?കരിനാഗം 16?[ചാണക്യൻ] 325

അയാളെ ICU വിൽ നിന്നും ഷിഫ്റ്റ്‌ ചെയ്തു റൂമിലേക്ക് മാറ്റിയെന്ന് മഹിയറിഞ്ഞു.

റൂം നമ്പർ ചോദിച്ചറിഞ്ഞ മഹി നേരെ അങ്ങോട്ട് നടന്നു.

അവിടെ ചെന്നു ഡോർ തുറന്ന് ഉള്ളിലേക്ക് കയറിയ മഹി ഞെട്ടി.

അവിടെ ഫ്ലാസ്കിൽ നിന്നും ഗ്ലാസിലേക്ക് ചായ പകരുന്ന യക്ഷമി.

പിന്നെ മൂലയിൽ ഒരു കസേരയിൽ ഇരിക്കുന്ന മാദ്രിയമ്മ.

പിന്നെ മറ്റു ചിലരുമുണ്ട്.

പൊടുന്നനെ റൂമിലേക്ക് കയറി വന്ന മഹിയെ കണ്ടു യക്ഷമിയും സ്തബ്ധയായി.

മഹി……….. ഇതെന്താ ഇവിടെ?

യക്ഷമി ചാടിക്കയറി ചോദിച്ചു.

അതൊക്കെ പറയാം…… താൻ എന്താടോ ഇവിടെ?

മഹി……. ഇത് അലോക് ആൻഡ് വാമിഖ…….. ഇവർ എന്റെ റിലേറ്റീവ്സ് ആണ്.

യക്ഷമി അവനോടായി പറഞ്ഞു.

യക്ഷമി……. ഇന്നലെ ഇയാളാണ് ഞങ്ങളെ അവിടുന്ന് രക്ഷിച്ചതും ഹോസ്പിറ്റലിലേക്ക് കൊണ്ടു വന്നതും.

വാമിഖ അവളുടെ അറിവിലേക്കായി പറഞ്ഞു.

ഹ്മ്മ്……. മഹി ഒരുപാട് താങ്ക്സ് ഇവരെ രക്ഷിച്ചതിന്.

ഹേയ്…… അങ്ങനൊന്നും പറയല്ലേ…… ഞാൻ ഒരു കടമ ചെയ്‌തെന്ന് മാത്രം.

മഹി പറഞ്ഞത് തീർന്നതും റൂമിന്റെ ഡോർ തുറന്ന് ബ്രഹസ്പതിയും മാതംഗിയും ഉള്ളിലേക്ക് കടന്നു വന്നു.

അപ്പോഴാണ് മഹിയെ അവർ കാണുന്നത്.

മഹിയെ കണ്ട മാത്രയിൽ, മഹിയുടെ നക്ഷത്രക്കണ്ണുകൾ കണ്ട മാത്രയിൽ മാതംഗിയൊന്നു ഞെട്ടി.

അമ്മേ……. ഇത് മഹി…… എന്റെ ഫ്രണ്ട് ആണ്….. ഇന്നലെ ഇവരെ രക്ഷിച്ചത് മഹിയാണ്.

യക്ഷമി മഹിയെ മാതംഗിക്കായി പരിചയപ്പെടുത്തി.

ഒരുപാട് നന്ദിയുണ്ട് മോനെ അവരെ രക്ഷിച്ചതിന്

മാതംഗി മഹിയോടായി പറഞ്ഞു.

മഹി സന്തോഷത്തോടെ ബ്രഹസ്പതിയെ നോക്കി.

അവിടെ ആജാനുബഹുവായ ഒരു മനുഷ്യൻ അരിശം കേറി നിൽക്കുന്ന പോലെയാണ് മഹിക്ക് തോന്നിയത്.

വേഷഭൂഷാധികളെല്ലാം പണ്ടത്തെ നാടകങ്ങളെ ഓർമിപ്പിക്കുന്ന പോലെ.

മഹി ആശ്ചര്യത്തോടെ കണ്ടു നിന്നു.

മഹി…… മാദ്രിയമ്മയെ വിളിക്കട്ടെ

അടുത്തുള്ള ബെഡിൽ ചുരുണ്ടു കൂടി ഉറങ്ങുന്ന മാദ്രിയമ്മയെ ചൂണ്ടി കാണിച്ചുകൊണ്ട് യക്ഷമി ചോദിച്ചു.

ഇപ്പൊ വേണ്ട യക്ഷമി….. മാദ്രിയമ്മ ഉറങ്ങിക്കോട്ടെ……. ഞാനിപ്പോ പോട്ടെ…… കോളജിൽ സമയത്ത് തന്നെ എത്തണം അതാ

മഹി പറയുന്നത് കേട്ട് യക്ഷമി തലയാട്ടി.

മോൻ ഒരിക്കെ യക്ഷമിയുടെ കൂടെ ഞങ്ങടെ വീട്ടിലേക്ക് വരണം കേട്ടോ.

മാതംഗി മഹിയോടായി പറഞ്ഞു.