർ ജീപ്പ് ആയിരുന്നു.

പരിചയമുള്ള ആ ജീപ്പ് കണ്ടു സൂക്ഷിച്ചു നോക്കിയ രുദ്രരൂപ ഞെട്ടിപ്പോയി.

അത്‌ മഹിയുടെ ജീപ്പ് ആയിരുന്നു.

ജീപ്പിൽ നിന്നും ചാടിയിറങ്ങിയ മഹി തകർന്നു കിടക്കുന്ന ആ കാറിന് സമീപം ശങ്കയോടെ ഓടി ചെന്നു.

അപ്പോഴാണ് കാറിന് എതിർവശം ഉള്ള ഒരു ലോറി ഇരമ്പലോടെ ഓഫ് ആയത് മഹി കേട്ടത്.

എന്നാൽ അതൊന്നും ശ്രദ്ധിക്കാതെ മഹി തകർന്നു കിടക്കുന്ന കാറിന്റെ ഡോർ കഷ്ടപ്പെട്ട് വലിച്ചു തുറന്ന് അലോകിനെ പുറത്തെത്തിച്ചു.

എന്നിട്ട് വാമിഖയെയും വലിച്ചു പുറത്തേക്കെടുത്തു.

വാമിഖയ്ക്ക് നിസാര പരിക്കുകളെ ഉണ്ടായിരുന്നുള്ളു.

അതിനാൽ തന്നെ മഹി അലോകിനെ പൊക്കിയെടുത്തു ജീപ്പിന്റെ പിറകിൽ കയറ്റി.

പിന്നാലെ വാമിഖയും കയറി.

മഹി ഓടി ചെന്നു ജീപ്പിൽ ചാടി കയറി ഓൺ ചെയ്തു.

എന്നിട്ട് ചിറ്റൂർ ഹോസ്പിറ്റൽ ലക്ഷ്യമാക്കി ജീപ്പ് പായിച്ചു.

അധികം വൈകാതെ അവർ ഹോസ്പിറ്റലിൽ എത്തി.